இலங்கைக்கு தெற்கு தெவுந்தர பகுதியில் இருந்து சுமார் 573 கடல் மைல் தொலைவில் (சுமார் 1061 கிமீ) மேற்கொள்ளப்பட்ட விசேட நடவடிக்கையின் மூலம் 900 கிராம் ஹெராயின் போதைப்பொருள் மற்றும் 08 சந்தேக நபர்களுடன் வெளிநாட்டு இழுவை படகொன்று 2023 ஜூன் 22 ஆம் திகதி இலங்கை கடற்படை கப்பல் சயுரவின் கடற்படையினரால் கைது செய்யப்பட்டதுடன் இழுவை படகும் சந்தேக நபர்களும் 2023 ஜூன் 28 ஆம் திகதி காலை மேலதிக சட்ட நடவடிக்கைகளுக்காக கொழும்பு துறைமுகத்திற்கு கொண்டு வரப்பட்டது.

திருகோணமலை, தம்பலகமுவ, மீரா நகர் பகுதியில் 2023 ஜூன் 26 ஆம் திகதி இலங்கை கடற்படையினர் பொலிஸ் விசேட அதிரடிப்படையினருடன் இனைந்து நடத்திய விசேட தேடுதல் நடவடிக்கையின் போது குறித்த பகுதியில் ஒரு வீட்டில் விற்பனைக்காக தயார் செய்யப்பட்ட சுமார் ஒரு கிலோகிராம் கேரள கஞ்சாவுடன் இரண்டு சந்தேகநபர்கள் கைது செய்யப்பட்டனர்.

இலங்கை கடற்படையினரால் 2023 ஜூன் 24 ஆம் திகதி நடத்தப்பட்ட விசேட சோதனை நடவடிக்கையின் போது, சட்டவிரோதமாக விற்பனை செய்ய வேனில் கொண்டு செல்லப்பட்ட நாற்பத்தி இரண்டாயிரத்து முன்னூறு (42300) Pregabalin Capsules 150 mg மருந்து அட்டைகளுடன் சந்தேகநபர் (01) ஒருவர் கல்பிட்டி, கரம்ப வீதித் தடைக்கு அருகில் கடற்படையினரால் கைது செய்யப்பட்டுள்ளார்.

இலங்கை கடல் எல்லைக்குள் அத்துமீறி நுழைந்து மீன்பிடியில் ஈடுபட்ட இந்திய மீன்பிடிப் படகுகளை விரட்டுவதற்காக 2023 ஜூன் 21 ஆம் திகதி இரவு வடக்கு கடற்பரப்பில் இலங்கை கடற்படையினர் மேற்கொண்ட விசேட நடவடிக்கையின் போது இலங்கை கடல் எல்லைக்குள் நுழைந்து சட்டவிரோத மீன்பிடி நடவடிக்கையில் ஈடுபட்ட நாங்கு இந்திய மீன்பிடி படகுகளுடன் 22 இந்திய மீனவர்கள் யாழ்ப்பாணம், நெடுந்தீவுக்கு வட மேற்கு பகுதி அப்பால் இலங்கை கடற்பரப்பில் வைத்து கைது செய்யப்பட்டுள்ளனர்.

யாழ்ப்பாணம் நெடுந்தீவின் ஊரிமுனை கடற்பகுதியில் 2023 ஜூன் 20 ஆம் திகதி காலை இலங்கை கடற்படையினரால் மேற்கொள்ளப்பட்ட தேடுதல் நடவடிக்கையின் போது, இலங்கை கடற்பரப்பில் அத்துமீறி மீன்பிடியில் ஈடுபட்ட இந்திய பல நாள் மீன்பிடிப் படகொன்றுடன் 09 இந்திய மீனவர்கள் கைது செய்யப்பட்டனர்.

யாழ்ப்பாணம் வெத்தலக்கேணி மாமுனே கடற்பரப்பில் 2023 ஜூன் 16 ஆம் திகதி காலை இலங்கை கடற்படையினரால் மேற்கொள்ளப்பட்ட விசேட நடவடிக்கையின் போது அனுமதி பத்திரங்கள் இன்றி சட்டவிரோதமான முறையில் சுழியோடி நடவடிக்கையில் ஈடுபட்ட எட்டு (08) நபர்கள், நான்கு (04) டிங்கி படகுகள் மற்றும் சுழியோடி உபகரணங்கள் கைது செய்யப்பட்டன.

சட்டவிரோத மீன்பிடி நடவடிக்கைகளைத் தடுப்பதற்காக முல்லைத்தீவு கோக்கிளாய் களப்பு மற்றும் ஜின்னபுரம் கடற்பகுதியில் 2023 ஜூன் 15 ஆம் திகதி இலங்கை கடற்படையினர் மேற்கொண்ட விசேட தேடுதல் நடவடிக்கையின் போது சட்டவிரோத வலைகளை பயன்படுத்தி மீன்பிடியில் ஈடுபட்ட 04 மீனவர்கள், 04 படகுகள் மற்றும் மீன்பிடி சாதனங்கள் கடற்படையினரால் கைப்பற்றப்பட்டுள்ளன.

இலங்கை கடற்படையினர் 2023 ஜூன் மாதம் 15 ஆம் திகதி யாழ்ப்பாணம், நெடுந்தீவில் மேற்கொண்ட விசேட தேடுதல் நடவடிக்கையின் போது குறித்த பகுதியில் கரை ஒதுங்கி உள்ள சட்டவிரோதமாக நாட்டிற்குள் கொண்டு வர முயற்சித்ததாக சந்தேகிக்கப்படும் சுமார் எழுநூற்று இருபத்தி ஒன்பது (729) கிலோகிராம் பீடி இலைகள் (ஈரமான எடை) கைது செய்யப்பட்டனர்.

இலங்கை கடற்படையினர் 2023 ஜூன் 13 மற்றும் 14 ஆம் திகதிகளில் லங்காபடுன கடற்பகுதி மற்றும் முல்லைத்தீவு கடற்பகுதியில் மேற்கொண்ட விசேட நடவடிக்கைகளின் போது உரிம நிபந்தனைகளை மீறி இரவு நேர சட்டவிரோத சுழியோடி நடவடிக்கைகளில் ஈடுபட்ட இருபத்தி ஆறு (26) பேர், ஒன்பது (09) படகுகள் மற்றும் சுழியோடி உபகரணங்கள் கைது செய்துள்ளனர்.

காலி, பத்தேகம பகுதியில் கிங் கங்கை ஊடாக கட்டப்பட்ட தொடங்கொட மற்றும் அகலிய பாலங்களில் நீரினை தடுக்கும் வகையில் குவிந்து காணப்பட்ட குப்பைகளை அகற்றும் பணிகளில் கடற்படையினர் 2023 ஜூன் 12 ஆம் திகதி ஈடுபட்டனர்.