இலங்கைக்கான ஐக்கிய அரபு இராச்சியத்தின் தூதுவர் கிழக்கு கடற்படை தளபதியுடன் சந்திப்பு

இலங்கைக்கான ஐக்கிய அரபு இராச்சியத்தின் தூதுவர் கலீட் நசார் சுலைமான் அல் அமெரி (HE Khaled Nassar Sulaiman Al Ameri) அவர்கள் இன்று (2023 மார்ச் 14) கிழக்கு கடற்படை கட்டளைத் தலைமையகத்தில், இலங்கை தொண்டர் கடற்படைத் தளபதியும் கிழக்கு கடற்படை கட்டளைத் தளபதியுமான ரியர் அட்மிரல் தம்மிக்க குமாரவை சந்தித்தார்.

இந்த உத்தியோகபூர்வ சந்திப்பில், ஐக்கிய அரபு இராச்சியத்தின் தூதுவர் மற்றும் கிழக்கு கடற்படை கட்டளைத் தளபதி ஆகியோருக்கு இடையில் இருதரப்பு முக்கியத்துவம் வாய்ந்த விடயங்கள் தொடர்பாக சுமூகமான கருத்துப் பரிமாற்றம் இடம்பெற்றதுடன், இந்த உத்தியோகபூர்வ சந்திப்பைக் குறிக்கும் வகையில் இரு தரப்பினருக்கும் இடையில் நினைவுப் சின்னங்களும் பரிமாறிக்கொள்ளப்பட்டன.

மேலும், இந்த உத்தியோகபூர்வ சந்திப்புக்கு இணையாக ஐக்கிய அரபு இராச்சியத்தின் தூதுவர் இலங்கை கடற்படைக் கப்பல் சயுர மற்றும் கடற்படை அருங்காட்சியகத்தின் கண்காணிப்புப் பயணத்தையும் மேற்கொண்டார்.