அமெரிக்க கடற்படை அடிப்படை சீல் பயிற்சியை வெற்றிகரமாக முடித்த முதல் இலங்கையர் என்ற பெருமையைப் பெற்ற லெப்டினன்ட் கோயான் சாமிதவுக்கு சிறப்பு பாராட்டுக்கள்

உலகின் மிகவும் மேம்பட்ட சிறப்புப் படைப் பயிற்சித் திட்டமான அமெரிக்க கடற்படையின் (US Navy, Naval Special Warfare Basic Training Command) மூலம் நடத்தப்பட்ட மிகவும் கடினமான அடிப்படை SEAL பயிற்சிப் பாடத்திட்டத்தை வெற்றிகரமாக முடித்த முதல் இலங்கையர் என்று (SEAL Trident pin) ஐ பெற்ற லெப்டினன்ட் கோயான் சாமித, இன்று (2025 ஆகஸ்ட் 05) கடற்படைத் தலைமையகத்தில் கடற்படைத் தளபதி வைஸ் அட்மிரல் கான்சன பானகொடவைச் சந்தித்தார். SEAL பயிற்சியை வெற்றிகரமாக முடித்து, இலங்கை கடற்படைக்கும் தாய்நாட்டிற்கும் பெரும் புகழையும் பெருமையையும் கொண்டு வந்ததன் மூலம் முழு இலங்கை இளைஞர்களுக்கும் அவர் ஏற்படுத்திய மதிப்புமிக்க முன்மாதிரியைப் கடற்படைத் தளபதி பாராட்டினார்.

கம்பஹா, பண்டாரநாயக்க மகா வித்தியாலயத்தில் கல்வி பயின்ற லெப்டினன்ட் கோயான் சாமித, கல்லூரியின் கல்வி மற்றும் இணைபாடவிதான செயற்பாடுகள் மூலம் வளர்த்துக்கொள்ளப்பட்ட தலைமைத்துவப் பண்புகளுடன், 2017 ஜூன் 30 அன்று சிறப்பு படகுகள் படைக்கான 60வது கேடட் பயிற்சியின் கீழ் கடற்படையில் சேர்ந்தார். கடற்படை மற்றும் கடல்சார் அகாடமியில் பயிற்சியை முடித்த பிறகு, சிறப்பு படகுகள் படையின் சிறப்புப் பயிற்சியை வெற்றிகரமாக முடித்த பின் சீல் பாடநெறியைப் படிக்க ஜனவரி 2025 இல் அமெரிக்க கடற்படை Naval Special Warfare Basic Training Command இல் இணைக்கப்பட்டார்.

உலகின் சிறப்புப் படைகளின் உறுப்பினர்களுக்கான பல-நிலை தகுதிச் செயல்முறையான அமெரிக்க கடற்படை சீல் பயிற்சி (Instruction in Basic Underwater Demolition/ SEAL Training) மேற்கொள்ளப்படும் அடிப்படை நீருக்கடியில் டைவிங், மேம்பட்ட போர் டைவிங், நிலப் போர், பாராசூட் ஜம்பிங், சிறிய குழு போர் தந்திரோபாயங்களை உள்ளடக்கிய ஒரு தனித்துவமான மற்றும் மிகவும் கடினமான பயிற்சி செயல்முறையாகும். இது அதிக உடல் மற்றும் மன உறுதியுடன் கூடிய சிறந்த மனிதர்களை உருவாக்குகிறது.

அதன்படி, இத்தகைய தனித்துவமான பயிற்சிக்காக இணைந்திருந்த சுமார் இருநூறு (200) பயிற்சியாளர்களில், (SEAL Trident pin) பதக்கத்தைப் பெற்ற இருபத்தேழு (27) பேரில் லெப்டினன்ட் கோயான் சமித தேர்ந்தெடுக்கப்பட்டு, இலங்கை கடற்படைக்கும் தாய்நாட்டிற்கும் பெரும் புகழையும் பெருமையையும் கொண்டு வந்ததில் அவர் பெற்ற வெற்றி, இலங்கை கடற்படையின் பயிற்சி மற்றும் மேம்பாட்டுத் துறையால் அடையப்பட்ட ஒரு தனித்துவமான சாதனையாகவும் குறிக்கப்படுகிறது.