ගිණිකොන නාවික විධානයට අයත් පානම, ශ්‍රී ලංකා නාවික නෞකා මහානාග ආයතනයට අනුයුක්ත නාවිකයින් පිරිසක් විසින් ඊයේ (3) ඔලුවිල් සහ කල්මුනේ අතර මුහුදු සීමාවේදී කිමිදුම් උපකරණ භාවිතා කරමින් නීති විරෝධී ලෙස ධීවර කටයුතු වල නිරත වූ ලාංකික ධීවරයින් 46 දෙනෙකු අත්අඩංගුවට ගෙන ඇත.

ඩෙල්ෆ් දූපතට බටහිර දෙසින් වූ ශ්‍රී ලංකාවට අයත් මුහුදු සීමාවේ ධීවර කටයුතු වල නිරතව සිටි ඉන්දීය ධීවරයින් 5 දෙනෙකු සහ ට්‍රෝලර් යාත්‍රාවක් නාවික හමුදාවේ සහාය ඇතිව ශ්‍රී ලංකා වෙරළාරක්ෂක දෙපාර්තමේන්තුව විසින් ඊයේ රාත්‍රී (2) අත්අඩංගුවට ගන්නා ලදී.

නැගෙනහිර නාවික විධානයට අයත් කුච්චවේලිහි පිහිටි ශ්‍රී ලංකා නාවික නෞකා වළගම්බා ආයතනයට අනුයුක්ත නාවිකයන් පිරිසක් විසින් ඊයේ (1) කොකිලායි සහ කල්ලරාව අතර මුහුදු ප්‍රදේශයන්හි නීතිවිරෝධී ධීවර කටයුතුවල නිරතව සිටි ලාංකික ධීවරයින් 6 දෙනෙකු අත්අඩංගුවට ගන්නා ලදී.

මුහුදු මාර්ග ඔස්සේ ඉන්දියාවේ සිට මෙරටට ගෙනවිත් නීතිවිරෝධී ලෙස ප්‍රවාහනය කරමින් තිබූ අධික වටිනාකමකින් යුත් රත් හදුන් තොගයක් අත්අඩංගුවට ගැනීම සඳහා ඊයේ (30) වයඹ නාවික විධානයට අයත් කල්පිටියෙහි පිහිටි ශ්‍රී ලංකා නාවික නෞකා විජය ආයතනයට අනුයුක්ත නාවිකයන් පිරිසක්, කල්පිටිය පොලීසියට සහාය වීය.

ශ්‍රී ලංකා නාවික හමුදාවේ 58 වන බදවා ගැනීමට අයත් ශිෂ්‍යභට නිලධාරීන් 34 දෙනෙකුහට පත්වීමේ ලිපි ප්‍රදානය කිරීමේ උත්සවය අද (1) නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ ප්‍රධානත්වයෙන් නාවික හමුදා මූලස්ථාන අද්මිරාල් සෝමතිලක දිසානායක ශ්‍රවණාගාරයේදී පැවැත්විණි.

නැගෙනහිර නාවික විධානයට අයත් සම්පුර් හි පිහිටි ශ්‍රී ලංකා නාවික නෞකා විදුර ආයතනයේ නාවිකයන් පිරිසක් විසින් ඊයේ (30) සම්පුර් ප්‍රදේශයේ නෝර්වේ තුඩුවට ඔබ්බෙන් වූ මුහුදේ නීති විරෝධී ධීවර කටයුතුවල නිරතව සිටි ලාංකික ධීවරයින් 14 දෙනෙකු අත්අඩංගුවට ගන්නා ලදී.

2016 අන්තර් විධාන ක්‍රිකට් ශූරතාවලිය, නාවික හමුදාවේ සියළුම විධාන නියෝජනය කරමින් පිරිමි කණ්ඩායම් 9 ක් හා කාන්තා ක්‍රිකට් කණ්ඩායම් 6 ක ගේ සහභාගීත්වයෙන් ජුනි මස 20 වන දින සිට 26 වන දින දක්වා ත්‍රිකුණාමයෙහි පිහිටි නාවික සාගරික විද්‍යාපිඨ ක්‍රිඩාංගනයේදි පැවැත්විය.

නාවික හමුදා පර්යේෂණ ඒකකය විසින් ප්‍රකාශයට පත් කෙරෙන ‘නාවික ජර්නලය’ (Navy Journal) දෙවන කලාපයේ පළමු පිටපත එහි ප්‍රධාන කතෘ කොමදෝරු ප්‍රියන්ත පෙරේ‍රා මහතා විසින්ද නාවික පුද්ගලයින්ගේ නිර්මාණ වලින් සමන්විත වූ නවතම ‘සයුරුසර’ 29 වන කලාපයේ පළමු පිටපත සඟරාවේ ප්‍රධාන උපදේශක කපිතාන් අක්‍රම් අලවි මහතා හා ප්‍රධාන සංස්කාරක ලුතිනන් කොමාණ්ඩර් රුවන් ප්‍රේමවීර මහතා විසින්ද අද (30) නාවික හමුදා මූලස්ථානයේදී, නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා වෙත පිළිගැන් විය.

නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ උපදෙස් මත ක්‍රියාත්මක වන සමාජ සත්කාර වැඩ සටහන් මාලාවට සමගාමීව නැගෙනහිර නාවික පෙදෙස භාර ආඥාපති රියර් අද්මිරාල් ට්‍රැවිස් සින්නයියා මහතාගේ මගපෙන්විම යටතේ පසුගිය 25 වන දින යුධ හමුදාව හා මධ්‍යම පරිසර අධිකාරිය සමග සම්බන්ධිකරණය වි ත්‍රිකුණාම‍ලයේ පිහිටි කෝණේෂ්වරම් කෝවිල අවට පිරිසිදු කිරිමේ වැඩසටහනක් ක්‍රියාත්මක කරන ලදි .

නැගෙනහිර නාවික විධානයට අයත් නිලාවේලි හි පිහිටි ශ්‍රී ලංකා නාවික නෞකා විඡයබා ආයතනයට අනුයුක්ත නාවිකයන් පිරිසක් විසින් ඊයේ (29) එරක්කන්ඩී මුහුදු ප්‍රදේශයේදී නීතිවිරෝධී දැල් භාවිතා කරමින් ධීවර කටයුතුවල නිරතව සිටි ලාංකික ධීවරයින් 13 දෙනෙකු අත්අඩංගුවට ගන්නා ලදී.