இலங்கை முப்படை மருத்துவ மாணவர் சங்கத்தின் 09 வது தலைவர் நியமித்தல் வெலிசரவில் நடைபெற்றது

இலங்கை முப்படை மருத்துவ மாணவர் சங்கத்தின் புதிய (09) தலைவரின் பதவியேற்பு விழா 2025 மே 20 ஆம் திகதி வெலிசரவில் உள்ள ‘வேவ் எண்ட் லேக்’ கடற்படை நிகழ்வு மண்டபத்தில் கடற்படைத் தளபதி வைஸ் அட்மிரல் கான்சன பானகொட அவர்களின் தலைமையில் நரம்பியல் நிபுணர் டாக்டர் ஹர்ஷ குணசேகர அவர்களின் கௌரவ பங்கேற்புடன் நடைபெற்றது.

அதன்படி, இந்த நிகழ்வில் வரவேற்பு உரையை இலங்கை இராணுவத்தின் சிறப்பு எலும்பியல் அறுவை சிகிச்சை நிபுணரான பிரிகேடியர் பிரிமால் பீரிஸ் நிகழ்த்திய பின்னர், 2024 - 2025 ஆம் ஆண்டுக்கான இலங்கை முப்படை மருத்துவ மாணவர் சங்கத்தின் தலைவர் பதவி, இலங்கை கடற்படையின் சுகாதார சேவைகள் பணிப்பாளர் நாயகம் ரியர் அட்மிரல் ஜனக மாரம்பேவிடம் 2025 மே 20 ஆம் திகதி அதிகாரப்பூர்வமாக ஒப்படைக்கப்பட்டது.

மேலும், இலங்கை கடற்படைக்கு ஆலோசகர் மருத்துவ சேவைகளுக்கு பங்களிப்பதன் மூலம் அவர்களின் தொடர்ச்சியான ஆதரவையும் அர்ப்பணிப்பையும் அங்கீகரிக்கும் வகையில், ஆலோசகர் மருத்துவர்களை கௌரவிக்கும் வகையில் ஒரு சிறப்பு பாராட்டு விழா ஏற்பாடு செய்யப்பட்டது.

மேலும், இலங்கை முப்படை மருத்துவ முன்னாள் மாணவர் சங்கத்தின் கௌரவ செயலாளர் டாக்டர் கமாண்டர் அஷானி ரத்னகீர்த்தி நன்றியுரையுடன் விழா நிறைவடைந்தது. இந்த விழாவில் முன்னாள் கடற்படைத் தளபதிகள், கடற்படைத் தலைமை அதிகாரி, சுகாதார சேவைகள் பணிப்பாளர் நாயகம், கடற்படையின் மருத்துவ மற்றும் பல் மருத்துவப் பிரிவுகளின் சிரேஷ்ட அதிகாரிகள் மற்றும் இலங்கை முப்படை மருத்துவ முன்னாள் மாணவர் சங்க உறுப்பினர்கள் கலந்து கொண்டனர்.