இலங்கையில் உள்ள இந்திய உயர்ஸ்தானிகராலயம், இந்திய கடற்படையின் 'INS Vagir' நீர்மூழ்கிக் கப்பலின் கடற்படையினர் மற்றும் இலங்கை கடற்படை ஆகியவை இணைந்து சர்வதேச யோகா தினத்தை முன்னிட்டு இன்று (2023 ஜூன் 21) சிறப்பு யோகா நிகழ்ச்சியொன்றை ஏற்பாடு செய்தன. குறித்த நிகழ்வு பாதுகாப்பு செயலாளர் ஜெனரல் கமல் குணரத்னவின் (ஓய்வு) தலைமையில் இடம்பெற்றதுடன் இந்நிகழ்வில் கடற்படைத் தளபதி வைஸ் அட்மிரல் பிரியந்த பெரேராவும் கலந்துகொண்டார்.

33 வருடங்களுக்கும் மேலாக சிறப்பான சேவை மற்றும் இலங்கை கடற்படைக்கு குறிப்பிடத்தக்க பங்களிப்பை வழங்கியதன் பின்னர், ரியர் அட்மிரல் ஜானக நிஸ்ஸங்க தனது புகழ்பெற்ற கடற்படை வாழ்க்கைக்கு இன்று (2023 ஜூன் 21) விடைபெற்றார்.

பிரெஞ்சு கடற்படைக்கு சொந்தமான ‘Dupuy de Lôme’ என்ற கப்பல் உத்தியோகபூர்வ விஜயமொன்று மேற்கொண்டு இன்று (2023 ஜூன் 21) காலை கொழும்பு துறைமுகத்தை வந்தடைந்த்துடன் இலங்கை கடற்படையினர் குறித்த கப்பலை கடற்படையின் பாரம்பரிய முறைப்படி வரவேற்றனர்.

மூன்று நாள் உத்தியோகபூர்வ விஜயமொன்றை மேற்கொண்டு 2023 ஜூன் 18 ஆம் திகதி இலங்கைக்கு வந்த பாகிஸ்தான் கடற்படைக் கப்பல் ‘PNS TIPPU SULTAN’ வெற்றிகரமாக தமது உத்தியோகபூர்வ விஜயத்தை முடித்துக்கொண்டு இலங்கை கடற்படை கப்பல் கஜபாகுவுடன் நடத்தப்பட்ட கூட்டு கடற்படை பயிற்சியின் பின்னர் இன்று (2023 ஜூன் 04) தீவை விட்டு வெளியேறியது. இதேவேளை, குறித்த கப்பலுக்கு கடற்படையினரின் பாரம்பரிய பிரியாவிடை நிகழ்வு கொழும்பு துறைமுகத்தில் இடம்பெற்றது.

யாழ்ப்பாணத்திலிருந்து செல்ல கதிர்காமம் ஆலயத்திற்கு வருடாந்த யாத்திரையில் பங்குகொள்ளும் பக்தர்களுக்கு தேவையான உதவிகளை வழங்க இலங்கை கடற்படையினர் 2023 ஜூன் 10 ஆம் திகதி முதல் நடவடிக்கைகள் தொடங்கினர். அதன்படி, குமண தேசிய பூங்காவின் நுழைவாயிலில் இருந்து கும்புக்கன் ஓய வரையிலான பகுதியில் செல்லும் யாத்திரிகர்களின் தேவைகள் குறித்து கடற்படையினர் உதவி வழங்கினர். இதற்கிடையில், கடற்படைத் தளபதி வைஸ் அட்மிரல் பிரியந்த பெரேரா, பக்தர்களின் வசதிக்காக கடற்படையால் வழங்கப்படும் சேவைகளை பார்வையிட்டதுடன், ஜூன் 15 ஆம் திகதி கதிர்காமம் செல்லும் பாத யாத்திரையில் இணைந்தார்.

கொழும்பு தேசிய பாதுகாப்பு கல்லூரியின் புதிய தளபதி மேஜர் ஜெனரல் செனரத் யாபா (ஓய்வு) இன்று (2023 ஜூன் 19) கடற்படைத் தளபதி வைஸ் அட்மிரல் பிரியந்த பெரேராவை கடற்படைத் தலைமையகத்தில் சந்தித்தார்.

ரியர் அட்மிரல் காஞ்சன பானகொட வட மத்திய கடற்படை கட்டளையின் புதிய தளபதியாக 2023 ஜூன் 19 ஆம் திகதி கட்டளைத் தலைமையகத்தில் பதவியேற்றார்.

இந்திய கடற்படைக்கு சொந்தமான ‘INS Vagir’ என்ற நீர்மூழ்கிக் கப்பல் உத்தியோகபூர்வ விஜயமொன்று மேற்கொண்டு இன்று (2023 ஜூன் 19) கொழும்பு துறைமுகத்தை வந்தடைந்தது, இலங்கை கடற்படையினர் குறித்த கப்பலை கடற்படையின் பாரம்பரிய முறைப்படி வரவேற்றனர்.

பாகிஸ்தான் கடற்படைக்கு சொந்தமான ‘PNS TIPPU SULTAN’ என்ற கப்பல் உத்தியோகபூர்வ விஜயமொன்று மேற்கொண்டு இன்று (2023 ஜூன் 18) கொழும்பு துறைமுகத்தை வந்தடைந்தது, இலங்கை கடற்படையினர் குறித்த கப்பலை கடற்படையின் பாரம்பரிய முறைப்படி வரவேற்றனர்.

இலங்கை நிரந்தர மற்றும் தன்னார்வ கடற்படையின் 251 ஆம் ஆட்சேர்ப்புக்கு சொந்தமான நிரந்தர கடற்படையின் இருநூற்று எழுபத்தெட்டு (278) கடற்படை வீரர்கள் மற்றும் தன்னார்வ கடற்படையின் ஐம்பத்திரண்டு (52) கடற்படை வீரர்கள் அவர்களின் அடிப்படை பயிற்சியை பூர்த்தி செய்து 2023 ஜூன் 17 ஆம் திகதி பூஸ்ஸ இலங்கை கடற்படை கப்பல் நிபுன நிருவனத்தில் நடந்த அணிவகுப்பு வைபவத்தின் போது வெளியேறிச் சென்றனர்.