ශ්‍රී ලංකා ගුවන් හමුදාව මඟින් තෙවන වරට සංවිධානය කරන ලද ‘Eagles Cup Handball Challenge Trophy 2024’, හෑන්ඩ් බෝල් තරඟාවලිය, 2024 නොවැම්බර් මස 17 වන දින සිට 20 වන දින දක්වා කොළඹ සුගතදාස ගෘහස්ථ ක්‍රීඩාංගණයේදී පැවති අතර, එහිදී නාවික හමුදා පිරිමි කණ්ඩායම එහි අනුශූරතාවය දිනා ගැනීමට සමත් විය.

ශ්‍රී ලංකා නාවික හමුදාවේ පූර්ණ සංවිධායක දායකත්වයෙන් 2024 නොවැම්බර් මස 20 සිට 22 දක්වා වැලිසර, කොමාණ්ඩර් පරාක්‍රම සමරවීර ගෘහස්ත ක්‍රීඩා සංකිර්ණයේදී පැවැත්වූණු 13 වන ආරක්‍ෂක සේවා මල්ලවපොර තරඟාවලියේ ජයග්‍රහණ රැසක් දිනා ගනිමින්, එහි පිරිමි අංශයේ ශූරතාවය සහ කාන්තා අනුශූරතාවය නාවික හමුදාව දිනා ගැනීමට සමත්විය.

06 වන වෙළඳ සේවා සහ රජ්‍ය සේවා ජාත්‍යන්තර ශ්‍රේණිගත කිරීමේ වේගි කණ්ඩායම් චෙස් ශූරතාවලිය කොළඹ ක්‍රීඩා අමාත්‍යශ ශ්‍රවනාගාරයේදී 2024 නොවැම්බර් මස 09 සහ 10 යන දෙදින පැවැත්වීමට කටයුතු කෙරුණු අතර, එහිදී නාවික හමුදාව විසින් ජයග්‍රහණ රැසක් හිමිකර ගැනීමට සමන් විය.

අන්තර් විධාන පැසිපන්දු තරඟාවලිය - 2024, වැලිසර ශ්‍රිලංනානෞ ගැමුණු ආයතනයේ කොමාණ්ඩර් පරාක්‍රම සමරවීර ගෘහස්ථ ක්‍රිඩාංගණයේදී 2024 ඔක්තොබර් මස 24 වන දින සිට 30 වන දින දක්වා පැවති අතර, එහිදී තරඟාවලියේ පිරිමි ශූරතාවය නැගෙනහිර නාවික විධානයත්, කාන්තා ශූරතාවය බටහිර නාවික විධානයත් හිමිකර ගැනීමට සමත් විය.

දහතුන්වන (13) ආරක්‍ෂක සේවා ක්‍රීඩා උළෙලෙහි අත් පන්දු තරඟාවලිය 2024 ඔක්තෝබර් මස 14 වන දින සිට 18 වන දින දක්වා පනාගොඩ යුද්ධ හමුදා ගෘහස්ථ ක්‍රීඩාංගණයේදී පැවැත්වුනු අතර, එහීදී නාවික හමුදා අත් පන්දු (Handball) කණ්ඩායම ආරක්‍ෂක සේවා පිරිමි අත් පන්දු ශූරතාවය දිනා ගැනීමට සමත් විය.

2024 සැප්තැම්බර් මස 18 වන දින සිට 24 වන දින දක්වා තායිලන්තයේ බැංකොක් නුවර පැවති තායිලන්ත අන්තර්ජාතික ජූඩෝ ශූරතාවලිය - 2024 (Thailand International Judo Championship 2024) සඳහා ශ්‍රී ලංකා ජූඩෝ කණ්ඩයම නියොජනය කරමින් සහභාගී වු නාවික හමුදා ජූඩෝ ක්‍රිඩිකා නායක කාන්තා නැවි කේවිඑස්ඩි කුමාරසිංහ විසින් කිලෝ ග්‍රෑම් 70 බරපන්තිය යටතේ තරඟ වැදි එහි ලෝකඩ පදක්කම මව්බිමට දිනා දීමට සමත් විය.

ශ්‍රී ලංකා නාවික හමුදා අන්තර් විධාන හොකී තරඟාවලිය, 2024 ඔක්තෝබර් මස 08 වන දින සිට 11 වන දින දක්වා වැලිසර, ශ්‍රී ලංකා නාවික නෞකා ලංකා ආයතනයේ හොකී ක්‍රීඩා පිටියේදී පැවති අතර, එහි පිරිමි සමශූරතාවය බටහිර නාවික විධානය හා පුහුණු විධනය විසින්ද, කාන්තා සමශූරතාවය බටහිර නාවික විධානය හා දකුණු නාවික විධානය විසින්ද දිනා ගැනීමට සමත්විය.

ශ්‍රී ලංකා ක්‍රිකට් ආයතනය විසින් සංවිධානය කරන ලද අන්තර් සමාජ පළමු පෙළ (TIRE B) සීමිත පන්දුවාර ක්‍රිකට් තරඟාවලිය, 2024 සැප්තැම්බර් මස 24 වන දින සිට 2024 ඔක්තෝබර් මස 09 වන දින දක්වා ක්‍රීඩා සමාජ 12 ක සහභාගීත්වයෙන් පවත්වන ලද අතර, එහිදී ශ්‍රී ලංකා නාවික හමුදා කණ්ඩායම නියෝජනය කළ ප්‍රධාන සුළු නිලධාරී (සංඥා) එන්ඒඑච් ද සිල්වා විසින් තරඟාවලියේ දක්‍ෂතම පිතිකරුවා ලෙස තේරී පත්විය.

2024 ඔක්තෝබර් මස 01 වන දින සිට 05 වන දින දක්වා කොළඹ රාජකීය විද්‍යාලයේ ගෘහස්ත බොක්සිං ක්‍රීඩා වළල්ලේදී සහ මීගමුව බ්‍රවුන්ස් වෙරළ තීරයේදී පැවති ‘Layton Cup Boxing Tournament - 2024’ තරඟාවලියේදී නාවික හමුදා බොක්සිං ක්‍රීඩක ක්‍රීඩිකාවන් රන් පදක්කමක් (01), රිදී පදක්කම් පහක් (05) සහ ලෝකඩ පදක්කම් දහයක් (10) හිමි කර ගැනීමට සමත් විය.

ශ්‍රී ලංකා ක්‍රිකට් ආයතනය විසින් සංවිධානය කරන ලද අන්තර් සමාජ පළමු පෙළ (TIRE B) තුන්දින ක්‍රිකට් තරගාවලිය 2024 ජූනි මස 28 වන දින සිට 2024 සැප්තැම්බර් මස 15 වන දින දක්වා ක්‍රීඩා සමාජ 12 ක සහභාගීත්වයෙන් පවත්වන ලද අතර, එහිදී ශ්‍රී ලංකා නාවික හමුදා කණ්ඩායම නියෝජනය කළ නායක නැවි ජීඑල්ඒඑල් මධුසංක විසින් තරඟාවලියේ දක්‍ෂතම පන්දු යවන්නා ලෙස තේරී පත්විය.