‘මෝටර්ක්‍රොස් ජාතික ශූරතා තරඟාවලිය - 2024’ යතුරු පැදි අංශයේ ජයග්‍රහණ රැසක් හිමිකර ගැනීමට නාවික හමුදාව සමත් වෙයි

ශ්‍රී ලංකා යතුරුපැදි සම්මේලනය මඟින් සංවිධානය කරන ලද ‘මෝටර්ක්‍රොස් ජාතික ශූරතා තරඟාවලිය - 2024’ ගිරිඋල්ල, මහමේරුව ධාවන පථයේදී 2024 දෙසැම්බර් මස 15 වැනි දින පැවති අතර, එහිදී යතුරු පැදි අංශයේ ජයග්‍රහණ රැසක් හිමි කර ගැනීමට නාවික හමුදා අති ධාවනකාරී යතුරු පැදි සංචිතයේ ක්‍රීඩකයින් සමත් විය.

ශ්‍රී ලංකා යතුරුපැදි සම්මේලනය මඟින් සංවිධානය කරන ලද මෙම තරඟාවලිය සඳහා දිවයිනේ අති ධාවනකාරී යතුරුපැදි සංචිත නියෝජනය කරමින් ක්‍රීඩකයින් රැසක් සහභාගී වී සිටි අතර, එහිදී යතුරු පැදි ඉසව් හතරක් (04) යටතේ මෙම තරඟාවලිය පැවැත්විණි.

ඒ අනුව, 125 SDT තරඟයේ ප්‍රථම ස්ථානය සුළු නිලධාරී ඩීඑම්එස්එස් කුමාර විසින්ද, එහි දෙවන ස්ථාන නායක ඉංජිනේරු කාර්මික කේඑච්සී ගුණවර්ධන විසින් සහ Super Mortard Race - 01 තරඟයේ තුන්වන ස්ථානය නායක ඉංජිනේරු කාර්මික එම්වීඩබ්පී කරුණාරත්න විසින්ද හිමිකර ගැනීමට සමත්විය.