வெலிசர கடற்படை தொழில்நுட்ப நிறுவனத்தின் 22 வது தொழில்நுட்ப பாடநெறியை வெற்றிகரமாக முடித்த முப்பத்திரண்டு (32) தொழில்நுட்ப மாலுமிகளின் பிரியாவிடை நிகழ்வு 2025 ஜூன் 20 ஆம் திகதி வெலிசர கடற்படை தொழில்நுட்ப நிறுவனத்தின் பிரதான பயிற்சி மைதானத்தில், நிறுவனத்தின் ஆய்வுகள் இயக்குநர் கெப்டன் ஹேமஜித் பண்டாரவின் அழைப்பின் பேரில், கடற்படை பொறியியல் இயக்குநர் ஜெனரல் ரியர் அட்மிரல் ஹசந்த தசநாயக்கவின் தலைமையில் நடைபெற்றது.

கடற்படையின் சமூகப் பணித் திட்டத்தின் கீழ், அனுராதபுரம் மாவட்டத்தின் தபுத்தேகம பிரதேச செயலகப் பிரிவில் உள்ள தெல்ஹிரியாவ மற்றும் கோன் வாவி ஆகிய பகுதிகளில் கடற்படையின் தொழில்நுட்ப பங்களிப்பு மற்றும் ஜனாதிபதி செயலகத்தின் நிதி உதவியுடனும் நிறுவப்பட்ட இரண்டு (02) மீள் நீர் சுத்திகரிப்பு நிலையங்கள் 2025 ஜூன் 20 ஆம் திகதி பொதுமக்களுக்காக கையளிக்கப்பட்டன.

இலங்கைக்குச் சொந்தமான கடல்சார் வலயத்தில் எண்ணெய் கசிவு ஏற்பட்டால் உடனடியாக பதிலளிப்புக்கான தயார்நிலையை மேம்படுத்துதல் மற்றும் கடல் வலயத்தின் பாதுகாப்பை வலுப்படுத்துதல் ஆகியவற்றை நோக்கமாகக் கொண்டு, இலங்கை கடற்படை மற்றும் கடலோர காவல்படை ஏற்பாடு செய்த கூட்டுப் பயிற்சி, 2025 ஜூன் 16 மற்றும் 17 ஆகிய திகதிகளில் காங்கேசன்துறை துறைமுகத்தின் 'PH' இறங்குத்துறையில் வெற்றிகரமாக நடைபெற்றது.

அரச கோட்ப்பாடுகளுக்கு அமைவாக சமூக வலுவூட்டலுக்கு பங்களிக்கும் வகையில், இலங்கை கடற்படையினர், கடலோர காவல்படைத் திணைக்களம் மற்றும் மீன்வள, நீர்வளத் திணைக்களத்துடன் இணைந்து, கடலில் சுகாதாரம் மற்றும் அவசரகால மேலாண்மை குறித்து மீனவ சமூகத்திற்கு அறிவூட்டவும் அதிகாரம் அளிப்பதற்கும் ஒரு செயற்திட்டத்தை 2025 ஜூன் 11 முதல் 18 வரை யாழ்ப்பாணம் பருத்தித்துறையில் உள்ள இலங்கை கடற்படைக் கப்பல் கஞ்சதேவ மற்றும் இலங்கை கடற்படைக் கப்பல் கோதைம்பரவில் இந்தப் பயிற்சி வெற்றிகரமாக நடைபெற்றது.

இலங்கை கடற்படையின் மற்றொரு சமூகப் பணியாக ஏற்பாடு செய்யப்பட்ட சிறப்பு நடமாடும் பல் மருத்துவ சிகிச்சைகள் 2025 ஜூன் 03 முதல் 07 வரை வடமேற்கு கடற்படை கட்டளையின் கீழ் உள்ள மஹாவ, கும்புக்கெட்டே, முந்தலம், கொட்டுகச்சிய மற்றும் கங்கே வாடய ஆகிய பகுதிகளை உள்ளடக்கியவாறு நடைப்பெற்றது.

இலங்கை மருத்துவமனை சேவைகள் கவுன்சிலின் இயக்குநர் வணக்கத்திற்குரிய சாஸ்திரபதி பண்டித ராஜவெல்லே சுபூதி தேரரின் தலைமையிலான சமூக சேவை திட்டத்தின் கீழ், மருத்துவமனை உபகரணங்கள் வெலிசரவில் உள்ள இலங்கை கடற்படையின் பொது மருத்துவமனைக்கு 2025 ஜூன் 17 ஆம் திகதி மருத்துவமனை வளாகத்தில் வைத்து நன்கொடையாக வழங்கப்பட்டன.

இரசாயன, உயிரியல், கதிரியக்க மற்றும் அணுசக்தி ஆபத்து ஏற்பட்டால் மேற்கொள்ள வேண்டிய நடவடிக்கைகள் குறித்த பயிற்சியை இலங்கை கடற்படை 2025 ஜூன் 17 அன்று திருகோணமலை அஷ்ரஃப் இறங்குத்துறையில் வெற்றிகரமாக நடத்தியது.

அமெரிக்க கடற்படையின் பசிபிக் பிராந்தியத்தின் கட்டளைத் தளபதி அட்மிரல் ST Koehler நடத்திய 12வது பலதரப்பு கடல்சார் தலைமைத்துவ மாநாடு (12th Multilateral Maritime Virtual Key Leadership Engagement) 2025 ஜூன் 18 அன்று ஹவாயிலிருந்து நிகழ்நிலையில் வெற்றிகரமாக நடைபெற்றது. இந்த மாநாட்டில் கடற்படைத் தளபதி வைஸ் அட்மிரல் கான்சன பானகொட கொழும்பில் உள்ள கடற்படைத் தலைமையகத்திலிருந்து இந்தோ-பசிபிக் பிராந்தியத்தில் கடல்சார் பாதுகாப்பு தொடர்பான மூலோபாய முக்கியத்துவம் வாய்ந்த பிரச்சினைகள் குறித்த கருத்துக்களைப் பகிர்ந்து கொள்ள மாநாட்டில் பங்கேற்றார்.

உத்தியோகபூர்வ விஜயமாக இலங்கைக்கு வந்த துருக்கியக் கடற்படைக் கப்பலான ‘TCG BÜYÜKADA’, தனது உத்தியோகபூர்வ விஜயத்தை வெற்றிகரமாக முடித்துக்கொண்டு, இலங்கை கடற்படைக் கப்பலான கஜபாஹுவுடன் கூட்டு கடற்படைப் பயிற்சியின் பிறகு 2025 ஜூன் 18 ஆம் திகதி தீவை விட்டுப் புறப்பட்டது. கொழும்பு துறைமுகத்தில் இலங்கை கடற்படையினரால் இந்தக் கப்பலுக்கு பாரம்பரிய கடற்படை முறைப்படி பிரியாவிடை வழங்கப்பட்டது.

கொழும்பில் உள்ள பண்டாரநாயக்க நினைவு சர்வதேச மாநாட்டு மண்டபத்தில் நடைபெற்ற Culinary Art Food Expo 2025 கண்காட்சியில், Chief Petty Officer (ககா) டப்பிஏ சுபசிங்க பழங்கள் மற்றும் காய்கறி செதுக்குதல் பிரிவில் (Fruits and Vegetable Carving) தங்கப் பதக்கத்தையும், பனி செதுக்குதல் பிரிவில் (Ice carving) வெண்கலப் பதக்கத்தையும் வென்றார்.