කේරළ ගංජා සමඟ සැකකරුවෙක් ත්‍රිකුණාමලය මොල්ලිපොතානේදී නීතියේ රැහැනට
ශ්‍රී ලංකා නාවික හමුදාව, පොලීසිය හා එක්ව ත්‍රිකුණාමලය, මොල්ලිපොතාන ප්‍රදේශයේ සිදුකල විශේෂ සෝදිසි මෙහෙයුමක් මඟින් කේරළ ගංජා කිලෝ ග්‍රෑමයකට (01) අධික ප්‍රමාණයක් සමඟ සැකකරුවෙකු (01) 2023 ජුනි මස 01 වන දින නීතියේ රැහැනට හසුකර දීමට කටයුතු කෙරිණි.
ඒ අනුව, නැගෙනහිර නාවික විධානයට අයත් ශ්‍රී ලංකා නාවික නෞකා ගෝකණ්ණ ආයතනය සහ ශ්‍රී ලංකා නාවික නෞකා පැරකුම්බා යන ආයතනයන් ත්‍රිකුණාමලය, පොලීසිය හා එක්ව 2023 ජුනි මස 01 වන දින ත්‍රිකුණාමලය, මොල්ලිපොතාන ප්‍රදේශයේ සිදුකල විශේෂ සෝදිසි මෙහෙයුමකදී, සැකකටයුතු පුද්ගලයෙකු පරීක්‍ෂාවට ලක්කරන ලදී. එහිදී, එම පුද්ගලයා විසින් අලෙවි කිරීම සඳහා රැගෙන යමින් තිබූ කේරළ ගංජා කිලෝ 01 ග්‍රෑම් 90 ක පමණ ප්‍රමාණයක් සමඟ එම සැකකරු (01) මෙලෙස අත්අඩංගුවට ගැනීමට කටයුතු කෙරිණි.
මෙම මෙහෙයුම මඟින් අත්අඩංගුවට ගත් කේරළ ගංජා ප්‍රමාණයේ දළ වීථි වටිනාකම රුපියල් 627,000.00 ක් පමණ වෙතැයි විශ්වාස කරන අතර, අත්අඩංගුවට ගත් වයස අවුරුදු 53 ක් වන තඹලගමුව ප්‍රදේශයේ පදිංචි සැකකරු (01) සහ එම කේරළ ගංජා කිලෝ 01 ග්‍රෑම් 90 ක පමණ ප්‍රමාණය ඉදිරි නීතිමය කටයුතු සඳහා තඹලගමුව පොලීසිය වෙත භාරදීමට කටයුතු කෙරිණි.
