ලුතිනන් කොමාණ්ඩර් (කිමිදුම්) රසික දිසානායක මහතාගේ මගපෙන්වීම යටතේ ක්‍රියාත්මක වූ නාවික හමුදා කිමිදුම් කණ්ඩායමක් විසින් අද (24) යාපනය නිලාවරෙයි ප්‍රදේශයේ පිහිටි ඉතා ගැඹුරු ලිදක් තුලට වැටී මිය ගිය පුද්ගලයෙකුගේ මල සිරුරක් සොයා ගැනීමට සමත්විය.

උතුරු නාවික විධානයට අයත් කන්කසන්තුරය, ශ්‍රී ලංකා නාවික නෞකා උත්තර ආයතනයට අනුයුක්ත පී 465 සහ පී 437 වේග ප්‍රහාරක යාත්‍රා මගින් ඊයේ (23) චුන්ඩිකුලම් සහ වෙත්තලකේනි අතර මුහුදු ප්‍රදේශයේදී නීතිවිරෝධී ලෙස මුහුදු කූඩැල්ලන් අල්ලමින් සිටි පුද්ගලයන් 30 දෙනෙකු අත්අඩංගුවට ගැනීමට සමත්විය.

2015 අධ්‍යයන පොදු සහතික පත්‍ර සාමාන්‍ය පෙළ විභාගයෙන් දිවයිනේ හත්වැනි ස්ථානයට පත්වූ පානදුර, ශ්‍රී සුමංගල බාලිකා මහා විද්‍යාලයේ ඉගනුම ලබන නාවික හමුදාවේ විශ්‍රාමික පාලක ප්‍රධාන සුළු නිලධාරී අධිකාරම්ගේ ඉන්දික මහතාගේ දියණිය වන තරුෂි අංජලිකා හට ඇයගේ ඉදිරි උසස් අධ්‍යාපන කටයුතු සාර්ථක කර ගැනීම සඳහා නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ උපදෙස් ප්‍රකාරව, නාවික හමුදා සමාජ සුභසාධන අරමුදල මගින් රුපියල් 100,000 ක මුදලක් ඊයේ (22) නාවික හමුදා මූලස්ථානයේ දී ප්‍රදානය කරන ලදී.

ඇමරිකානු නාවික හමුදාවේ ශාන්තිකර සාගරයේ විශේෂ නාවික මෙහෙයුම් විධානයට අණදෙන නිලධාරී රියර් අද්මිරාල් කොලින් කිල්රේන් මහතා අද (22) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

උතුරු නාවික විධානයට අයත් කන්කසන්තුරය, ශ්‍රී ලංකා නාවික නෞකා උත්තර ආයතනයට අනුයුක්ත පී 4444 වේග්‍ර ප්‍රහාරක යාත්‍රාව මගින් ඊයේ (21) චුන්ඩිකුලම් ප්‍රදේශයට ඔබ්බෙන් වූ මුහුදු ප්‍රදේශයේදී නීතිවිරෝධී ලෙස අල්ලා ගොඩබිම දෙසට ප්‍රවාහනය කරමින් තිබූ මුහුදු කූඩැල්ලන් 10 ක ප්‍රමාණයක් සමග පුද්ගලයන් 3 දෙනෙකු අත්අඩංගුවට ගැනීමට සමත්විය.

නීති විරෝධී ලෙස ධීවර කටයුතුවල නිරතව සිටි ශ්‍රී ලාංකික ධීවරයින් 6 දෙනෙකු ස්ථාන දෙකකදී අත්අඩංගුවට ගැනීමට ඊයේ (20) නාවික හමුදාව සමත්විය.

2016 අප්‍රේල් මස 18 වන දින සිට ජෙනරාල් සර් ජෝන් කොතලාවල ආරක්ෂක විශ්ව විද්‍යාලයේ ශික්ෂණ රෝහලේ ප්‍රථම ප්‍රධාන විධායක නිලධාරී වශයෙන් වෛද්‍ය රියර් අද්මිරාල් නිකලස් ජයසේකර මහතා, එම්බීබීඑස්, එම්එස්සී, එම්බීඒ, යූඑස්පී, වීඑස්වී, පත් කොට ඇත.

ශ්‍රී ලංකාවේ ඉරාන ආරක්ෂක උපදේශක වශයෙන් නව පත්වීම් ලද ජ්‍යෙෂ්ඨ කර්නල් මුහම්මද් රීසා ශහාලි මහතා අද (19) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

නීති විරෝධී ලෙස මුහුදු මගින් ඕස්ට්‍රේලියාවට යාමට උත්සාහ කළ ශ්‍රී ලාංකිකයින් 9 දෙනෙකු අද (19) උදෑසන 0600 ට පමණ මීගමුවේ සිට නාවික සැතපුම් 30 ක් පමණ බටහිරින් වූ මුහුදු ප්‍රදේශයේදී ශ්‍රී ලංකා නාවික හමුදාවේ වේග ප්‍රහාරක යාත්‍රාවක් වන පී 475 මගින් අත්අඩංගුවට ගන්නා ලදී.

සිව් දින පුහුණු සංචාරයක් සඳහා මෙරටට පැමිණි ඉන්දියානු නාවික හමුදාවේ තීර්, සුජාතා සහ වෙරළාරක්ෂක බළකායේ වරුණ යන නෞකා ත්‍රිත්වයේ උණුසුම් ආගන්තුක සත්කාරය ප්‍රදර්ශණය කරමින්, ඉන්දියානු නාවික නෞකා තීර් හිදී උණුසුම් පිළිගැනීමේ උත්සවයක් ඊයේ (18) සන්ධ්‍යාවේ සංවිධානය කර තිබිණි.