ශ්‍රී ලංකා නාවික හමුදාව විසින් 2021 ජුනි 29, 30 සහ ජූලි මස 01 යන තෙදින (03) තුළ මන්නාරම, අච්චානකුලම්, නරුවිලිකුලම් සහ සවුත්බාර් යන වෙරළ ප්‍රදේශයන්හි සිදුකළ විශේෂ සෝදිසි මෙහෙයුම් මඟින් නීති විරෝධී ලෙස මෙරටට රැගෙන ඒමට උත්සාහ කළ වියලි කහ කිලෝ 2021 ග්‍රෑම් 400 ක පමණ ප්‍රමාණයක් සමඟ එම ජාවාරමට සම්බන්ධ සැකකරුවන් 06ක්, ඩිංගි යාත්‍රා 02 ක්, වෑන් රථයක් සහ ත්‍රීරෝද රථයක් නාවික හමුදා භාරයට ගැනීමට කටයුතු කෙරිණි.

හමුදා පුද්ගලයෙකු කියූ පමණින් අප සිහියට නැගෙනුයේ රළු ගති පැවතුම් සහිත ඉතා තදින් හැසිරෙන දෘඩ පෞරුෂයකින් හෙබි පුද්ගලයෙකි. නමුත් එම සෑම පෞර්ෂයක් තුළම සොඳුරු හදවතක් ඇති බව නම් සත්‍යකි. වසර 33 ක නාවික හමුදා සේවයට සමුදුන්, රියර් අද්මිරාල් අනුර ධනපාල ද ගහ කොළ සතා සිවුපාවා කෙරෙහි ඉමහත් ලෙන්ගතුකමක් දැක්විය. පහත දැක්වෙන්නේ ඔහු නැගෙනහිර නාවික විධාන නියෝජ්‍ය ආඥාපති ධූරය දැරූ කාල සීමාව තුළ වූ සිදුවීම් දෙකකි. විලෝපික සතුන්ගේ ගොදුරු බවට පත්වී මිලින වන්නට ඉඩහසර තිබූ අසරණ සතුන් ආරක්ෂා කිරීමට, රියර් අද්මිරාල් අනුර ධනපාල තම නාවික පිරිස සූදානම් කරමින් ප්‍රශංසනීය කාර්යභාරයක් ඉටු කරමින් සිටියේය.

ශ්‍රී ලංකා නාවික හමුදාව යාපනය තොන්ඩමනාරු ප්‍රදේශයට ඔබ්බෙන් වූ මුහුදු ප්‍රදේශයේ 2021 ජුනි 20 දින රාත්‍රියේ සිදුකළ විශේෂ මෙහෙයුමක් මඟින් තවත් කේරල ගංජා කිලෝ 174යි ග්‍රෑම් 50ක පමණ ප්‍රමාණයක් සහ වියලි කහ කිලෝග්‍රෑම් 05ක ප්‍රමාණයක් සමඟ ඩිංගි යාත්‍රාවක් සහ සැකකරුවන් දෙදෙනෙකු (02) නාවික හමුදා භාරයට ගැනීමට කටයුතු කෙරිණි.

ශ්‍රී ලංකා නාවික හමුදාව හලාවත, මුක්කු තොඩුවාවට ඔබ්බෙන් වූ වෙරළ තීරයේ අද (2021 ජුනි 20) සිදුකළ තවත් විශේෂ සෝදිසි මෙහෙයුමකදී වෙරළ තීරයේ පාවෙමින් තිබූ කේරළ ගංජා කිලෝ 23කට අධික ප්‍රමාණයක් නාවික හමුදා භාරයට ගැනීමට කටයුතු කෙරිණි.

ශ්‍රී ලංකා නාවික හමුදාව හලාවත, කරුකුපනේ සහ යාපනය මාදගල් ප්‍රදේශයට ඔබ්බෙන් වූ මුහුදු ප්‍රදේශයේ 2021 ජුනි 18 සහ 19 දිනයන්හි සිදුකළ විශේෂ සෝදිසි මෙහෙයුම් මඟින් කේරළ ගංජා කිලෝ 377 ග්‍රෑම් 800ක පමණ ප්‍රමාණයක් නාවික හමුදා භාරයට ගැනීමට කටයුතු කළ අතර, ඒ අනුව පසුගිය දින 05 තුළ දී පමණක් නාවික හමුදාව සිදුකළ මෙහෙයුම් මඟින් රුපියල් බිලියන 02 කට අධික වටිනාකමකින් යුත් හෙරොයින් සහ කේරළ ගංජා නීතියේ රැහැනට හසුකර දීමට සමත් විය.

පැවති අයහපත් කාලගුණික තත්ත්වය මත ඇති වූ දැඩි සුළං හේතුවෙන් මෙරට මුහුදු තීරයට පාවී ආ ඉන්දීය ධීවර යාත්‍රා 03ක් වයඹ වෙරළ තීරයේදී මෙන්ම දකුණු මුහුදු තීරයේදී නාවික හමුදාව සහ වෙරළ ආරක්‍ෂක දෙපාර්තමේන්තුව විසින් 2021 ජුනි 17 වන දින සොයා ගන්නා ලදී.

MV X-PRESS PEARL නෞකාවේ ගින්න හේතු‍වෙන් බලපෑමට ලක්වූ වෙරළ තීරය පිරිසිදු කිරීම සඳහා නාවික හමුදාව අනෙකුත් පාර්ශ්වයන් හා එක්ව 2021 මැයි මස 26 වන දින ආරම්භ කළ වෙරළ පිරිසිදු කිරීමේ මෙහෙයුම තවදුරටත් අඛණ්ඩව සිදුකරමින් පවතී.

ශ්‍රී ලංකා නාවික හමුදාව කයිට්ස්, කරම්පන් වෙරළ ප්‍රදේශයේ සිදුකළ විශේෂ මෙහෙයුමක් මඟින් කේරල ගංජා කිලෝ 130යි ග්‍රෑම් 760ක පමණ ප්‍රමාණයක් සමඟ ඩිංගි යාත්‍රාවක් සහ සැකකරුවන් දෙදෙනෙකු (02) 2021 ජුනි17 දින නාවික හමුදා භාරයට ගැනීමට කටයුතු කෙරිණි.

ශ්‍රී ලංකා නාවික හමුදාව විසින් අද (2021 ජුනි 16) උදෑසන මන්නාරම, කොන්තපිඩ්ඩි සහ සිලාවතුර, අරිප්පු යන වෙරළ ප්‍රදේශයන්හි සිදුකළ විශේෂ සෝදිසි මෙහෙයුම් මඟින් නීති විරෝධී ලෙස මෙරටට රැගෙන එන ලද වියලි කහ කිලෝග්‍රෑම් 370කට අධික ප්‍රමාණයක් සමඟ එම ජාවාරමට සම්බන්ධ සැකකරුවන් දෙදෙනෙකු (02) සහ බීඩි කොළ (Kendu Leaves) කිලෝග්‍රෑම් 294කට අධික ප්‍රමාණයක් නාවික හමුදා භාරයට ගැනීමට කටයුතු කෙරිණි.

ශ්‍රී ලංකා නාවික හමුදාව පේදුරුතුඩුවට උතුරින් වූ මුහුදු ප්‍රදේශයේ සිදු කළ විශේෂ මෙහෙයුමක් මඟින් කේරල ගංජා කිලෝ 237 යි ග්‍රෑම් 500ක පමණ ප්‍රමාණයක් සමඟ ඩිංගි යාත්‍රාවක් සහ සැකකරුවන් තිදෙනෙකු (03) අද (2021 ජුනි14) දින නාවික හමුදා භාරයට ගැනීමට කටයුතු කෙරිණි.