ரியர் அட்மிரல் சனத் பிடிகல கடற்படை சேவையிலிருந்து ஓய்வு பெற்றார்

ரியர் அட்மிரல் சனத் பிடிகல இலங்கை கடற்படையில் 35 வருட கால சேவையை நிறைவு செய்து இன்று (2025 மே 17) கடற்படை சேவையிலிருந்து ஓய்வு பெற்றார்.

கடற்படைத் தளபதி வைஸ் அட்மிரல் கான்சன பானகொட தலைமையிலான கடற்படை முகாமைத்துவ சபை ரியர் அட்மிரல் சனத் பிடிகலவின் 55வது பிறந்தநாளை முன்னிட்டு இன்று கடற்படைத் தலைமையகத்தில் வைத்து வாழ்த்திய பின்னர், கடற்படை மரபுப்படி அவருக்கு சிறப்பு மரியாதை அளிக்கப்பட்டது. பின்னர், சக அதிகாரிகளிடம் பிரியாவிடை பெற்று கடற்படை தலைமையகத்திலிருந்து கடற்படை வாகன அணிவகுப்பில் புறப்பட்ட ரியர் அட்மிரல் சனத் பிடிகலவிற்கு சிரேஷ்ட மற்றும் கனிஷ்ட கடற்படையினர் கடற்படை மரபுப்படி மரியாதை செலுத்தினர்.

1990 ஆம் ஆண்டு கடற்படை காலாட்படையின் மூன்றாவது ஆட்சேர்ப்பில் மாணவச் சிப்பாய் அதிகாரியாக கடற்படையில் இணைந்து கொண்ட ரியர் அட்மிரல் சனத் பிடிகல, தனது 35 வருடங்களுக்கும் மேலான சேவையில் கடற்படையின் இலங்கை கடற்படை நிறுவனங்களின் கட்டளை அதிகாரியாகவும் பணியாற்றியுள்ளார். இலங்கை கடற்படையின் புகழ்பெற்ற மூத்த அதிகாரியான இவர், மூத்த பணியாளர் அதிகாரி (உள்ளூர் பயிற்சி), கடற்படைத் தளபதியின் தலைமை பாதுகாப்பு அதிகாரி, கடற்படை சமூக பணி திட்டத்தின் சிரேஷ்ட ஒருங்கிணைப்பு அதிகாரி, கடற்படை தரை நடவடிக்கைகளின் துணை இயக்குநர், கடற்படை மரைன் துணை இயக்குநர், கடற்படை இயக்குநர், கடற்படை காலாட்படையின் துணை தளபதி மற்றும் கடற்படை காலாட்படை தளபதி போன்ற முக்கிய பதவிகளை வகித்துள்ளார்.