වයිස් අද්මිරාල් රවීන්ද්‍ර විජේගුණරත්න මහතා නව නාවික හමුදාධිපති ධූරයට පත්වීමෙන් පසු ජූලි මස 27 වන දින අනුරාධපුර ජය ශ්‍රී මහා බෝ සමිඳුන් හා රුවන්වැලි මහා සෑ රදුන් වැඳ ආශිර්වාද ලබාගත්තේය.

උතුරු මැද නාවික විධානයට අයත් ශ්‍රී ලංකා නාවික නෞකා පණ්ඩුකාභය ආයතනයේ අලුතින් ඉදිකරන ලද බෝවන රෝගීන් සඳහා වන වාට්ටුව උතුරු මැද නාවික විධාන භාර ආඥාපති රියර් අද්මිරාල් දිමුතු ගුණවර්ධන මහතා විසින් 2015 ජූලි මස 27 වන දින විවෘත කරන ලදී.

ශ්‍රී ලංකාවේ ඕස්ට්‍රේලියානු මහකොමසාරිස්වරිය වශයෙන් කටයුතු කරන රොබින් මූඩී මහත්මිය අද දින (ජූලි 24) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

2015 පළමු බඳවා ගැනීමට අයත් ඉඳුරාම බඳවාගත් නිලධාරීන් 20 දෙනෙකු ත්‍රිකුණාමළය නාවික හා සාගරික විද්‍යාපීඨයේදී අද දින (ජූලි 24) විසිර ගියහ.

අද (ජූලි 23) උදෑසන ඩෙල්ෆ් දූපතට නාවික සැතපුම් 8.5ක් පමණ උතුරින් වූ මුහුදු සීමාවේදී යාන්ත්‍රික දෝෂයකට ලක්වූ ඉන්දීය ට්‍රෝලර් යාත්‍රාවක් සහ එහි සිටි ධීවරයින් සිව්දෙනෙකු බේරා ගැනීමට නාවික හමුදාව සහය විය.

ශ්‍රී ලංකාවේ චීන ආරක්ෂක උපදේශක වශයෙන් කටයුතු කරන ජ්‍යේෂ්ඨ කර්නල් ලී චෙන්ග්ලින් මහතා අද දින (ජූලි 23) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

ශ්‍රී ලංකා ඉන්දීය මහකොමසාරිස් කාර්යාලයේ ආරක්ෂක උපදේශක වශයෙන් කටයුතු කරන කපිතාන් ප්‍රකාශ් ගෝපාලන් මහතා සහ ශ්‍රී ලංකාවේ පෝලන්ත ආරක්ෂක උපදේශක වශයෙන් කටයුතු කරන ස්ලැවෝමියර් කොල්ටුන් මහතා අද දින (ජූලි 22) කොළඹ නාවික හමුදා මූලස්ථානයේ දී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

ශ්‍රි ලංකා ප්‍රජාතාන්ත්‍රික සමාජවාදී ජනරජයේ අතිගරු ජනාධිපති මෛත්‍රීපාල සිරිසේන මහතා විසින් නාවික හමුදා මාණ්ඩලික ප්‍රධානී ධූරයට පත්කරන ලද රියර් අද්මිරාල් සිරිමෙවන් රණසිංහ මහතා අද (ජූලි 22) දින නාවික හමුදා මූලස්ථානයේදී මහා සංඝරත්නයේ ආශිර්වාද මැද සිය රාජකාරීන් සුභ මො‍හොතින් ආරම්භ කළ අතර, නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවී සිය ධූරයේ බලතල ඇතුළත් ලිපිය ලබා ගත්තේය.

ශ්‍රි ලංකා නාවික හමුදා ඉංජිනේරු අංශයේ නිලධාරීන්ගේ මූලිකත්වයෙන් වාහන දුම් පරීක්ෂාව හා එහි වැදගත්කම පිළිබඳ එක් දින පුහුණු වැඩමුළුවක් කොළඹ ශ්‍රි ලංකා නාවික නෞකා පරාක්‍රම ආයතනයේ අද්මිරාල් සෝමතිලක දිසානායක ශ්‍රවනාගාරයේදී ජූලි මස 21 දින පැවැත්විය.

නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා ගුවන් හමුදා මූලස්ථානයේදී අද දින (ජූලි 22) ගුවන් හමුදාපති එයාර් මාර්ෂල් ගගන් බුලත්සිංහල මහතා හමුවූ අතර, එහිදී ගුවන් හමුදා සම්මාන ආචාරයකින් නාවික හමුදාපතිතුමන් පිළිගන්නා ලදී.