அமெரிக்க இந்து-பசிபிக் கடல்சார் கட்டளை (US Indo – Pacific Command - INDOPACOM), இலங்கை கடற்படை மற்றும் இலங்கை கடலோர காவல்படை ஆகியவை இணைந்து ஏற்பாடு செய்த இந்து-பசிபிக் சுற்றுச்சூழல் பாதுகாப்பு மாநாடு – 2023 (Indo-Pacific Environmental Security Forum-IPESF) கொழும்பு ஷங்ரிலா ஹோட்டலில் இன்று (2023 ஆகஸ்ட் 14) தொடங்கியதுடன் இதன் தொடக்க விழா இலங்கைக்கான அமெரிக்கத் தூதுவர் திருமதி ஜூலி சுங், காலநிலை மாற்றம் தொடர்பான ஜனாதிபதியின் சிரேஷ்ட ஆலோசகர் திரு.ருவன் விஜேவர்தன, பாதுகாப்புப் படைகளின் பிரதானி ஜெனரல் ஷவேந்திர சில்வா, கடற்படைத் தளபதி, வைஸ் அட்மிரல் பிரியந்த பெரேரா ஆகியோர்களின் பங்குபற்றுதலுடன் நடைபெற்றது.

இலங்கை கடற்படையின் சமூக நலத் திட்டங்களின் கீழ், மன்னார் மாவட்ட பொது வைத்தியசாலையின் இரத்த மாற்று மையத்தின் இரத்தத் தேவையை நிரப்பும் நோக்கில் ஏற்பாடு செய்த இரத்த தானம் நிகழ்ச்சியொன்று 2023 ஆகஸ்ட் 12 ஆம் திகதி வட மத்திய கடற்படை கட்டளைக்கு சொந்தமான தலைமன்னார் இலங்கை கடற்படைக் கப்பல் தம்மன்னா நிறுவனத்தில் நடைபெற்றது.

2023 ஆகஸ்ட் 10 ஆம் திகதி உத்தியோகபூர்வ விஜயமொன்றை மேற்கொண்டு இலங்கை வந்தடைந்த சீன மக்கள் குடியரசைச் சேர்ந்த 'HAI YANG 24 HAO' என்ற போர்க்கப்பல், உத்தியோகபூர்வ விஜயத்தை வெற்றிகரமாக முடித்துக் கொண்டு இன்று (2023 ஆகஸ்ட் 12) தீவை விட்டு புறப்பட்டுள்ளது.

கடற்படைத் தளபதி வைஸ் அட்மிரல் பிரியந்த பெரேரா 2023 ஆகஸ்ட் மாதம் 03 ஆம் திகதி கல்பிட்டி தலவில புனித அன்னாள் தேவாலயத்தில் நடைபெற்ற மாலை ஆராதனை நிகழ்வில் கலந்து கொண்டு தேவாலயத்தின் பாதிரியார் அதிமேதகு லைலி பெர்னாண்டோவைச் சந்தித்து ஆசீர்வாதம் பெற்றார்.

கடற்படைத் தளபதி வைஸ் அட்மிரல் பிரியந்த பெரேரா 2023 ஆகஸ்ட் 02 மற்றும் 03 ஆம் திகதிகளில் வடக்கு கடற்படை கட்டளைக்கு உத்தியோகபூர்வ விஜயம் ஒன்றை மேற்கொண்டார், மேற்படி குறித்த கட்டளையினால் மேற்கொள்ளப்படுகின்ற முக்கிய அபிவிருத்தி மற்றும் நலன்புரி திட்டங்கள் மற்றும் செயற்பாட்டு விடயங்களின் முன்னேற்றங்கள் குறித்து அவதானித்த கடற்படை தளபதி இலங்கை கடற்படையின் செயல்பாடுகள் தொடர்பாக அதிகாரிகள் மற்றும் மாலுமிகளை உரையாற்றினார்.

மூன்று நாள் உத்தியோகபூர்வ விஜயத்தை மேற்கொண்டு 2023 ஜூலை 29 ஆம் திகதி இலங்கைக்கு வந்தடைந்த இந்திய கடற்படையின் ‘INS Khanjar’ கப்பல் உத்தியோகபூர்வ விஜயத்தை வெற்றிகரமாக முடித்துக் கொண்டு இலங்கை கடற்படை கப்பல் சாகரவுடன் நடத்திய கூட்டு கடற்படை பயிற்சியின் பின்னர் இன்று (2023 ஜூலை 31) நாட்டை விட்டு புறப்பட்டது. இதனிடையே திருகோணமலை துறைமுகத்தில் கடற்படையின் பாரம்பரிய முறைப்படி இலங்கை கடற்படையினர் கப்பலுக்கு பிரியாவிடை அளித்தனர்.

இந்திய-பசிபிக் பிராந்தியத்தில் கடற்படைகளுக்கு இடையிலான ஒத்துழைப்பை வலுப்படுத்தும் நோக்கில் உத்தியோகபூர்வ விஜயமொன்றை மேற்கொண்டு 2023 ஜூலை 20 ஆம் திகதி இலங்கைக்கு வந்தடைந்த ஜப்பான் கடல்சார் தற்காப்புப் படைக்கு சொந்தமான ‘SAMIDARE (DD-106)’ என்ற கப்பல் தனது உத்தியோகபூர்வ விஜயத்தை வெற்றிகரமாக நிறைவுசெய்து இன்று (2023 ஜூலை 29) இலங்கை கடற்படைக் கப்பல் கஜபாகு கப்பலுடன் நடத்திய கூட்டு கடற்படை பயிற்சியின் பின்னர் தீவிலிருந்து புறப்பட்டதுடன் குறித்த கப்பலுக்கு இலங்கை கடற்படை பாரம்பரிய கடற்படை பிரியாவிடை வழங்கியது.

இந்திய கடற்படைக்கு சொந்தமான ‘INS Khanjar’ என்ற கப்பல் உத்தியோகபூர்வ விஜயமொன்று மேற்கொண்டு இன்று (2023 ஜூலை 29) திருகோணமலை துறைமுகத்தை வந்தடைந்தது, இலங்கை கடற்படையினர் குறித்த கப்பலை கடற்படையின் பாரம்பரிய முறைப்படி வரவேற்றனர்.

ஜெனரல் சேர் ஜோன் கொத்தலாவல பாதுகாப்பு பல்கலைக்கழகத்தில் தெற்கு வளாகத்தில் புதிதாக நிர்மாணிக்கப்பட்ட அனைத்து வசதிகளுடன் கூடிய கேடட் உத்தியோகத்தர்களுக்கான உணவு விடுதி மற்றும் தங்கும் விடுதி வசதிகள் பாதுகாப்பு அமைச்சின் செயலாளர் ஜெனரல் கமல் குணரத்ன (ஓய்வு) தலைமையில் இன்று (ஜூலை 28, 2023) மாணவர்களிடம் கையளிக்கப்பட்டது. இந்நிகழ்வில் கடற்படைத் தளபதி வைஸ் அட்மிரல் பிரியந்த பெரேராவும் கலந்துகொண்டார்.

தெற்கு சூடானில் ஐக்கிய நாடுகள் சபையின் அமைதி காக்கும் நடவடிக்கைகளில் பங்கேற்கும் பொலிஸ் விசேட அதிரடிப்படை குழுவிற்காக இலங்கை கடற்படையினரால் தயாரிக்கப்பட்ட நடமாடும் நீர் சுத்திகரிப்பு இயந்திரம் அந்தப் படையிடம் உத்தியோகபூர்வமாக கையளிக்கும் நிகழ்வு 2023 ஜூலை 25 ஆம் திகதி கடுகுருந்த பொலிஸ் விசேட அதிரடிப் படை பாடசாலையில் இடம்பெற்றது.