දොළොස්වන ආරක්ෂක සේවා ක්‍රීඩා උළෙල 2023 නොවැම්බර් මස 24 වන දින කොළඹ, සුගතදාස ක්‍රීඩාංගණයේදී අති උත්කර්ෂවත් අයුරින් නිමාවට පත් වූ අතර, ආරක්ෂක රාජ්‍ය අමාත්‍ය ගරු ප්‍රමිත බංඩාර ‍තෙන්නකෝන් මැතිතුමා ‍ගේ ප්‍රධානත්වයෙන් පැවති එම අවස්ථාව සඳහා නාවික හමුදාධිපති වයිස් අද්මිරාල් ප්‍රියන්ත පෙරේරා සහභාගී විය.

2023 නොවැම්බර් මස 13 වන දින සිට 17 වන දින දක්වා කොළඹ, රාජකිය විදුහල් ක්‍රිඩාගාරයේදි පැවති ක්ලිෆර්ඩ් කුසලාන බොක්සිං තරඟාවලියේදී නාවික හමුදා බොක්සිං ක්‍රීඩක ක්‍රීඩිකාවන් ජයග්‍රහණ රැසක් හිමි කර ගැනීමට සමත් විය.

Eagle’s Cup අභියෝගතා කුසලාන හෑන්ඩ්බෝල් තරඟාවලිය, 2023 නොවැම්බර් මස 06 වන දින සිට 09 වන දින දක්වා මහරගම ජාතික තරුණ සේවා සභා ගෘහස්ථ ක්‍රීඩාංගණයේදී සාර්ථකව පැවති අතර, එහි පිරිමි ශූරතාවය නාවික හමුදා පිරිමි හෑන්ඩ්බෝල් කණ්ඩායම විසින් දිනාගැනීමට සමත් විය.

අන්තර් විධාන පිහිනුම් හා දිය පන්දු තරඟාවලිය 2023 නොවැම්බර් මස 02 වන දින සිට 04 වන දින දක්වා ශ්‍රී ලංකා නාවික නෞකා ගැමුණු ආයතනයේ පිහිණුම් තඨාකයේදී පැවති අතර, පිහිනුම් පිරිමි ශූරතාවය උතුරු නාවික විධානයත්, පිහිනුම් කාන්තා ශූරතාවය පුහුණු විධානයත්, දිය පන්දු පිරිමි ශූරතාවය නැගෙනහිර නාවික විධානයත් සහ දියපන්දු කාන්තා ශූරතාවය බටහිර නාවික විධානයත් හිමි කර ගැනීමට සමත්විය.

චීනයේ හෙන්ග්ෂුහි (HANGZHOU) පැවති, 04 වන ආසියානු පැරා ක්‍රීඩා උළෙල සඳහා ශ්‍රී ලංකාව නියෝජනය කරමින් 2023 ඔක්තෝබර් මස 28 වන දින පැවති මිටර් 400 පිරිමි ධාවන ඉසව්ව සඳහා සහභාගී වූ ශ්‍රී ලංකා නාවික හමුදාවේ පැරා ක්‍රීඩක නායක නැවි එස්එම්ඒඑස්එම් සුබසිංහ විසින් එම ඉසව්වේ ලෝකඩ පදක්කම මව්බිමට දිනාදීමට සමත් විය.

අන්තර් විධාන කඹ ඇඳීමේ තරඟාවලිය, 2023 ඔක්තෝබර් මස 20 සහ 21 යන දිනයන්හීදී ශ්‍රී ලංකා නාවික නෞකා පණ්ඩුකාභය ආයතනයේදී සාර්ථකව පැවැත්වුනු අතර, පුහුණු විධානය විසින් එහි පිරිමි ශූරතාවයත්, බටහිර නාවික විධානය විසින් එහි කාන්තා ශූරතාවයත් දිනා ගැනීමට සමත් විය.

2023 ඔක්තෝබර් මස 15 වන දින දෙහිවල CFC පාපන්දු ක්‍රීඩා පිටියේදී පැවති Premier Women's Futsal Tournament – 2023 තරඟාවලියේ ශූරතාවය, ශ්‍රී ලංකා නාවික හමුදා කාන්තා පාපන්දු කණ්ඩායම දිනාගැනීමට සමත් විය.

2023 ඔක්තෝබර් මස 01 වන දින සිට 04 වන දින දක්වා කොළඹ, සුගතදාස ගෘහස්ත ක්‍රීඩාගාරයේදී පැවති ලේටන් කුසලාන බොක්සිං තරඟාවලියේදී නාවික හමුදා බොක්සිං ක්‍රීඩක ක්‍රීඩිකාවන් ජයග්‍රහණ රැසක් හිමි කර ගැනීමට සමත් විය.

2023 සැප්තැම්බර් මස 17 වන දින සිට 24 වන දින දක්වා වැලිසර, නාවික හමුදා වෙඩි තැබීමේ සංකීර්ණයේදී පැවති 12 වන ආරක්ෂක සේවා වෙඩි තැබීමේ තරඟාවලියේදී, නාවික හමුදා වෙඩි තැබීමේ සංචිතය ජයග්‍රහණ රැසක් හිමිකර ගැනීමට සමත් විය.

2023 සැප්තැම්බර් මස 17 වන දින සිට 21 වන දින දක්වා ශ්‍රී ලංකා නාවික නෞකා ගැමුණු ආයතනයේ කොමාණ්ඩර් පරාක්‍රම සමරවීර අනුස්මරණ ගෘහස්ථ ක්‍රීඩාංගනයේදී පැවති, 2023 අන්තර් විධාන වොලිබෝල් තරඟාවලිය 2023 සැප්තැම්බර් මස 21 වන දින සාර්ථකව නිමාවට පත් වූ අතර, තරඟාවලියේ පිරිමි ශූරතාවය උතුරු මැද නාවික විධානය විසින් සහ එහි කාන්තා ශූරතාවය බටහිර නාවික විධානය විසින් දිනා ගැනීමට සමත් විය.