2023 மார்ச் 18 ஆம் திகதி திருகோணமலை பேருந்து நிலையத்திற்கு அண்மித்த பகுதியில் இலங்கை கடற்படையினர் பொலிஸாருடன் இணைந்து மேற்கொண்ட விசேட தேடுதல் நடவடிக்கையின் போது, சட்டவிரோதமாக விற்பனை செய்ய முச்சக்கர வண்டியொன்றில் கொண்டு செல்லப்பட்ட 58 வாட்டர் ஜெல் எனப்படும் வர்த்தக வெடிபொருட்கள் மற்றும் 100 டெட்டனேட்டர்களுடன் 02 சந்தேக நபர்கள் கைது செய்யப்பட்டனர்.

2023 மார்ச் மாதம் 17 ஆம் திகதி யாழ்ப்பாணம் கொழும்புத்துறை கடற்கரைப் பகுதியில் இலங்கை கடற்படையினரால் மேற்கொள்ளப்பட்ட விசேட தேடுதல் நடவடிக்கையின் போது, கடற்கரையில் மிக நுணுக்கமாக மறைத்து வைக்கப்பட்டிருந்த வாட்டர் ஜெல் எனப்படும் வர்த்தக வெடிபொருட்களின் 28 குச்சிகள் கைப்பற்றப்பட்டன.

இலங்கை கடற்படையினரும் பொலிஸாரும் இணைந்து 2023 மார்ச் மாதம் 17 ஆம் திகதி மாலை ஜாஎல பகுதியில் மேற்கொண்ட விசேட தேடுதல் நடவடிக்கையிலன் போது சட்டவிரோதமாக விற்பனை செய்ய 2000 வெளிநாட்டு சிகரெட்டுகளை எடுத்துச் சென்ற ஒருவர் (01) கைது செய்யப்பட்டார்.

இலங்கை கடற்படை மற்றும் முல்லைத்தீவு உதவி கடற்றொழில் பணிப்பாளர் அலுவலகம் இணைந்து 2023 மார்ச் மாதம் 16 ஆம் திகதி முல்லைத்தீவு, அலம்பில் கடற்பரப்பில் மேற்கொண்டுள்ள கூட்டு நடவடிக்கையின் போது, மின் விளக்குகளை பயன்படுத்தி சட்டவிரோத மீன்பிடியில் ஈடுபட்ட இருவருடன் (02) இரண்டு டிங்கி படகுகள் மற்றும் சட்டவிரோத மீன்பிடி சாதனங்கள் கைது செய்யப்பட்டது.

2023 மார்ச் மாதம் 13 ஆம் திகதி அதிகாலை மன்னார், சிலாவத்துறை மற்றும் வங்காலே கடற்பகுதியில் இலங்கை கடற்படையினரால் மேற்கொள்ளப்பட்ட விசேட நடவடிக்கைகளின் போது நீர்மூழ்கிக் கருவிகள், 814 கடல் அட்டைகள் மற்றும் இரண்டு (02) டிங்கி படகுகளுடன் சட்டவிரோதமான முறையில் கடல் அட்டைகளை பிடித்த 08 பேர் கைது செய்யப்பட்டனர்.

இலங்கை கடற்படையினரால் 2023 மார்ச் மாதம் 13 ஆம் திகதி இரவு புத்தளம், முக்குதொடுவாவ கடற்கரை பகுதியில் மேற்கொள்ளப்பட்ட விசேட தேடுதல் நடவடிக்கையின் போது, 1128 கிலோவுக்கும் அதிகமான பீடி இலைகளை ஏற்றிச் சென்ற லொறியுடன் சந்தேக நபர் ஒருவர் (01) கைது செய்யப்பட்டார். குறித்த சந்தேகநபர், பீடி இலைகள் மற்றும் லொறி வண்டி மேலதிக சட்ட நடவடிக்கைகளுக்காக கட்டுநாயக்க சுங்கத் தடுப்பு அலுவலகத்தில் ஒப்படைக்கப்பட்டது.

இலங்கை கடற்படை, திருகோணமலை, நிலாவெளி கிழக்கு கடற்பரப்பில் 2023 மார்ச் 12 ஆம் திகதி அதிகாலை மேற்கொள்ளப்பட்ட விசேட தேடுதல் நடவடிக்கையின் போது, சட்டவிரோத மனித கடத்தலில் ஈடுபட்டதாக சந்தேகிக்கப்படும் பல நாள் மீன்பிடி கப்பலொன்றுடன் கப்பலில் இருந்த மூன்று (03) சந்தேகநபர்கள் கைது செய்யப்பட்டனர்.

இலங்கை கடல் எல்லைக்குள் அத்துமீறி நுழைந்து மீன்பிடியில் ஈடுபட்ட இந்திய மீன்பிடிப் படகுகளை விரட்டுவதற்காக இன்று (2023 மார்ச் 12) காலை வடக்கு கடற்பரப்பில் இலங்கை கடற்படையினர் மேற்கொண்ட விசேட நடவடிக்கையின் போது இலங்கை கடல் எல்லைக்குள் நுழைந்து சட்டவிரோத மீன்பிடி நடவடிக்கையில் ஈடுபட்ட இரண்டு இந்திய மீன்பிடி படகுகளுடன் பதினாறு (16) இந்திய மீனவர்கள் வெத்தலகேணி பகுதிக்கு வடகிழக்கு இலங்கை கடற்பரப்பில் மற்றும் அனலத்தீவிற்கு அப்பால் இலங்கை கடற்பரப்பில் வைத்து கைது செய்யப்பட்டுள்ளனர்.

யாழ்ப்பாணம், மாதகல் கடற்கரைப் பகுதியில் 2023 மார்ச் மாதம் 10ஆம் திகதி இரவு இலங்கை கடற்படையினர் மேற்கொண்ட விசேட ரோந்து நடவடிக்கையின் போது, 126 கிலோவுக்கும் அதிகமான கேரள கஞ்சா கடற்படையினரால் கைப்பற்றப்பட்டது.

யாழ்ப்பாணம், சங்குப்பிட்டி வீதித் தடுப்பில் 2023 மார்ச் மாதம் 01ஆம் திகதி மாலை இலங்கை கடற்படையினர் மற்றும் பொலிஸார் இணைந்து மேற்கொண்ட சோதனை நடவடிக்கையின் போது, 04 கிலோ கிராம் கொண்ட இரண்டு (02) கேரள கஞ்சா பார்சல்களை பஸ் வண்டியில் ஏற்றிச் சென்ற நபர் (01) ஒருவர் கைது செய்யப்பட்டார்.