இந்திய கடற்படைக் கப்பல் “அய்ராவத்” கொழும்பு துறைமுகத்துக்கு வருகை

இந்திய கடற்படைக் கப்பல் “அய்ராவத்” இன்று (2020 ஜனவரி 20,) கொழும்பு துறைமுகத்திற்கு வந்துள்ளது. இந்த கப்பலை கடற்படை மரபுகளுக்கு ஏற்ப இலங்கை கடற்படை வரவேற்றது.

மூன்று நாள் உத்தியோகபூர்வ விஜய மொன்று வந்துள்ள இக் கப்பலின் கட்டளை அதிகாரி கொமான்டர் சுனில் சங்கர் (Sunil Sankar) உட்பட குழுவினர் மேற்கு கடற்படை கட்டளை தலைமையகத்தில் வைத்து மேற்கு கடற்படை கட்டளையின் தளபதி ரியர் அட்மிரல் சுமித் வீரசிங்கவை சந்தித்தனர். இச் சந்திப்பில் இருதரப்பு முக்கியத்துவம் வாய்ந்த பல்வேறுபட்ட விடயங்கள் தொடர்பாக கலந்துரையாடப்பட்டதுடன் நினைவுச் சின்னங்களையும் பரிமாறிக் கொள்ளப்பட்டன.

இந்த கப்பல் தீவில் தங்கியிருக்கும் காலத்தில் பல நிகழ்ச்சிகளில் பங்கேற்க திட்டமிடப்பட்டுள்ளது மற்றும் கப்பல் ஜனவரி 22 அன்று தீவை விட்டு வெளியேற திட்டமிடப்பட்டுள்ளது.