இலங்கையின் தெற்கு கடற்கரையில் ஆழ்கடலில் ஏற்பட்ட விபத்து காரணமாக உள்ளூர் பல நாள் மீன்பிடி படகில் கடுமையாக நோய்வாய்ப்பட்ட மீனவர் ஒருவர், கொழும்பில் உள்ள கடல்சார் தேடல் மற்றும் மீட்பு ஒருங்கிணைப்பு மையத்தின் ஒருங்கிணைப்பின் கீழ் அவசரமாக கரைக்கு கொண்டு வரப்பட்டு, இன்று (2026 ஜனவரி 21,) காலை கடற்படையினரால் சிகிச்சைக்காக காலியில் உள்ள கராப்பிட்டிய போதனா மருத்துவமனைக்கு அனுப்பி வைக்கப்பட்டார்.

இலங்கை கடற்படையினர், யாழ்ப்பாணம் கோவிலன் பகுதிக்கு அப்பால் இலங்கை கடல் பகுதியில் நடத்தப்பட்ட சிறப்பு தேடுதல் நடவடிக்கையின் போது, 2026 ஜனவரி 20 அன்று இரவு, உள்ளூர் கடல் பகுதியில் சட்டவிரோத மீன்பிடி நடவடிக்கைகளில் ஈடுபட்ட இரண்டு (02) இந்திய மீன்பிடி படகுகளையும் ஏழு (07) இந்திய மீனவர்களையும் கடற்படையினர் கைது செய்தனர்.

யாழ்ப்பாணத்தின் வெண்புரிநகர் கடற்கரைப் பகுதியில் 2026 ஜனவரி 20 ஆம் திகதி காலை இலங்கை கடற்படை நடத்திய சிறப்பு தேடுதல் நடவடிக்கையின் மூலம், சட்டவிரோதமாக கடல் அட்டைகளை மீன்பிடித்துக் கொண்டிருந்த நான்கு (04) நபர்களையும், முன்னூற்று ஐம்பத்தொரு (351) கடல் அட்டைகள்’ மற்றும் ஒரு (01) டிங்கி படகையும் கடற்படையினர் கைப்பற்றினர்.

இலங்கை கடற்படையினர் மற்றும் கடலோர காவல்படையினர் 2026 ஜனவரி 14 முதல் 19 வரை உள்ளூர் கடல் பகுதியை உள்ளடக்கிய நடவடிக்கைகளை மேற்கொண்டனர். தடைசெய்யப்பட்ட மீன்பிடி வலைகள், வெடிபொருட்கள் மற்றும் சட்டவிரோத முறைகளைப் பயன்படுத்தி மீன்பிடி நடவடிக்கைகளில் ஈடுபட்ட இருபத்தி மூன்று (23) நபர்கள், ஐந்து (05) டிங்கி படகுகள் மற்றும் ஒரு (01) இழுவைப் படகு ஆகியவற்றைக் கைப்பற்றினர்.