උතුරු නාවික විධානයට අයත් කන්කසන්තුරය, ශ්‍රී ලංකා නාවික නෞකා උත්තර ආයතනයට අනුයුක්ත පී 4444 වේග්‍ර ප්‍රහාරක යාත්‍රාව මගින් ඊයේ (21) චුන්ඩිකුලම් ප්‍රදේශයට ඔබ්බෙන් වූ මුහුදු ප්‍රදේශයේදී නීතිවිරෝධී ලෙස අල්ලා ගොඩබිම දෙසට ප්‍රවාහනය කරමින් තිබූ මුහුදු කූඩැල්ලන් 10 ක ප්‍රමාණයක් සමග පුද්ගලයන් 3 දෙනෙකු අත්අඩංගුවට ගැනීමට සමත්විය.

නීති විරෝධී ලෙස ධීවර කටයුතුවල නිරතව සිටි ශ්‍රී ලාංකික ධීවරයින් 6 දෙනෙකු ස්ථාන දෙකකදී අත්අඩංගුවට ගැනීමට ඊයේ (20) නාවික හමුදාව සමත්විය.

2016 අප්‍රේල් මස 18 වන දින සිට ජෙනරාල් සර් ජෝන් කොතලාවල ආරක්ෂක විශ්ව විද්‍යාලයේ ශික්ෂණ රෝහලේ ප්‍රථම ප්‍රධාන විධායක නිලධාරී වශයෙන් වෛද්‍ය රියර් අද්මිරාල් නිකලස් ජයසේකර මහතා, එම්බීබීඑස්, එම්එස්සී, එම්බීඒ, යූඑස්පී, වීඑස්වී, පත් කොට ඇත.

ශ්‍රී ලංකාවේ ඉරාන ආරක්ෂක උපදේශක වශයෙන් නව පත්වීම් ලද ජ්‍යෙෂ්ඨ කර්නල් මුහම්මද් රීසා ශහාලි මහතා අද (19) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

නීති විරෝධී ලෙස මුහුදු මගින් ඕස්ට්‍රේලියාවට යාමට උත්සාහ කළ ශ්‍රී ලාංකිකයින් 9 දෙනෙකු අද (19) උදෑසන 0600 ට පමණ මීගමුවේ සිට නාවික සැතපුම් 30 ක් පමණ බටහිරින් වූ මුහුදු ප්‍රදේශයේදී ශ්‍රී ලංකා නාවික හමුදාවේ වේග ප්‍රහාරක යාත්‍රාවක් වන පී 475 මගින් අත්අඩංගුවට ගන්නා ලදී.

සිව් දින පුහුණු සංචාරයක් සඳහා මෙරටට පැමිණි ඉන්දියානු නාවික හමුදාවේ තීර්, සුජාතා සහ වෙරළාරක්ෂක බළකායේ වරුණ යන නෞකා ත්‍රිත්වයේ උණුසුම් ආගන්තුක සත්කාරය ප්‍රදර්ශණය කරමින්, ඉන්දියානු නාවික නෞකා තීර් හිදී උණුසුම් පිළිගැනීමේ උත්සවයක් ඊයේ (18) සන්ධ්‍යාවේ සංවිධානය කර තිබිණි.

දින 6 ක නිල සංචාරයක් සඳහා පසුගිය 14 වන දින දිවයිනට පැමිණි ඉන්දියානු නාවික හමුදාවේ දකුණු නාවික විධානයට අණදෙන ප්‍රධාන ධජ නිලධාරී, වයිස් අද්මිරාල් ගිරිෂ් ලුත්‍රා මහතා අද (18) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

දෙරටේ නාවික හමුදාවන් අතර සහයෝගීතාවය වර්ධනය කර ගැනීමේ අරමුණින් යුතුව ශ්‍රී ලංකා නාවික හමුදා සහ ඉන්දීය නාවික හමුදා පුහුණුවන නිලධාරීන් අද (16) ශ්‍රී ලංකා නාවික ‍නෞකා ගැමුණු ආයතනයේ ක්‍රීඩා පිටියේදී ක්‍රීඩා තරඟ කීපයක් පවත්වන ලදී.

පසුගිය 15 වන දින පුහුණු සංචාරයක් සඳහා මෙරටට පැමිණි ඉන්දියානු නාවික හමුදාවේ තීර්, සුජාතා සහ වෙරළාරක්ෂක බළකායේ වරුණ යන නෞකාවන්ගෙන් සමන්විත ඉන්දීය පළමු පුහුණු නාවික බලඝණයට අයත් ඉන්දියානු නාවික හමුදාවේ සහ වෙරළාරක්ෂක බළකායේ මෙන්ම ශ්‍රී ලංකා නාවික හමුදාවේ පුහුණු වන නිලධාරීන් විසින් අද (16) ඒකාබද්ධ ක්‍රියාකාරකම් රැසක් ක්‍රියාත්මක කරන ලදී.

දින 6 ක නිල සංචාරයක් සඳහා පසුගිය දින දිවයිනට පැමිණි ඉන්දියානු නාවික හමුදාවේ දකුණු නාවික විධානයට අණදෙන ප්‍රධාන ධජ නිලධාරී, වයිස් අද්මිරාල් ගිරිෂ් ලුත්‍රා මහතා සහ එම මැතිණිය ඊයේ (15) ත්‍රිකුණාමලය නාවික තඨාකංගනයේ සංචාරයක් සඳහා එක්විය.