இலங்கை கடற்படையின் உத்தியோகபூர்வ இணையத்தளம் ‘BestWeb.lk 2023’ போட்டியில் வெற்றி பெற்றது

இலங்கையின் நடைபெறுகின்ற ஒரே இணையத்தள மதிப்பீட்டுப் போட்டியான 'LK Domain Registry' நிருவனம் மூலம் நடத்தப்படுகின்ற 'BestWeb.lk 2023' போட்டியில், இலங்கை கடற்படையின் உத்தியோகபூர்வ இணையத்தளமான www.navy.lk பொதுத் துறையில் சிறந்த இணையத்தளப் பிரிவின் கீழ் தங்க விருதையும், 750க்கும் மேற்பட்ட இணையத்தளங்கள் பங்குபற்றிய ஒட்டுமொத்த போட்டியில் வெண்கல விருதையும் வென்றது.

இந்த போட்டிக்காக சமர்ப்பிக்கப்பட்ட இணையத்தளங்களுக்கான விருதுகள் முக்கியமாக இணையத்தளங்களின் படைப்பாற்றலின் அளவுகோல் மற்றும் இணையதளத்தில் உயர் தொழில்நுட்ப உத்திகளைப் பயன்படுத்துதல் ஆகியவற்றின் அடிப்படையில் அமைந்தன, மேலும் இந்த விருதுகள் நிபுணர் குழுவின் சிறப்பு மேற்பார்வையின் கீழ் நடைபெற்றது.

அதன்படி, இலங்கை கடற்படையின் உத்தியோகபூர்வ இணையத்தளமான www.navy.lk யின் முழுமை, வழிசெலுத்தலின் எளிமை, தரநிலைகள், செயற்பாடுகள், இணையத்தளம் மற்றும் இணையப் பக்கங்களின் படைப்பாற்றல், இணையத்தளத்தின் அளவு மற்றும் தரம், இணையத்தளத்தின் பாவனையாளர்களுடனான தரமான தொடர்பு, இணையத்தளத்தின் தனியுரிமை மற்றும் பாதுகாப்பு மற்றும் காப்புரிமைகளைப் பாதுகாத்தல் போன்றவற்றின் அடிப்படையில் அரசு வகையைச் சேர்ந்த 23 இணையதளங்களில் இருந்து தங்க விருதை பெற்றுள்ளது.

மேலும், இப் போட்டியில் பங்குபற்றிய 750க்கும் மேற்பட்ட இணையத்தளங்களில் கடற்படையின் உத்தியோகபூர்வ இணையத்தளம் மூன்றாம் இடத்தைப் பெற்று வெண்கல விருதை வென்றதுடன் கடற்படையின் இணையத்தளத்திற்கு கிடைத்த வரலாற்று வெற்றியாக இது குறிப்பிடப்பட்டது.

இவ்வாறான போட்டிகளில் கலந்துகொள்வதன் மூலம் இணையத்தளங்களின் தரத்தை அதிகரிப்பதுடன், அதன்மூலம் இணையப் பாவனையாளர்களுக்கு உயர்தர சேவையை வழங்க எதிர்பார்க்கப்படுகிறது.