ஐஸ் போதைப்பொருளுடன் சந்தேகநபர் ஒருவர் திருகோணமலை நொச்சிக்குளம் பகுதியில் கைது

இலங்கை கடற்படையினர், திருகோணமலை பொலிஸ் போதைப்பொருள் ஒழிப்பு பணியகத்துடன் இணைந்து 2024 ஒக்டோபர் மாதம் 18 ஆம் திகதி திருகோணமலை நொச்சிக்குளம் பிரதேசத்தில் நடத்திய விசேட கூட்டுத் தேடுதல் நடவடிக்கையின் போது, விற்பனைக்கு தயார் செய்யப்பட்டிருந்த முந்நூற்று பத்து (310) கிராம் பதினைந்து (15) மில்லிகிராம் போதைப்பொருளுடன் சந்தேகநபர் ஒருவர் (01) கைது செய்யப்பட்டுள்ளார்.

அதன்படி, கிழக்கு கடற்படைக் கட்டளைக்குட்பட்ட இலங்கை கடற்படைக் கப்பல் மகாவலி நிறுவனத்தின் கடற்படையினர் திருகோணமலை பொலிஸ் போதைப்பொருள் ஒழிப்பு பணியகத்துடன் இணைந்து 2024 ஒக்டோபர் 18 ஆம் திகதி திருகோணமலை, நொச்சிக்குளம் பகுதியில் மேற்கொள்ளப்பட்ட இந்த விசேட கூட்டுத் தேடுதல் நடவடிக்கையின் போது, சந்தேகத்திற்கிடமான மோட்டார் சைக்கிள் ஒன்று அவதானித்துச் சோதனையிடப்பட்டது. அங்கு விற்பனைக்கு தயாராக இருந்த பதினைந்து (15) கிராம் முந்நூற்று பத்து (310) மில்லிகிராம் ஐஸ் போதைப்பொருளுடன் (Methamphetamine) குறித்த சந்தேகநபர் மற்றும் மோட்டார் சைக்கிள் கைது செய்யப்பட்டுள்ளன.

மேலும், கைது செய்யப்பட்ட சந்தேகநபர் வவுனியா, குமன்குளத்தை சேர்ந்த 25 வயதுடையவர் என அடையாளம் காணப்பட்டதுடன், குறித்த சந்தேகநபர் (01), மோட்டார் சைக்கிள் மற்றும் ஐஸ் போதைப்பொருட்கள் மேலதிக சட்ட நடவடிக்கைகளுக்காக வவுனியா பொலிஸ் நிலையத்தில் ஒப்படைக்கப்பட்டுள்ளது.