2024/25 கழகங்களுக்கு இடையேயான மகளிர் ரக்பி சாம்பியன்ஷிப்பை வென்ற கடற்படை மகளிர் ரக்பி அணியினர்,வைஸ் அட்மிரல் கான்சன பானகொடவை 2025 மார்ச் 25 அன்று கடற்படைத் தலைமையகத்தில் சந்தித்து ரக்பி கோப்பையை கடற்படைத் தளபதி முன்னிலையில் முன்வைத்தனர். மகளிர் ரக்பி சாம்பியன்ஷிப் போட்டியில் மூன்றாவது தடவையாகவும் வெற்றியீட்டிய கடற்படை ரக்பி அணிக்கு கடற்படைத் தளபதி வாழ்த்து தெரிவித்தார்.

இலங்கை கடற்படையின் ஆமைப் பாதுகாப்புத் திட்டத்தினால் பாதுகாக்கப்பட்ட நாற்பத்திரண்டு (42) ஆமைக் குஞ்சுகள் 2025 மார்ச் 25 அன்று தென்கிழக்கு கடற்படைக் கட்டளையின் பானம கடற்கரையில் கடலில் விடப்பட்டன.

வடமத்திய கடற்படை கட்டளையின் நலன்புரி வசதிகளை விரிவுபடுத்தும் பொருட்டு, இலங்கை கடற்படை கப்பல் கஜபா நிறுவன வளாகத்தின் நிர்வாக நோக்கங்களுக்காக பயன்படுத்தப்பட்ட கட்டிடம் புனரமைக்கப்பட்டு விடுமுறை விடுதியாக மாற்றப்பட்டு 2025 மார்ச் 21 அன்று வடமத்திய கடற்படை கட்டளைத் தளபதியின் தலைமையில் திறந்து வைக்கப்பட்டது.

இலங்கையில் உள்ள அமெரிக்க தூதரகத்தின் பாதுகாப்பு ஒத்துழைப்பு அலுவலகத்தின் பிரதானி கமாண்டர் Sean Jin மற்றும் அந்த அலுவலகத்தின் பிரதானியாக நியமிக்கப்படவுள்ள லெப்டினன்ட் கமாண்டர் Ros Lary ஆகியோர் கடற்படைத் தளபதி வைஸ் அட்மிரல் கான்சன பானகொடவை 2025 மார்ச் 26 அன்று கடற்படைத் தலைமையகத்தில் உத்தியோகபூர்வ சந்திப்பிற்காக சந்தித்தனர்.