12 වන ආරක්ෂක සේවා තරඟාවලියේදී තරඟ ශූරතාවයන් දිනා ගත් නාවික හමුදා ක්‍රීඩක ක්‍රීඩිකාවන් අද දින (2023 අප්‍රේල් 20) නාවික හමුදාධිපති වයිස් අද්මිරාල් ප්‍රියන්ත පෙරේරා විසින් වැලිසර නාවික පරිශ්‍රයේ කොමාණ්ඩර් පරාක්‍රම සමරවීර ගෘහස්ත ක්‍රීඩාගාරයේදී හමුවී, නාවික හමුදාවේ කීර්තිය ඉහළ නැංවීම වෙනුවෙන් සිදුකල දායකත්වය ඇගයීමට ලක් කිරීමට කටයුතු කෙරිණි.

ශ්‍රී ලංකාවේ සත්කාරකත්වයෙන් පසුගිය 2023 පෙබරවාරි මස 17 වන දින පැවති හතර වන ලෝක ආරක්‍ෂක සේවා වෙරළ අත්පන්දු (Beach Volleyball) තරඟාවලියේ කාන්තා අංශයේ අනුශූරතාවය දිනාගත් ශ්‍රී ලංකා නාවික හමුදා කාන්තා වෙරළ අත්පන්දු කණ්ඩායම නියෝජනය කළ සාමාන්‍ය කාන්තා නැවි එම්ජීඩී බංඩාර සහ සාමාන්‍ය කාන්තා නැවි ඒකේටී ලක්‍ෂාණී යන ක්‍රීඩිකාවන් දෙදෙනා (02) දිරිගැන්වීම උදෙසා එම ක්‍රීඩිකාවන් වෙත නාවික හමුදා ක්‍රීඩා මණ්ඩලයේ සභාපති වශයෙන් කටයුතු කරනු ලබන නාවික හමුදාධිපති, වයිස් අද්මිරාල් ප්‍රියන්ත පෙරේරා විසින් රුපියල් 75,000.00 බැගින් වටිනා මුදල් ත්‍යාග පිරිනැමීම අද දින (2023 අප්‍රේල් 06) නාවික හමුදා මූලස්ථානයේදී සිදු කෙරිණි.

07 වන නාවික හමුදා විවෘත වෙඩි තැබිමේ තරඟාවලිය - 2023, වැලිසර, නාවික හමුදා වෙඩි තැබිමේ සංකිර්ණයේදී 2023 මාර්තු මස 29 වන දින සිට 2023 අප්‍රේල් මස 04 වන දින දක්වා පවත්වන ලද අතර, එහිදි ශ්‍රී ලංකා නාවික හමුදා වෙඩි තැබීමේ සංචිතය සමස්ථ තරඟාවලියේ ශූරතාවය හිමි කර ගැනීමට සමත් විය.

12 වන ආරක්‍ෂක සේවා තුන්ප්‍රයාම තරඟාවලිය - 2023, ශ්‍රී ලංකා නාවික හමුදාවේ සංවිධායකත්වයෙන් සහ නැගෙනහිර නාවික විධානයේ හා ස්වේච්ඡා නාවික හමුදාවේ ආඥාපති, රියර් අද්මිරාල් ධම්මික කුමාර ගේ ප්‍රධානත්වයෙන් 2023 අප්‍රේල් මස 04 වන දින ත්‍රීකුණාමලය උතුර, තිරියාය මුහුදු තීරය සහ කුච්චවේලි නගරය ආවරණය වන පරිදි සාර්ථකව පැවැත්වුණු අතර, එහිදී පිරිමි කණ්ඩායම් අනුශූරතාවය දිනාගැනීමට නාවික හමුදා කණ්ඩායම සමත්විය.

“12 වන ආරක්‍ෂක සේවා ගොල්ෆ් ශූරතාවලිය - 2023”, ත්‍රිකුණාමලය චීන වරාය ඊගල්ස් ගොල්ෆ් ලින්ක් පිටියේදී 2023 අප්‍රේල් මස 01 සහ 02 දෙදින ශ්‍රී ලංකා නාවික හමුදාවේ සංවිධායකත්වයෙන් සාර්ථකව පැවැත්වුණු අතර, තරඟාවලියේ සමස්ථ අනුශූරතාවය ශ්‍රී ලංකා නාවික හමුදාව විසින් දිනාගැනීමට සමත් විය.

ශ්‍රි ලංකා ආධුනික ඔරු පැදීමේ සංගමය විසින් සංවිධානය කරන ලද “38 වන ජාතික ඔරු පැදීමේ ශූරතාවලිය - 2023’’ තරඟාවලිය, 2023 මාර්තු මස 29 වන දින සිට අප්‍රේල් මස 01 වන දින දක්වා බත්තරමුල්ල, දියවන්නාව ඔරු පැදීමේ මධ්‍යස්ථානය අසලදී පැවැත්විණ. එහිදී Junior, Intermediate සහ Senior යන අංශයන් යටතේ තරඟ පැවති අතර, එහි Intermediate අංශයේ ශුරතාවයන් සහ Senior අංශයේ අනුශූරතාවයන් නාවික හමුදා පිරිමි සහ කාන්තා ඔරු පැදීමේ කණ්ඩායම් දිනා ගැනීමට සමත් විය.

‘අන්තර් විධාන පාපන්දු තරඟාවලිය - 2023’ මෙවර වැලිසර නාවික පරිශ්‍රයේ පාපන්දු ක්‍රීඩා පිටියේදී 2023 මාර්තු මස 17 වන දින සිට 23 වන දින දක්වා සාර්ථකව පැවැත්වුණු අතර, එහි සමස්ථ ශූරතාවය බටහිර නාවික විධානය විසින් දිනාගැනීමට සමත් විය.

ශ්‍රී ලංකා නාවික හමුදා අන්තර් විධාන බැඩ්මින්ටන් තරඟාවලිය 2023 මාර්තු මස 06 වන දින සිට 10 වන දින දක්වා වැලිසර, ශ්‍රිලංනානෞ ගැමුණු ආයතනයේ කොමාන්ඩර් පරාක්‍රම සමරවිර අනුස්මරණ ගෘහස්ථ ක්‍රීඩාගාරයේදී පැවැත්වුනු අතර, එහි ත්‍යාග ප්‍රදානෝත්සවය බටහිර නාවික විධානයේ ආඥාපති රියර් අද්මිරාල් සුරේෂ් ද සිල්වා ගේ ප්‍රධානත්වයෙන් 2023 මාර්තු මස 10 වන දින සිදු කෙරිණි.

අන්තර් සමාජ ක්ලිෆඩ් කුසලාන පිළිමලුන් පිටුදැකී‍මේ පිරිමි රග්බි අවසන් තරඟය නාවික හමුදා සහ CR&FC කණ්ඩායම් අතර කොළඹ තුරඟ තරඟ පිටියේදී, 2023 මාර්තු මස 05 වන දින පැවැත්වුණු අතර, එහිදී ලකුණු 24-18 ක් ලෙස ලබා ගනිමින් නාවික හමුදා පිරිමි රග්බි කණ්ඩායම තරඟාවලියේ අනු ශූරතාවය දිනා ගන්නා ලදි.

‘National Sailing Championship - 2023’ තරඟාවලිය 2023 මාර්තු මස 05 සහ 06 යන දිනයන්හීදි මට්ටක්කුලිය, කාක දූප‍තේදී, නාවික හමුදාධිපති වයිස් අද්මිරාල් ප්‍රියන්ත පෙරේරා ගේ ප්‍රධානත්වයෙන් සාර්ථකව පැවැත්වුණු අතර, එහිදී නාවික හමුදා රුවල් ඔරු සංචිතය විසින් ජයග්‍රහණ රැසක් දිනාගැනීමට සමත් විය.