නාවික හමුදාව සහ පොලිස් විශේෂ කාර්ය බලකාය එක්ව 2020 සැප්තැම්බර් 23 වන දින මන්නාරම ප්‍රධාන මාර්ගයේ පුත්තලම 04 කණුව ප්‍රදේශයේ සිදු කල විශේෂ සෝදිසි මෙහෙයුමකදී නීති විරෝධී ගිණි අවියක්, ඊට යොදා ගන්නා උණ්ඩ සහ තවත් නීති විරෝධී භාණ්ඩ කිහිපයක් සමඟ සැකකරුවකු අත් අඩංගුවට ගැනීමට සමත් විය.

නාවික හමුදාව හා පොලීසිය එක්ව පසුගිය දින කිහිපය තුල බටහිර, නැගෙනහිර සහ වයඹ යන නාවික විධානයන් තුල සිදුකල විශේෂ සෝදිසි මෙහෙයුම් මගින් හෙරොයින්, කේරළ ගංජා සහ මත්පෙති සමඟ සැකකාරියක් සහ සැකකරුවන් 09ක් අත්අඩංගුවට ගැනීමට කටයුතු කෙරිණි.

නාවික හමුදාව විසින් නැගෙනහිර, උතුරු මැද, උතුරු සහ වයඹ නාවික විධානයන්ට අයත් මුහුදු තීරයන්හි පසුගිය සතිය තුල සිදුකළ සෝදිසි මෙහෙයුම් මගින් නීති විරෝධී ලෙස ධීවර කර්මාන්තයේ නියුතුව සිටි පුද්ගලයින් සහ ධීවර ආම්පන්න රැසක් නාවික හමුදා භාරයට ගැනීමට කටයුතු කෙරිණි.

ගිංතොට ප්‍රදේශයෙන් මුහුදට ගලා බසින ගිං ග‍ඟෙහි දොඩංගොඩ සහ වක්වැල්ල ආශ්‍රිතව ඇති පැරණි පටු පාලම් තුල අධික වර්ෂාවත් සමඟ ගසාගෙන එනු ලබන අපද්‍රව්‍ය සිරවී සිදුවන අවහිරතා ඉවත් කිරීම සඳහා නාවික හමුදාව නිරන්තර දායකත්වය සපයන අතර, එලෙස සිදුකල තවත් අපද්‍රව්‍ය ඉවත් කිරීමේ මෙහෙයුමක් නාවික හමුදාව විසින් ගාල්ල ප්‍රදේශයේ දොඩම්ගොඩ සහ වක්වැල්ල පාලම් ආශ්‍රිතව ක්‍රියාත්මක කරන ලදි.

නාවික හමුදාව 2020 සැප්තැම්බර් 17 වන දින කල්පිටිය බත්තලන්ගුන්ඩුව දූපත ආසන්නයේ ඇති පරමුනායි දූපතේ සිදු කල විශේෂ සෝදිසි මෙහෙයුක් මගින් කේරළ ගංජා කිලෝග්‍රෑම් 32 කට අධික ප්‍රමාණයක් නාවික හමුදා භාරයට ගැනීමට කටයුතු කෙරිණි.

නාවික හමුදාව 2020 සැප්තැම්බර් 16 වන දින මන්නාරම මුන්දලම්පිඩ්ඩි ප්‍රදේශයට ඔබ්බෙන් වූ මුහුදු තීරයේ සිදුකළ තවත් එක් විශේෂ සෝදිසි මෙහෙයුමකදී නීති විරෝධී ලෙස මුහුදු මාර්ගයෙන් මෙරටට ගෙන ඒමට උත්සාහ කළ කිලෝග්‍රෑම් 520 කට අධික වියලි කහ තොගයක් සහ සැකකරුවන් තිදෙනෙකු (03) නාවික හමුදා භාරයට ගන්නා ලදි.

ශ්‍රී ලංකා නාවික හමුදාව පොලිස් විශේෂ කාර්ය බලකාය හා එක්ව 2020 සැප්තැම්බර් 16 වන දින සාම්පූර් ප්‍රදේශයේ සිදුකළ විශේෂ ඒකාබද්ධ මෙහෙයුමකින් සැකකරුවන් දෙදෙනෙක් (02) සමඟ වෝටර්ජෙල් නැමැති පුපුරණ ද්‍රව්‍ය අඩංගු කූරු කිහිපයක් සොයා ගැනීමට සමත්විය.

නාවික හමුදා මෙහෙයුම් මගින් නීති විරෝධී ලෙස මුහුදු මාර්ගයෙන් මෙරටට ගෙන ඒමට උත්සාහ කල වියලි කහ කිලෝග්‍රෑම් 818 ක පමණ ප්‍රමාණයක් සහ සැකකරුවන් දෙදෙනෙකු (02) අද (2020 සැප්තැම්බර් 16) නාවික හමුදා භාරයට ගැනීමට කටයුතු කෙරිණි.

පසුගිය සතිය තුල නාවික හමුදාව විසින් උතුරු මැද සහ උතුරු නාවික විධානයන්ට අයත් මුහුදු තීරයන්හි සිදු කළ හදිසි මෙහෙයුම් හා සෝදිසි කිරීම් මගින් නීති විරෝධී ලෙස ධීවර කර්මාන්තයේ නියැලුනු ධීවරයින් පිරිසක් සහ ධීවර ආම්පන්න තොගයක් නාවික හමුදා භාරයට ගැනීමට වීරෝධාර නාවිකයින් විසින් ක්‍රියා කරන ලදි.

නාවික හමුදාව විසින් සිදුකල විශේෂ සෝදිසි මෙහෙයුමකදී මුලතිව්, මුල්ලිවයික්කාල් ප්‍රදේශයේ සංවර්ධනය කරමින් පවතින පෞද්ගලික ඉඩමක තිබී පුපුරණ ද්‍රව්‍ය තොගයක් 2020 සැප්තැම්බර් 15 වන දින සොයා ගැනීමට සමත්විය.