ஜனாதிபதி செயலக வளாகத்திற்கு முன்பாக இடம்பெற்ற நத்தார் கரோல் பாடல் நிகழ்வு வண்ணமாக்க கடற்படையினரின் பங்களிப்பு

இலங்கை சுற்றுலா அமைச்சு, முப்படை மற்றும் பொலிஸார் இணைந்து ஏற்பாடு செய்திருந்த விசேட நத்தார் கரோல் பாடல் நிகழ்வு 2022 டிசம்பர் 18 ஆம் திகதி பிற்பகல் காலி முகத்திடலில் உள்ள ஜனாதிபதி செயலக வளாகத்திற்கு முன்பாக ஆரம்பமானதுடன் கடற்படை இசைக்குழு மற்றும் கலாசார நடனக் குழு 2022 டிசம்பர் 21 அன்று மாலை தனது பங்களிப்பை வழங்கியது.

இதன்படி, கடற்படைத் தளபதி வைஸ் அட்மிரல் பிரியந்த பெரேராவின் பணிப்புரையின் பேரில், கடற்படை இசைக்குழு மற்றும் கலாசார நடனக் குழுவைச் சேர்ந்த கலைஞர்கள் கரோல் பாடல்கள் மற்றும் விரிவான நடனங்களை நிகழ்த்தி நிகழ்ச்சியை வண்ணமயமாக்கியதுடன், பெருந்திரளான மக்கள் நிகழ்வைக் காணக் கலந்துகொண்டனர்.

இதேவேளை, எதிர்வரும் டிசம்பர் மாதம் 23ஆம் திகதி வரை இந்நிகழ்வு நடத்த ஏற்பாடுகள் செய்யப்பட்டுள்ளன.