ஆங்கில மொழி முகாம் முன்னோடி திட்டம் 01/2025 தன்னார்வ கடற்படை தலைமையகத்தில் வெற்றிகரமாக நிறைவடைந்தது

வெலிசறை தன்னார்வ கடற்படை தலைமையகத்தில் ஆரம்பிக்கப்பட்ட ஆங்கில மொழி முகாம் முன்னோடி திட்டம், தன்னார்வ கடற்படையின் சிரேஷ்ட மாலுமிகளின் ஆங்கில மொழித் திறனை மேம்படுத்துவதை நோக்கமாகக் கொண்டுள்ளது (English Camp Pilot Project – 01/2025) நிறைவு விழா 2025 மே 30 ஆம் திகதி தலைமையக வளாகத்தில் தன்னார்வ கடற்படைத் தளபதி ரியர் அட்மிரல் எச்.என்.எஸ். பெரேராவின் தலைமையில் வெற்றிகரமாக நடைபெற்றது.

அதன்படி, இலங்கை கடற்படையின் ஆங்கில மொழி பயிற்றுவிப்பாளர்களின் வளமான பங்களிப்புடன் பல்வேறு தத்துவார்த்த மற்றும் நடைமுறை நடவடிக்கைகளுடன் பதினான்கு (14) நாட்கள் நடைபெற்ற இந்த முதல் ஆங்கில மொழி முகாம், தன்னார்வ கடற்படையின் சிரேஷ்ட மாலுமிகளின் ஆங்கில மொழித் திறன்களையும் பேசும் திறனையும் மேம்படுத்தும் என்று எதிர்பார்க்கப்பட்டது.

ஆங்கில மொழி முகாம் முன்னோடி திட்டம் 01/2025 இற்கான தன்னார்வ கடற்படையின் நான்கு கட்டளை அதிகாரிகள் மற்றும் மூன்று (03) கடற்படை வீரர் உட்பட இருபது (20) சிரேஷ்ட மாலுமிகள் பங்கேற்றனர்.