இலங்கைக்கு உரித்தான வட கடற்பரப்பில் மீன்பிடியில் ஈடுபட்ட 10 இந்திய மீனவர்கள் கடற்படையினரால் கைது

சட்டவிரோதமாக இலங்கை கடற்பரப்பில் மீன்பிடியில் ஈடுபட்ட 10 இந்திய மீனவர்களையும், அவர்களுக்கு சொந்தமான 02 மீன்பிடி படகும் இலங்கை கடற்படையால் இன்று (நவம்பர் 02) ஆம் திகதி கைது செய்யப்பட்டன.

நெடுந்தீவின் வடமேற்கு கடற்கரையில் ரோந்துப் பணியில் ஈடுபட்டிருந்தபோது, இலங்கை கடலில் சட்டவிரோதமாக மீன்பிடிக்கும்போது மீனவர்கள் வடக்கு கடற்படை கட்டளை மூலம் கைது செய்யப்பட்டனர். அதன்படி, மீன்பிடி படகு மற்றும் மீனவர்கள் இலங்கை கடற்படைக் கப்பல் ‘உத்தர’ விற்க்கு கொண்டு செல்லப்பட்டனர்.

மேலதிக சட்ட நடவடிக்கைகளுக்காக மீனவர்கள் மீன்வள உதவி இயக்குநரிடம் ஒப்படைக்கப்படவுள்ளனர்.