වෙළඳ සහ රාජ්‍ය සේවා ජාත්‍යන්තර ශ්‍රේණිගත කිරීමේ වේගි චෙස් කණ්ඩායම් (Rapid team) තරාඟාවලියේ ශූරතාව නාවික හමුදාව දිනාගනි
06 වන වෙළඳ සේවා සහ රජ්‍ය සේවා ජාත්‍යන්තර ශ්‍රේණිගත කිරීමේ වේගි කණ්ඩායම් චෙස් ශූරතාවලිය කොළඹ ක්‍රීඩා අමාත්‍යශ ශ්‍රවනාගාරයේදී 2024 නොවැම්බර් මස 09 සහ 10 යන දෙදින පැවැත්වීමට කටයුතු කෙරුණු අතර, එහිදී නාවික හමුදාව විසින් ජයග්‍රහණ රැසක් හිමිකර ගැනීමට සමන් විය.
මෙම තරඟාවලිය සඳහා සහභාගී වූ වෙළඳ සහ රාජ්‍ය සේවා අංශයේ චෙස් කණ්ඩායම් 43 ක් අභිබවා වේගි කණ්ඩායම් (Rapid team) චෙස් තරගාවලියේ ශූරතාවය සහ අධිවේගි කණ්ඩායම් (Blitz team) චෙස් තරඟාවලියේ අනුශූරතාවය දිනාගැනීමට නාවික හමුදා චෙස් කණ්ඩායම සමත්විය.
තවද, ශ්‍රී ලංකා නාවික හමුදාව නියෝජනය කරමින් සහභාගී වූ ඉංජිනේරු කාර්මික ඩීකේඩී මෙන්ඩිස් විසින් වේගි කණ්ඩායම් හොඳම පුවරුවට (Best board in Rapid team) හිමි රන් පදක්කම දිනා ගැනීමට සමත් විය.
