இலங்கை கடற்படையினரால் 2022 நவம்பர் 08 ஆம் திகதி காலை நீர்கொழும்பு, தூவ பிரதேசத்தில் மேற்கொள்ளப்பட்ட விசேட தேடுதல் நடவடிக்கையின் போது, சட்டவிரோதமாக கொண்டு வரப்பட்ட 2448 கிலோவிற்கும் அதிகமான பீடி இலைகளுடன் இரண்டு (02) லொறிகள், ஒரு டிங்கி படகு மற்றும் இரண்டு (02) சந்தேக நபர்கள் கைது செய்யப்பட்டனர்.

இலங்கை கடற்படை மற்றும் இலங்கை கடலோர காவல்படை இணைந்து யாழ்ப்பாணம் நெடுந்தீவின் தென்கிழக்கு கடல் பகுதியில் இன்று (2022 நவம்பர் 09) அதிகாலை மேற்கொள்ளப்பட்ட விசேட தேடுதல் நடவடிக்கையின் போது, 458 கிலோவுக்கும் அதிகமான கேரள கஞ்சா (ஈரமான எடை) ஏற்றிச் சென்ற டிங்கி படகொன்றை இலங்கை கடலோர காவல்படையினரால் கைப்பற்றப்பட்டது.

இலங்கை கடற்படை மற்றும் பொலிஸ் போதைப்பொருள் ஒழிப்பு பணியகம் இணைந்து 2022 நவம்பர் 07 ஆம் திகதி பேருவளை, டயஸ்வத்த பிரதேசத்தில் மேற்கொண்ட விசேட நடவடிக்கையின் போது அப்பகுதியில் உள்ள தோட்டமொன்றில் கவனமாக மறைத்து வைக்கப்பட்டிருந்த 08 கிலோ 304 கிராம் (பொதி எடையுடன்) ஹெரோயினுடன் சந்தேகநபர் ஒருவர் (01) கைது செய்யப்பட்டுள்ளார். இதன் வீதி பெறுமதி 166 மில்லியன் ரூபா என மதிப்பிடப்பட்டுள்ளது.

இலங்கை கடற்படை, பொலிஸ் விசேட அதிரடிப்படை மற்றும் பொலிஸ் போதைப்பொருள் ஒழிப்பு பணியகம் இணைந்து அம்பாந்தோட்டை மகா ராவணா கலங்கரை விளக்கத்திற்கு அப்பால் தென் கடற்பகுதியில் மேற்கொண்ட விசேட நடவடிக்கையின் போது 6,622 மற்றும் 13,244 மில்லியன் ரூபாய்களுக்கு இடையில் வீதி பெறுமதியான 331 கிலோவிற்கும் அதிகமான ஹெரோயின் போதைப்பொருளுடன் பல நாள் மீன்பிடிக் கப்பலொன்று மற்றும் ஆறு (06) சந்தேக நபர்கள் 2022 நவம்பர் 05 ஆம் திகதி கைது செய்யப்பட்டன. கைப்பற்றப்பட்டுள்ள போதைப்பொருள் மற்றும் சந்தேகநபர்கள் இன்று (2022 நவம்பர் 7,) காலை காலி துறைமுகத்திற்கு கொண்டு வரப்பட்டதுடன், இதேவேளை கடற்படைத் தளபதி வைஸ் அட்மிரல் நிஷாந்த உலுகேதென்ன போதைப்பொருட்களை பார்வையிடுவதற்காக காலி துறைமுகத்திற்கு வருகை தந்தார்.

பத்தேகம பிரதேசத்தில் கிங் ஆற்றின் குறுக்கே கட்டப்பட்ட தொடங்கொட, அகலிய மற்றும் வக்வெல்ல பாலங்களில் சிக்கியுள்ள கழிவுகளை அகற்றும் நடவடிக்கையொன்று 2022 ஒக்டோபர் 25, 26, 27 மற்றும் 28 ஆம் திகதிகளில் கடற்படையினரால் மேற்கொள்ளப்பட்டன.

இலங்கை கடல் எல்லைக்குள் அத்துமீறி நுழைந்து மீன்பிடியில் ஈடுபட்ட இந்திய மீன்பிடிப் படகுகளை விரட்டுவதற்காக வடக்கு கடற்பரப்பில் 2022 ஒக்டோபர் 26 ஆம் திகதி இரவு இலங்கை கடற்படை மற்றும் இலங்கை கடலோர காவல்படையினர் இணைந்து மேற்கொண்ட விசேட நடவடிக்கையின் போது இலங்கை கடல் எல்லைக்குள் நுழைந்து சட்டவிரோத மீன்பிடி நடவடிக்கையில் ஈடுபட்ட இந்திய மீன்பிடி படகொன்று 07 இந்திய மீனவர்களுடன் யாழ்ப்பாணம் நெடுந்தீவுக்கு தெற்கு இலங்கை கடற்பரப்பில் வைத்து கைது செய்யப்பட்டன.

அம்பாறை, களுகல்ஓய குளத்தின் மதகு கதவு செயற்பாட்டில் இல்லாத காரணத்தினால் அதனை கைமுறையாகச் செயற்படுத்துவதற்கு 2022 ஒக்டோபர் 20 ஆம் திகதி இலங்கை கடற்படை உதவி வழங்கியது.

இலங்கையிலிருந்து சட்டவிரோதமான முறையில் கடல் வழியாக வெளிநாட்டுக்கு செல்ல முயன்றதாக சந்தேகிக்கப்படும் 45 பேர் காலி ஹபராதுவ கரையோரப் பகுதியில் இன்று (2022 ஒக்டோபர் 23) காலை இலங்கை கடற்படையினரால் மேற்கொள்ளப்பட்ட விசேட தேடுதல் நடவடிக்கையின் போது அந்த பகுதியில் உள்ள தங்குமிடமொன்றில் வைத்து கைது செய்யப்பட்டனர்.

யாழ்ப்பாணம், ககரதீவில் இன்று (2022 ஒக்டோபர் 20) காலை இலங்கை கடற்படையினரால் மேற்கொள்ளப்பட்ட விசேட தேடுதல் நடவடிக்கையின் போது, தீவில் நுணுக்கமாக புதைக்கப்பட்டிருந்த வாட்டர் ஜெல் (Water Gel) எனப்படும் வர்த்தக வெடிமருந்து 400 குச்சிகள் கடற்படையினரால் கைப்பற்றப்பட்டுள்ளன.

இலங்கை கடல் எல்லைக்குள் அத்துமீறி நுழைந்து மீன்பிடியில் ஈடுபட்ட இந்திய மீன்பிடிப் படகுகளை விரட்டுவதற்காக 2022 ஒக்டோபர் 19 ஆம் திகதி இரவு வடக்கு கடற்பரப்பில் இலங்கை கடற்படையினர் மேற்கொண்ட விசேட நடவடிக்கையின் போது இலங்கை கடல் எல்லைக்குள் நுழைந்து சட்டவிரோத மீன்பிடி நடவடிக்கையில் ஈடுபட்ட ஒரு இந்திய மீன்பிடி படகு 03 இந்திய மீனவர்களுடன் கரைநகர் கோவிலன் கலங்கரை விளக்கத்திற்கு அப்பால் கடலில் கைது செய்யப்பட்டன.