பிரித்தானிய கடற்படைக்கு சொந்தமான ‘HMS TAMAR’ கப்பலின் கட்டளை அதிகாரி மற்றும் மேற்கு கடற்படை கட்டளைத் தளபதி ஆகியோருக்கிடையில் சந்திப்பு

பிரித்தானிய அரச கடற்படைக்கு சொந்தமான ‘HMS TAMAR’ என்ற கப்பல் 2023 ஜனவரி 27 ஆம் திகதி பழுதுபார்க்கும் பணிக்காக கொழும்பு துறைமுகத்தை வந்தடைந்ததுடன் அதன் கட்டளை அதிகாரி கமாண்டர் டீலோ எலியட் - ஸ்மித் (Commander Teilo Elliot – Smith) மற்றும் மேற்கு கடற்படை கட்டளைத் தளபதி ரியர் அட்மிரல் சுரேஷ் த சில்வா இடையே சந்திப்பொன்று 2023 ஜனவரி 28 ஆம் திகதி மேற்கு கடற்படை கட்டளைத் தலைமையகத்தில் நடைபெற்றது.

இந்த உத்தியோகபூர்வ சந்திப்பில்‘HMS TAMAR’ இன் கட்டளை அதிகாரி மற்றும் மேற்கு கடற்படை கட்டளைத் தளபதி ஆகியோருக்கு இடையில் இருதரப்பு முக்கியத்துவம் வாய்ந்த விடயங்கள் தொடர்பாக சுமூகமான கலந்துரையாடலொன்று இடம்பெற்றதுடன், இந்த நிகழ்வைக் குறிக்கும் வகையில் இரு தரப்பினருக்கும் இடையில் நினைவுப் சின்னங்களும் பரிமாறிக் கொள்ளப்பட்டன.