සිලාවතුර, ශ්‍රී ලංකා නාවික නෞකා ථේරපුත්ත ආයතනයට අනුයුක්ත නාවිකයින් පිරිසක් විසින් නීති විරෝධී ධීවර කටයුතු වල යෙදී සිටි ශ්‍රී ලාංකික ධීවරයින් 7 දෙනෙකු අවස්ථා දෙකකදී අත්අඩංගුවට ගැනීමට දෙසැම්බර් මස 28 සහ 29 යන දිනයන්හි සමත්විය.

මව්බිම වෙනුවෙන් දිවිපිදූ සහ සටනේදී තුවාළ ලබා ආබාධිත තත්වයට පත්වූ රණවිරුවන්ගේ පවුල් වල සාමාජිකයින් සඳහා සංවිධානය කෙරුණු වාර්ෂික සුහද හමුවක් දෙසැම්බර් මස 23 වන දින පානම ශ්‍රීලංනානෞ මහානාග ආයතනයේදී පැවැත්විණ.

මුල්ලිකුලම් හි පිහිටි ශ්‍රී ලංකා නාවික නෞකා භරණ ආයතනයට අනුයුක්ත නාවිකයින් පිරිසක් විසින් නීති විරෝධී ධීවර කටයුතු වල යෙදී සිටි ධීවරයින් 5 දෙනෙකු සමග ඩිංගි යාත්‍රාවක් සහ ලයිලා දැලක් ඊයේ (28) දහවල් කුදිරමලෙයි තුඩුව සහ පූක්කුලම් අතර මුහුදු තීරයේදී නාවික හමුදාව විසින් අත්අඩංගුවට ගන්නා ලදී.

මව්බිම වෙනුවෙන් දිවිපිදූ සහ සටනේදී තුවාළ ලබා ආබාධිත තත්වයට පත්වූ රණවිරුවන්ගේ පවුල් වල සාමාජිකයින් සඳහා වයඹ නාවික විධානය විසින් සංවිධානය කෙරුණු වාර්ෂික සුහද හමුව දෙසැම්බර් මස 27 වන දින මුල්ලිකුලම් හි පිහිටි ශ්‍රීලංනානෞ භරණ ආයතනයේදී උත්කර්ශවත් අයුරින් පැවැත්විණි.

යාපනය නාට්ටකුලම් ප්‍රදේශයේදී ගින්නකින් සම්පූර්ණයෙන්ම විනාශ වූ නිවසක් ශ්‍රී ලංකා නාවික නෞකා අග්බෝ ආයතනයේ නාවික පුද්ගලයන්ගේ ශ්‍රම දායකත්වයෙන් අළුත්වැඩියා කිරීමෙන් අනතුරුව උතුරු නාවික විධානය භාර ආඥාපති රියර් අද්මිරාල් පියල් ද සිල්වා මහතා විසින් අද (26) එම නිවෙස් හිමියන් වෙත භාර දෙන ලදී.

ශ්‍රී ලංකා නාවික හමුදාවේ ගැඹුරු මුහුදු මුර සංචාරක නෞකාවක් වන සමුදුර සහ වේග මිසයිල ප්‍රහාරක නෞකාවක් වන නන්දිමිත්‍ර 2015 දෙසැම්බර් මස 21 වන දින සිට 24 වන දින දක්වා ඉන්දියාවේ පුහුණුවීමේ කටයුතුවල සහ සුහද සංචාරයක නිරතවිය.

නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ සංකල්පයකට අනුව ප්‍රදේශයේ ජනතාවගේ පිරිසිදු පානීය ජල අවශ්‍යතාවය සපුරාලීම සඳහා ප්‍රති ආශ්‍රැත ජල පද්ධතීන් දෙකක් අද (22) පූනෑව සහ කඩවත් රඹෑව යන ප්‍රදේශයන්හි ස්ථාපනය කරන ලදී.

මව්බිම වෙනුවෙන් දිවිපිදූ සහ සටනේදී තුවාළ ලබා ආබාධිත තත්වයට පත්වූ රණවිරුවන්ගේ පවුල් වල සාමාජිකයින් සඳහා සංවිධානය කෙරුණු වාර්ෂික සුහද හමුවක් දෙසැම්බර් මස 21 වන දින ශ්‍රීලංනානෞ ගැමුණු ආයතනයේදී පැවැත්විණ.

2015 දෙසැම්බර් මස 21 වන දින ඩෙල්ෆ්ට් දූපත්වාසීන් වෙනුවෙන් නාවික හමුදාව නත්තල් කැරොල් උත්සවයක් සංවිධානය කරන ලදී.

තලෙයිමන්නාරමට උතුරු‍ දෙසින් වූ ශ්‍රී ලංකාවට අයත් මුහුදු සීමාවේ ධීවර කටයුතු වල නිරතව සිටි ඉන්දීය ධීවරයින් සිව් දෙනෙකු සහ ට්‍රෝලර් යාත්‍රාවක් නාවික හමුදාවේ සහාය ඇතිව ශ්‍රී ලංකා වෙරළාරක්ෂක දෙපාර්තමේන්තුව විසින් ඊයේ (21) අත්අඩංගුවට ගන්නා ලදී.