செய்தி வெளியீடு

“New Diamond கச்சா எண்ணெய் கப்பலில் ஏற்பட்ட தீ முழுமையாக கட்டுப்படுத்தப்பட்டது” என்ற தலைப்பில் 2020 செப்டம்பர் 07 அன்று 1230 மணிக்கு வெளியிடப்பட்ட செய்திக்குறிப்பு தொடர்பானது.

MT New Diamond கச்சா எண்ணெய் கப்பலில் ஏற்பட்ட தீயைக் கட்டுப்படுத்திய பின்னர், இலங்கை கடற்படை உள்ளிட்ட பேரழிவு நிவாரண குழுக்கள் தொடர்ந்து ரசாயனங்கள் மற்றும் தண்ணீரைப் பயன்படுத்தி கப்பலின் வெப்பநிலை மற்றும் ஆக்ஸிஜன் விநியோகத்தை குறைக்க நடவடிக்கைகள் மேற்கொள்கின்றனர்.

பாதிக்கப்பட்ட கப்பலின் வணிக மற்றும் தொழில்நுட்ப நடவடிக்கைகள் சொந்தமான நிறுவனத்தால் இலங்கைக்கு அனுப்பப்பட்ட 06 மீட்பு நடவடிக்கை வல்லுநர்கள் மற்றும் 11 பேரிடர் மேலாண்மை வல்லுநர்கள் அடங்கிய குழு, பாதிக்கப்பட்ட கப்பல் உள்ள கடல் பகுதிக்கு சென்று பேரழிவு மேலாண்மை நடவடிக்கைகளில் ஈடுபட்டுள்ளனர். அதன்படி, இந்த நிபுணர் குழுக்களின் பங்கேற்புடன் MT New Diamond கப்பல் தற்போது சங்கமங்கந்த பகுதியில் இருந்து 30 கடல் மைல் தொலைவில் நிறுத்தி வைத்து செயல்பாடுகள் மேற்கொள்கின்றனர்.

மேலும், இலங்கை கடற்படை, இந்திய கடற்படை மற்றும் இந்திய கடலோர காவல்படைக்கு சொந்தமான 09 கப்பல்கள், இலங்கை விமானப்படைக்கு சொந்தமான விமானங்கள், இந்திய கடலோர காவல்படைக்கு சொந்தமான ஒரு விமானம் மற்றும் பிற பங்குதாரர்களின் செயல்பாட்டில் சேர்க்கப்பட்ட 05 டக் படகுகள் இன்னும் இந்த மேலாண்மை செயல்பாட்டில் தீவிரமாக ஈடுபட்டுள்ளது.

அதன்படி, மீண்டும் கப்பல் தீப்பிடிக்கும் அபாயம் நீங்கும் வரை இலங்கை கடற்படை உள்ளிட்ட பங்குதாரர்கள் தொடர்ந்து இந்த பேரழிவு மேலாண்மை நடவடிக்கையில் ஈடுபடுகின்றனர்.