இலங்கை கடற்படை, 2026 பிப்ரவரி 25 ஆம் திகதி கல்பிட்டியின் ஆனவாசல் மற்றும் முகத்துவாரம் பகுதிகளில் நடத்திய சிறப்பு தேடுதல் நடவடிக்கைகளின் மூலம், சட்டவிரோதமாக நாட்டிற்கு கொண்டு வரப்பட்டு போக்குவரத்துக்காக தயார் செய்யப்பட்டு, ஒரு புதரில் மறைத்து வைக்கப்பட்டிருந்த சுமார் எண்ணூற்று எண்பத்தி இரண்டு (882) கிலோகிராம் பீடி இலைகளுடன் கெப் வண்டி ஒன்றையும் (01) கடற்படையினர் கைப்பற்றினர்.

இலங்கை கடற்படை, 2026 பிப்ரவரி 23 ஆம் திகதி கற்பிட்டி முகத்துவாரம் கடல் பகுதியில் நடத்திய சிறப்பு தேடுதல் நடவடிக்கையின் மூலம், கடல் வழியாக சட்டவிரோதமாக கொண்டு செல்லப்பட்ட அறுநூற்று எண்பத்தைந்து (685) கிலோகிராம் உலர்ந்த கடல் அட்டைகள், ஒரு (01) சந்தேக நபர் மற்றும் ஒரு (01) டிங்கி படகு ஆகியவை கடற்படையினரால் கைப்பற்றப்பட்டது.

இலங்கையின் தெற்கு கடற்கரையில் ஆழ்கடலில் உள்ளூர் பல நாள் மீன்பிடி படகில் நோய்வாய்ப்பட்ட மீனவர் ஒருவரை, கொழும்பில் உள்ள கடல்சார் தேடல் மற்றும் மீட்பு ஒருங்கிணைப்பு மையத்தின் ஒருங்கிணைப்பின் கீழ் அவசரமாக கரைக்கு கொண்டு வரப்பட்டு, இன்று (2026 பிப்ரவரி 24) காலை கடற்படையினரால் சிகிச்சைக்காக காலியில் உள்ள கராப்பிட்டிய போதனா வைத்தியசாலைக்கு அனுப்ப நடவடிக்கை எடுக்கப்பட்டது.

இலங்கை கடற்படை, கடலோர காவல்படை திணைக்களத்துடன் இணைந்து, 2026 பிப்ரவரி 21 ஆம் திகதி சிலாபம் மற்றும் தொடுவாவ கடல் பகுதிகளில் ஒரு சிறப்பு கூட்டு தேடுதல் நடவடிக்கையை மேற்கொண்டது. இதன் போது சட்டவிரோதமாக கொண்டு செல்லப்பட்டு கொண்டிருந்த மற்றும் நாட்டிற்கு சட்டவிரோதமாக கொண்டு வரப்பட்ட தொள்ளாயிரத்து தொன்னூற்று இரண்டு (992) கிலோகிராமை விட அதிகமான பீடி இலைகள், ஒரு லட்சத்து நாற்பதாயிரம் (140,000) வெளிநாட்டு சிகரெட்டுகள், ஒரு தொகை பூச்சிக்கொல்லிகள், இரண்டு (02) சந்தேக நபர்கள் மற்றும் ஒரு (01) டிங்கி படகு ஆகியவை கைப்பற்றப்பட்டன.

இலங்கை கடற்படை, மன்னாருக்கு தெற்கே இலங்கை கடல் பகுதியில் 2026 பிப்ரவரி 22 ஆம் திகதி இரவு நடத்திய சிறப்பு தேடுதல் நடவடிக்கையின் போது, உள்ளூர் கடல் பகுதியில் சட்டவிரோத மீன்பிடி நடவடிக்கைகளில் ஈடுபட்டதற்காக ஒரு (01) இந்திய மீன்பிடி படகு மற்றும் பன்னிரண்டு (12) இந்திய மீனவர்களைக் கடற்படையினர் கைப்பற்றினர்.

இலங்கை கடற்படையினர், கிளிநொச்சியின் இரணைதீவு மேற்கு கடல் பகுதியில் 2026 பிப்ரவரி 23 ஆம் திகதி அதிகாலை நடத்திய சிறப்பு தேடுதல் நடவடிக்கையின் மூலம், சட்டவிரோதமாக இரவு நேரத்தில் சுழியோடி, கடல் அட்டை பிடியில் ஈடுபட்ட பத்து (10) நபர்களையும், ஆயிரத்து இருநூற்று முப்பத்திரண்டு (1232) கடல் அட்டைகள், மூன்று (03) டிங்கி படகுகள் மற்றும் சுழியோடி உபகரணங்களையும் கடற்படையினர் கைப்பற்றினர்.

இலங்கை கடற்படை, மன்னார் குற்றப் புலனாய்வுப் பிரிவுடன் இணைந்து, 2026 பிப்ரவரி 22 ஆம் திகதி புத்தளம் சாலியவெவ பகுதியில் நடத்தப்பட்ட சிறப்பு சோதனை நடவடிக்கையின் போது சுமார் இரண்டு (02) கிலோகிராம் வெளிநாட்டு கஞ்சா, ஒரு (01) சந்தேக நபர் மற்றும் ஒரு (01) மோட்டார் சைக்கிள் ஆகியவை கைப்பற்றப்பட்டது.

இலங்கை கடற்படை, கடலோர காவல்படைத் திணைக்களத்துடன் இணைந்து, மன்னார் வடக்கு மற்றும் யாழ்ப்பாணம் நெடுந்தீவுக்கு அருகிலுள்ள இலங்கை கடல் பகுதியில் 2026 பிப்ரவரி 18, அன்று இரவு சிறப்பு தேடுதல் நடவடிக்கைகளை மேற்கொண்டதுடன், உள்ளூர் கடல் பகுதியில் சட்டவிரோத மீன்பிடி நடவடிக்கைகளில் ஈடுபட்ட நான்கு (04) இந்திய மீன்பிடி படகுகளையும் இருபத்தி இரண்டு (22) இந்திய மீனவர்களையும் கடற்படையினர் கைப்பற்றினர்.

இலங்கை கடற்படையினர், கடலோர காவல்படையுடன் இணைந்து, சிலாபம், முத்துபந்திய மற்றும் ஆரச்சிகடட்டுவவில் உள்ள வைரம்கட்டுவ பகுதியில் 2026 பிப்ரவரி 17, அன்று நடத்திய சிறப்பு கூட்டு தேடுதல் நடவடிக்கையின் போது, போக்குவரத்துக்கு தயாராகி நாட்டிற்கு கொண்டு வர முயற்சித்த சுமார் ஆயிரத்து நானூற்று ஏழு (1407) கிலோகிராம் பீடி இலைகளுடன் இரண்டு (02) சந்தேக நபர்களும் ஒரு (01) லொரியையும் கடற்படையினர் கைப்பற்றினர்.

இலங்கை கடற்படை, கோனஹேன பொலிஸ் சிறப்பு அதிரடிப் படையுடன் இணைந்து வத்தளை ஹெதல பகுதியில் நடத்திய சிறப்பு கூட்டுத் தேடுதல் நடவடிக்கையின் விளைவாக, சட்டவிரோதமாக ஒன்பதாயிரம் (9000) வெளிநாட்டு சிகரெட்டுகளை வைத்திருந்து கொண்டு சென்ற ஒரு நபருடன் (01) ஒரு முச்சக்கர வண்டி 2026 பிப்ரவரி 17 அன்று கைப்பற்றப்பட்டன.