வடக்கு மற்றும் தெற்கு கடற்கரைகள் கடற்படையின் பங்களிப்பால் சுத்தம் செய்யப்பட்டன

தீவைச் சுற்றியுள்ள கரையோரப் பகுதியை மாசு இல்லாத மண்டலமாக பராமரிக்க கடற்படை பல திட்டங்களை செயல்படுத்தி வருகிறது. அதன் படி வடக்கு மற்றும் தெற்கு பகுதிகளில் கடற்கரைகளை கடந்த வாரம் கடற்படையினரால் சுத்தம் செய்யப்பட்டன.

யாழ்ப்பாண தீபகற்பம் மற்றும் கடலோரப் பகுதிகளை சுத்தமாக்கும் நோக்கத்தின் வடக்கு கடற்படை கட்டளையின் கடற்படையினர் காங்கேசந்துரை துறைமுகம், கோவளம், பல்லிக்குடா, வல்லன், சில்லாலெய் மற்றும் கடைகாடு ஆகிய கடற்கரை பகுதிகளை சுத்தம் செய்தனர். அங்கு அவர்கள் ஏராளமான பிளாஸ்டிக் மற்றும் பாலிதீன்களை அகற்றினர்.

இதேபோன்று தெற்கு கடற்படை கட்டளையின் கடற்படை வீரர்களும் காலி, தெவட்ட, தங்காலை, கொயம்பொக்க மற்றும் ஹம்பாந்தோட்டை மீன்வள துறைமுகங்களில் சேகரிக்கப்பட்ட குப்பைக் குவியல்களை சுத்தம் செய்ய நடவடிக்கை எடுத்தனர்.

மேலும், கோவிட் -19 தொற்றுநோய் பரவாமல் தடுக்க வழங்கப்பட்ட அனைத்து சுகாதார நடைமுறைகளுக்கும் ஏற்ப கரையோர தூய்மைப்படுத்தும் திட்டங்கள் நடத்தப்பட்டன, மேலும் கடலோர சுற்றுச்சூழல் அமைப்பைப் பாதுகாக்க கடற்படை இதுபோன்ற சூழல் நட்பு திட்டங்களை தொடர்ந்து மேற்கொள்ளும்.