ரியர் அட்மிரல் நிஷாந்த பீரிஸ் கடற்படை சேவையிலிருந்து ஓய்வு பெற்றார்

இலங்கை கடற்படையில் 34 வருட சேவையை நிறைவு செய்து ரியர் அட்மிரல் நிஷாந்த பீரிஸ் இன்று (2024 நவம்பர் 05,) கடற்படை சேவையிலிருந்து ஓய்வு பெற்றார்.

இன்று தனது 55வது பிறந்தநாளைக் கொண்டாடும் ஓய்வுபெறும் அதிகாரிக்கு கடற்படைத் தளபதி வைஸ் அட்மிரல் பிரியந்த பெரேரா தலைமையிலான முகாமைத்துவ சபையினர் தமது அன்பான வாழ்த்துக்களை தெரிவித்தனர். அதனைத் தொடர்ந்து, ரியர் அட்மிரல் நிஷாந்த பீரிஸ் அவர்களுக்கு கடற்படை மரபுகளுடன் துல்லியமாக மரியாதை செலுத்தப்பட்டது. வழக்கமான நிகழ்வு முடிந்ததும், சக கடற்படை அதிகாரிகள் மற்றும் வீர்ர்கள் ஓய்வு பெறும் மூத்த அதிகாரிக்கு முறையான பிரியாவிடை அளித்தனர்.

1990 ஆம் ஆண்டில், 08 ஆவது கொத்தலாவல பாதுகாப்பு பல்கலைக்கழகத்தின் கெடட் ஆட்சேர்ப்பில் கெடட் அதிகாரியாக கடற்படையில் இணைந்து கொண்ட ரியர் அட்மிரல் நிஷாந்த பீரிஸ், தனது 34 வருட சேவையின் போது பல்வேறு நிறுவனங்கள் மற்றும் கப்பல்களின் கட்டளை அதிகாரியாக கடமையாற்றியுள்ளார். மேலும், இவர் சிரேஷ்ட பணியாளர்கள் அதிகாரி செயற்பாடுகள் (ஆட்சேர்ப்பு), கடற்படை மற்றும் கடல்சார் கல்லூரியில் பிரதி பயிற்சி நிறைவேற்று மற்றும் கனிஷ்ட கடற்படைப் பணியாளர் பாடநெறி ஒருங்கிணைப்பாளர், சபுகஸ்கந்த பாதுகாப்பு சேவை கட்டளை மற்றும் பணியாளர் கல்லூரியில் கடற்படை பயிற்சி குழுவின் தளபதி, இயக்குனர் கடற்படை செயல்பாடுகள், இயக்குநர் கடற்படை சிறப்புப் படைகள், பணிப்பாளர் கடற்படை வெளிநாட்டு உறவுகள், பணிப்பாளர் கடற்படை கடல்சார் கண்காணிப்பு, பிரதித் தளபதி தெற்கு கடற்படை மற்றும் துறைமுக வசதி பாதுகாப்பு அதிகாரி (காலி துறைமுகம்), வடமேற்கு கடற்படைத் தளபதி, பணிப்பாளர் ஜெனரல் செயல்பாடுகள் மற்றும் துணைத் தளபதி ஆகிய முன்னணி பதவிகளை வகித்த ஒரு புகழ்பெற்ற தலைமை அதிகாரியுமாவார்.