අයහපත් කාලගුණික තත්වය හමුවේ ගංවතුරෙන් පීඩාවට පත් ජනතාව වෙනුවෙන්, වෛද්‍ය සේවා, වියළි ආහාර, පානීය ජලය ලබාදීම මෙන්ම, ගංවතුරෙන් ආපදාවට පත් ජල සම්පාදන සේවා යථාතත්වයට පත්කිරීම ඇතුළු ජන ජීවිතය යථාතත්වයට පත් කිරීම වෙනුවෙන් සිදුකෙරෙණ මානුෂිය ආධාර සහ ආපදා සහන මෙහෙයුම් සඳහා ඊයේ දිනයේද (2025 දෙසැම්බර් 01) නාවික හමුදාවේ සහය ලබාදීම සිදුකෙරිණි.

අයහපත් කාලගුණික තත්වය හමුවේ ගංවතුරෙන් පීඩාවට පත් අවිස්සාවේල්ල ප්‍රදේශයේ ජනතාව වෙනුවෙන්, අමිතිරිගල සෞඛ්‍ය වෛද්‍ය කාර්යාලය මඟින් වෛද්‍ය සායනයක්, අවිස්සාවේල්ල ගුරුගල්ල කනිෂ්ඨ විද්‍යාලයේදී 2025 නොවැම්බර් මස 30 දින පැවැත්වුණු අතර, එම වෛද්‍ය සායනය වෙනුවෙන් සහ එම ප්‍රදේශයේ ගංවතුරෙන් ආපදාවට පත් ජනතාව වෙනුවෙන් මානුෂීය ආධාර ලබාදීම සඳහා එහිදී නාවික හමුදාවේ සහය ලබාදීම සිදුකෙරිණි.

අධික වර්ෂාපතනය හේතුවෙන් මන්නාරම ඉලුප්පුකඩවායි සහ සෙට්ටිකුලම් ප්‍රදේශයේ ඇති වී ඇති ගංවතුර තත්වය හමුවේ ආපදාවට පත් පුද්ගලයන් එකසිය පනස් හත් දෙනෙකු (157) නාවික හමුදා ආපදා සහන මෙහෙයුම් මඟින් මුදා ගැනීමෙන් පසු, ආරක්‍ෂිත ස්ථාන වෙත යොමු කර අවශ්‍ය සහන සැලසීමට 2025 නොවැම්බර් මස 30 දින නාවික හමුදාව විසින් කටයුතු කෙරිණි.

යාපනය අනලතිව් දුපතේ අසාද්‍යවූ දරුවෙකු වෙත හදිසි ප්‍රථිකාර ලබා දීම සඳහා නාවික හමුදා යාත්‍රාවක් මඟින්, යාපනය කයිට්ස් දුපතේ කරම්පන් ජැටිය වෙත රැගෙන ඒමට ඊයේ දින රාත්‍රීයේදී (2025 නොවැම්බර් 30) නාවික හමුදාව විසින් කටයුතු කෙරිණි.

අධික වර්ෂාපතනය හේතුවෙන් වව්නියාව, සෙට්ටිකුලම් ප්‍රදේශයේ ඇතිවී ඇති ගංවතුර තත්වය හමුවේ, මැදවච්චිය මන්නාරම මාර්ගයේ සෙට්ටිකුලම් ප්‍රදේශයේදී ගංවතුරෙන් ආපදාවට පත් මෝටර් රථයක් සහ එහි සිටි පුද්ගලයන් මුදා ගැනීමට නාවික හමුදා ආපදා සහන කණ්ඩායම් ඊයේ දිනයේ (2025 නොවැම්බර් 30) කටයුතු කෙරිණි.

අධික වර්ෂාපතනය හේතුවෙන් පිටාර මට්ටමට පැමිණි ත්‍රිකුණාමලය මාවිල් ආරු වැවේ, වැව් බැම්මේ කොටසක් ඊයේ (2025 නොවැම්බර් 30) කැඩී යාමෙන්, ප්‍රදේශයේ ඇතිවී ඇති ගංවතුර ආපදාවෙන් පීඩාවට පත් ජනතාව මුදාගැනීමේ හා සහන සැලසීමේ මෙහයුම් නොවැම්බර් 30 දිනය පුරා නාවික හමුදාව අඛණ්ඩ සිදුකරමින් සිටියි.

දිවයිනට බලපා ඇති අයහපත් කාලගුණික තත්වය හේතුවෙන් ඇති වී ඇති ජාතික ආපදා තත්වය මත, නාවික හමුදාව මුළු දිවයිනම ආවරණය වන පරිදි ආපදා සහන මෙහෙයුම් 2025 නොවැම්බර් මස 22 දින සිට සිදුකරනු ලබයි. දිවයිනේ සියලුම පළාත් ආවරණය වන පරිදි මේ දක්වා (2025 නොවැම්බර් 30) සිදුකල මානුෂීය ආධාර හා ආපදා සහන මෙහෙයුම් මඟින්, පුද්ගලයන් 10,099 දෙනෙකු වෙත ආපදා සහන සැලසීමට නාවික හමුදාව විසින් කටයුතු කර ඇති අතර, මෙහෙයුම් තවදුරටත් අඛණ්ඩව සිදුකරනු ලබයි.

අයහපත් කාලගුණික තත්වය හමුවේ මධ්‍යම, බස්නාහිර, සබරගමුව සහ වයඹ පලාත් තුල පීඩාවට පත්වන මහජනතාවට සහන සැලසීම සඳහා නාවික හමුදාව අද දිනයේදීත් (2025 නොවැම්බර් 29) අඛණ්ඩ මෙහෙයුම් සිදු කෙරිණි. ඒ අනුව, බටහිර නාවික විධානය මඟින් මහනුවර, ගන්නෝරුව, ගම්පොළ, කටුගස්තොට, හලාවත, රත්නපුර, කොළොන්නාව, මීගොඩ, අවිස්සාවෙල්ල තල්දූව, වැලිවිට, දිවුලපිටිය, බඩල්ගම, මහවැව, ගිරිඋල්ල, කෑගල්ල, රුවන්වැල්ල, අයගම, කලවාන, මාරපන සහ මීරිගම යන ප්‍රදේශ ආවරණය වන පරිදි සිදුකල ආපදා සහන මෙහෙයුම් මඟින්, ගංවතුරෙන් ආපදාවට පත්ව අවදානමට ලක්ව සිටි පුද්ගලයන් 882 දෙනෙකු වෙත අවශ්‍ය සහන සැලසීම සිදු කෙරිණි.

අයහපත් කාලගුණික තත්වය හමුවේ අනුරාධපුරය සහ වව්නියාව දිස්ත්‍රික්ක තුල පීඩාවට පත්වන මහජනතාවට සහන සැලසීම සඳහා නාවික හමුදාව අද දිනයේදීත් (2025 නොවැම්බර් 29) අඛණ්ඩ මෙහෙයුම් සිදු කෙරිණි. ඒ අනුව, උතුරු මැද නාවික විධානය මඟින්; අනුරාධපුර ඉපලෝගම, පදවි පරාක්‍රමපුර, සේනපුර, මැදවච්චිය, සෙට්ටිකුලම්, ගල්නෑව, තඹුත්තේගම සහ වව්නියාව ඕමන්තේ ප්‍රදේශ තුල සිදුකල ආපදා සහන මෙහෙයුම් මඟින් ගංවතුර හේතුවෙන් අවදානමට ලක්ව සිටි පුද්ගලයන් 380 දෙනෙකු වෙත සහන සැලසීම සිදු කෙරිණි.

ශ්‍රී ලංකා නාවික හමුදාව දිවයිනම ආවරණය වන පරිදි අධි අවධානම් ආපදා සහිත ස්ථාන වෙත ආපදා සහන කණ්ඩායම් යොදවා ඇත. අද දිනය (2025 නොවැම්බර් 29) තුල නැගෙනහිර නාවික විධානය මඟින් ත්‍රිකුණාමලය, පොලොන්නරුව සහ මඩකලපුව දිස්ත්‍රික්ක තුල; කින්නියා මල්ලපච්චෙනායි, කන්තලේ, මූතූර් සාෆි නගර්, කලාඔය, ගෝමරන්කඩවල, රැල් පාලම, ගල්ලෑල්ල සහ අළුත්ගම බෝගමුව යන ප්‍රදේශ ආවරණය වන පරිදි සිදුකල ආපදා සහන මෙහෙයුම් මඟින්, ගංවතුරෙන් ආපදාවට පත්ව අවදානමට ලක්ව සිටි පුද්ගලයන් 69 දෙනෙකු ‍මුදා ගැනීමටත්, 1241 දෙනෙකු ආරක්‍ෂිතව ප්‍රවාහනය කිරීමටත් කටයුතු කෙරිණි.