இலங்கை கடற்படை, பாதுகாப்பு அமைச்சு மற்றும் Geopolitical Cartographer (GC) நிருவனம் இணைந்து பதினொன்றாவது (11வது) முறையாக ஏற்பாடு செய்கின்ற காலி உரையாடல் சர்வதேச கடல்சார் மாநாடு இம் முறை இலங்கை ஜனாதிபதி திரு.ரணில் விக்கிரமசிங்க அவர்களின் தலைமையில் கடற்படைத் தளபதி வைஸ் அட்மிரல் பிரியந்த பெரேரா உட்பட பிரத்தியேக அதிதிகளின் பங்குபற்றுதலுடன் 2023 ஒக்டோபர் 12ஆம் திகதி காலி ஜெட்விங் லைட்ஹவுஸ் ஹோட்டலில் ஆரம்பமாகவுள்ளதுடன் அன்று முதல் இரண்டு நாட்களாக (அக்டோபர் 12-13, 2023) இந்த மாநாட்டை நடத்த கடற்படை அனைத்து ஏற்பாடுகளையும் செய்துள்ளது. Emerging New Order in the Indian Ocean என்ற தொனிப்பொருளின் கீழ் இந்த ஆண்டு நடைபெறுகின்ற மாநாட்டில், 44 நாடுகள் மற்றும் 11 சர்வதேச அமைப்புகளின் பிரதிநிதிகள், பாதுகாப்புத் துறையில் உள்ள தயாரிப்புகள் தொடர்பான நிறுவனங்களின் உள்நாட்டு மற்றும் வெளிநாட்டு பிரதிநிதிகள் மற்றும் பல கடல்சார் பாதுகாப்பு அறிஞர்கள் கலந்து கொள்கின்றனர்.

இலங்கை முப்படை மருத்துவ நிபுனர் சங்கம், ஸ்ரீ ஜயவர்தனபுர கோட்டே லயன்ஸ் கழகம் மற்றும் இலங்கை கடற்படை சேவா வனிதா பிரிவு ஆகியவை இணைந்து 2023 ஒக்டோபர் 08 ஆம் திகதி சேருவாவில மங்கள ரஜமஹா விஹாரயத்தில் சுகாதார முகாமொன்று மற்றும் பல சமூக சேவை திட்டங்கள் நடத்தினர்.

இலங்கை கடற்படையின் பல்வேறு சம்பிரதாய நிகழ்வுகளுக்காக மற்றும் அனைத்து கடற்படை வீரர்களின் நலனுக்காக வெலிசர கடற்படை வளாகத்தில் கடற்படை வீரர்களின் நிதி பங்களிப்பு மற்றும் கடற்படையின் தொழில்நுட்ப பங்களிப்புடன் கட்டப்பட்ட Wave N’ Lake கடற்படை நிகழ்வு மண்டபம் 2023 ஒக்டோபர் 07 ஆம் திகதி, கடற்படைத் தளபதி வைஸ் அட்மிரல் பிரியந்த பெரேராவின் தலைமையில் மற்றும் கடற்படை சேவா வனிதா பிரிவின் கௌரவத் தலைவி திருமதி மாலா லமாஹேவா அவர்களின் பங்குபற்றுதலின் திறந்து செயற்பாட்டு நடவடிக்கைகள் ஆரம்பித்து வைக்கப்பட்டன.

ரோயல் இலங்கை கடற்படையின் மற்றும் இலங்கை கடற்படையின் இசைப் பணிப்பாளராக கடமையாற்றிய மறைந்த கமாண்டர் பிரேம்லால் தன்வத்த அவர்களுக்கு கடற்படையினால் அஞ்சலி செலுத்தும் வகையில் வெலிசர கடற்படை வளாகத்தில் உள்ள கடற்படை கலாசார நடன மண்டபத்தை "கமாண்டர் பிரேம்லால் தன்வத்த திரையரங்கம்" என்று பெயரிடப்பட்டு திறந்து வைக்கும் நிகழ்வு 2023 ஒக்டோபர் 07 ஆம் திகதி கடற்படைத் தளபதி வைஸ் அட்மிரல் பிரியந்த பெரேராவின் தலைமையில் மற்றும் கடற்படை சேவா வனிதா பிரிவின் கௌரவத் தலைவி திருமதி மாலா லமாஹேவா அவர்களின் பங்குபற்றுதலுடன் வெலிசர கடற்படை வளாகத்தில் நடைபெற்றது.

இலங்கைக்கான தென் கொரியத் தூதுவர் கௌரவ திருமதி மியோன் லீ அவர்கள் (Miyon Lee) இன்று (2023 ஒக்டோபர் 06) கடற்படைத் தளபதி வைஸ் அட்மிரல் பிரியந்த பெரேராவை கடற்படைத் தலைமையகத்தில் சந்தித்தார்.

தற்போது உத்தியோகபூர்வ விஜயமொன்றை மேற்கொண்டு இலங்கை வந்துள்ள பஹ்ரைனில் உள்ள ஒருங்கிணைந்த கடல்சார் படையின் (The Combined Maritime Forces – CMF) துணை கட்டளை அதிகாரி கொமடோர் பிலிப் எட்வர்ட் டெனிஸ் (Commodore Philip Edward Dennis - Royal Navy) அவர்கள் இன்று (2023 அக்டோபர் 02) கடற்படைத் தளபதி வைஸ் அட்மிரல் பிரியந்த பெரேராவை கடற்படைத் தலைமையகத்தில் சந்தித்தார்.

இலங்கை நிரந்தர கடற்படையின் மருத்துவப் பிரிவைச் சேர்ந்த ஏழு (07) மருத்துவ அதிகாரிகளின் வெளியேறல் அணிவகுப்பு 2023 செப்டெம்பர் 30 ஆம் திகதி திருகோணமலை கடற்படை மற்றும் கடல்சார் அகாடமியின் பிரதான பயிற்சி மைதானத்தில் கடற்படை மற்றும் கடல்சார் அகாடமியின் கட்டளைத் தளபதி கொமடோர் புத்திக லியனகமகேவின் தலைமையில் இடம்பெற்றது.

2023 செப்டம்பர் 19 ஆம் திகதி முதல் 22 ஆம் திகதி வரை அமெரிக்காவின் நியூபோர்ட், ரோட் தீவில் உள்ள அமெரிக்க கடற்படை போர் கல்லூரியில் (U.S. Naval War College) நடைபெற்ற 25 வது சர்வதேச கடல் சக்தி கருத்தரங்கில் (25th International Seapower Symposium - ISS) இலங்கை கடற்படை தளபதி வைஸ் அட்மிரல் பிரியந்த பெரேரா பங்கேற்றார். அங்கு, அமெரிக்க கடற்படை நடவடிக்கைகளின் துணைத் தளபதி, அட்மிரல் Lisa M. Franchetti, அமெரிக்காவின் கடலோர காவல்படையின் தளபதி, அட்மிரல் Linda L. Fagan, அமெரிக்காவின் பசிபிக் கட்டளைத் தளபதி அட்மிரல் Samuel J. Paparo மற்றும் அமெரிக்க கடற்படைத் மத்திய கட்டளையின் தளபதி வைஸ் அட்மிரல் Brad Cooper உட்பட பிராந்திய மற்றும் பிராந்தியம் அல்லாத மாநிலங்களின் கடற்படைத் தலைவர்கள் மற்றும் கடலோரக் காவல் படைத் தலைவர்களுடன் உத்தியோகபூர்வ சந்திப்புகளில் பங்கேற்று, கடல்சார் பாதுகாப்பு மற்றும் ஒத்துழைப்பு உள்ளிட்ட இருதரப்பு முக்கியத்துவம் வாய்ந்த விவகாரங்களில் கருத்துக்களைப் பரிமாறிக் கொண்டார்.

இலங்கை கடற்படை மற்றும் இலங்கை கப்பல் நிறுவனம் இணைந்து காலி முகத்துவார கடற்கரையை மையமாக் கொண்டு மரம் நடும் நிகழ்ச்சியொன்று இன்று (2023 செப்டம்பர் 23) மேற்கொன்டுள்ளனர்.

2023 செப்டெம்பர் 14 ஆம் திகதி உத்தியோகபூர்வ விஜயமொன்றை மேற்கொண்டு தீவுக்கு வந்த இந்திய கடற்படையின் 'INS Nireekshak' கப்பல் தனது உத்தியோகபூர்வ விஜயத்தை வெற்றிகரமாக முடித்துக்கொண்டு 2023 செப்டம்பர் 21 ஆம் திகதி தீவை விட்டு வெளியேறியதுடன், இலங்கை கடற்படையினர் திருகோணமலை துறைமுகத்தில் கடற்படையினரின் பாரம்பரிய முறைப்படி கப்பலுக்கு பிரியாவிடை அளித்தனர்.