තායිලන්තයේ බැංකොක් නුවර ජාතික ක්‍රීඩාංගණයේදී පැවැත්වෙන, 25 වන ආසියානු මලළ ක්‍රීඩා ශූරතාවලිය සඳහා ශ්‍රී ලංකාව නියෝජනය කරමින් අද දින (2023 ජුලි 16) පැවති මිටර් 800 කාන්තා ධාවන ඉසව්වෙන් ශ්‍රී ලංකා නාවික හමුදාවේ කාන්තා සුළු නිලධාරී ගයන්තිකා අබේරත්න ලෝකඩ පදක්කමක් සහ මීටර් 400x4 සහය දිවීම තරඟයෙන් සාමාන්‍ය කාන්තා නැවි සයුරි මෙන්ඩිස් රිදී පදක්කමක් මව්බිමට දිනාදීමට සමත් විය.

තායිලන්තයේ බැංකොක් නුවර ජාතික ක්‍රීඩාංගණයේදී පැවැත්වෙන, 25 වන අසියානු මලල ක්‍රීඩා ශූරතාවලිය සඳහා ශ්‍රී ලංකාව නියෝජනය කරමින් අද දින (2023 ජුලි 12) පැවති මිටර් 1500 කාන්තා ධාවන ඉසව්ව සඳහා ඉදිරිපත් වූ ශ්‍රී ලංකා නාවික හමුදාවේ කාන්තා සුළු නිලධාරී ගයන්තිකා අබේරත්න ක්‍රීඩිකාව, එම ඉසව්වේ ලෝකඩ පදක්කම මව්බිමට දිනාදීමට සමත් විය.

නාවික හමුදා අන්තර් විධාන රග්බි තරඟාවලිය - 2023, මෙවර උතුරු නාවික විධානයේ ශ්‍රී ලංකා නාවික නෞකා උත්තර රග්බි පිටියේ දී 2023 ජුලි මස 05 සිට 07 දක්වා සාර්ථකව පැවති අතර, එහි පිරිමි ශූරතාවය පුහුණු විධානය විසින් සහ කාන්තා ශූරතාවය බටහිර නාවික විධානය විසින් දිනාගැනීමට සමත් විය.

12 වන ආරක්ෂක සේවා වූෂූ තරඟාවලිය 2023 ජුලි 04 සහ 05 දිනයන්හී වැලිසර නාවික පරිශ්‍රයේ කොමාණ්ඩර් පරාක්‍රම සමරවීර ගෘහස්ථ ක්‍රීඩාගාරයේදී සාර්ථකව පැවැත්වුණු අතර, තරඟාවලියේ පිරිමි සහ කාන්තා ශුරතාවය නාවික හමුදාව දිනා ගැනීමට සමත් විය.

2023 අන්තර් විධාන කාන්තා සය සාමාජික සැහැල්ලු පන්දු ක්‍රිකට් තරඟාවලිය 2023 ජුනි මස 26 සහ 27 යන දිනයන්හිදි වැලිසර නාවික හමුදා ක්‍රිකට් ක්‍රිඩාංගණයේදි පැවති අතර, එහි අවසන් මහා තරඟයේ ප්‍රධාන ආරාධිතයා වශයෙන් නාවික හමුදා ක්‍රිකට් කමිටුවේ සභාපති රියර් අද්මිරාල් ජලාජ් පොන්නම්පෙරුම සහභාගි විය.

2023 ජුනි මස 24 වන දින කටුනායක, ශ්‍රි ලංකා ගුවන් හමුදා කඳවුරු ක්‍රීඩාංගණයේ පැවැති 12 වන ආරක්ෂක සේවා මළල ක්‍රීඩා තරඟාවලියේ පිරිමි සහ කාන්තා අර්ධ මැරතන් අනු ශූරතාවය නාවික හමුදාව දිනා ගැනීමට සමත් විය.

2023 ජුනි මස 23 වන දින ඒකල, ශ්‍රි ලංකා ගුවන් හමුදා ක්‍රීඩාංගණයේදී පැවැති 12 වන ආරක්ෂක සේවා හොකී තරඟාවලිය 2022/ 2023 හි කාන්තා ශුරතාවය නාවික හමුදා කාන්තා හොකී කණ්ඩායම දිනා ගැනීමට සමත් විය.

අන්තර් විධාන මේස පන්දු තරඟාවලිය 2023 ජුනි මස 20 වන දින සිට 24 වන දින දක්වා ශ්‍රී ලංකා නාවික නෞකා ගැමුණු ආයතනයේ කොමාණ්ඩර් පරාක්‍රම සමරවීර අනුස්මරණ ගෘහස්ථ ක්‍රීඩාංගනයේදී පැවති අතර, එහි පිරිමි හා කාන්තා සමස්ථ ශූරතාවය බටහිර නාවික විධානය විසින්ද, පිරිමි සහ කාන්තා සමස්ථ අනුශූරතාවය උතුරු නාවික විධානය විසින් ද හිමිකර ගැනීමට සමත් විය.

අන්තර් විධාන තුන්ප්‍රයාම තරඟාවලිය 2023 ජුනි මස 18 වන දින නැගෙනහිර නාවික විධානයේ නියෝජ්‍ය ආඥාපති කොමදෝරු මහේෂ් ද සිල්වා ගේ ප්‍රධානත්වයෙන් නාවික තඨාකාංගනය ආශ්‍රිත ප්‍රදේශයේ සහ සැන්ඩිබේ වෙරළ තීරයේදී පැවති අතර, එහිදී පිරිමි සහ කාන්තා කණ්ඩායම් ශූරතාවයන් පුහුණු විධානය විසින් දිනා ගැනීමට සමත් විය.

ජපානයේ දී සහ ඩුබායි හිදී පැවති මලල ක්‍රිඩා තරඟාවලීන් මඟින් රන් පදක්කම් දිනා ගත් කාන්තා සුළු නිලධාරී ගයන්තිකා අබේරත්න සහ නාවික හමුදා පැරා ක්‍රීඩක බලනැවි එස්එම්ඒඑස්එම් සුබසිංහ, ඔවුන් හිමි කරගත් රන් පදක්කම් හා කුසලාන අද දින (2023 ජුනි 20) නාවික හමුදා ක්‍රීඩා මණ්ඩලයේ සභාපති වශයෙන් කටයුතු කරනු ලබන නාවික හමුදාධිපති, වයිස් අද්මිරාල් ප්‍රියන්ත පෙරේරා වෙත ඉදිරිපත් කරන ලද අතර, මව්බිමට අභිමානයක් ගෙනදීමට සිදුකළ සුවිශේෂී දායකත්වය අගයමින් එහිදී නාවික හමුදාධිපති විසින් ඔවුන් වෙත වටිනා මුදල් ත්‍යාග පිරිනැමීම නාවික හමුදා මූලස්ථානයේදී සිදු කෙරිණි.