උතුරු මැද නාවික විධානයට අයත් මාන්නාරම, තාල්පාඩුහි පිහිටි ශ්‍රී ලංකා නාවික නෞකා ගජබා ආයතනයට අනුයුක්ත නාවිකයන් පිරිසක් විසින් ඊයේ (26) තාල්පාඩු මුහුදු ප්‍රදේශයේදී තහනම් දැල් භාවිතා කරමින් ධීවර කටයුතුවල නිරතව සිටි ලාංකික ධීවරයින් 2 දෙනෙකු අත්අඩංගුවට ගන්නා ලදී.

උතුරු නාවික විධානයට අයත් කන්කසන්තුරේ හි පිහිටි, ශ්‍රීලංනානෞ උත්තර, කයිට්ස් හි පිහිටි, ශ්‍රීලංනානෞ කන්චදේව සහ මණ්ඩතිව් හි පිහිටි, ශ්‍රීලංනානෞ වේළුසුමන යන ආයතන වලට අනුයුක්ත නාවිකයන් පිරිසක් විසින් ඒකාබද්ධව කරන ලද වැටලීමකදී අද (26) චාවකච්චේරි ප්‍රදේශයේ ස්ථාන දෙකකදී කේරළ ගංජා කිලෝග්‍රෑම් 20 ක් ප්‍රවාහනය කරමින් සිටි පුද්ගලයෙකුද, ඔහු විසින් සඟවා තිබියදී තවත් කේරළ ගංජා කිලෝග්‍රෑම් 10ක් අත්අඩංගුවට ගැනීමට හැකිවිය.

නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතාගේ උපදෙස් පරිදි, නාවික පුද්ගලයින්ගේ පවුල්වල සාමාජිකයන්ගේ ක්‍රීඩා කුසලතා ඉහළ නංවීමේ අරමුණින් ටෙනිස් ක්‍රීඩාව පිළිබඳ තුන්දින පුහුණු වැඩමුළුවක් අගෝස්තු මස 22, 23 සහ 24 යන් දිනයන් හිදී වැලිසර පිහිටි ශ්‍රීලංනානෞ ගැමුණු ආයතනයේ ටෙනිස් ක්‍රීඩා පිටියේදී පවත්වන ලදී.

වයඹ නාවික විධානයට අයත් කල්පිටියහි පිහිටි, ශ්‍රීලංනානෞ විජය ආයතනයට අනුයුක්ත නාවිකයන් පිරිසක් විසින් ධීවරයෙකුගෙන් ලද තොරතුරකට අනුව, කල්පිටිය, කන්දක්කුලිය ප්‍රදේශය ආශ්‍රිත මුහුදු තීරයේදි පාවෙමින් තිබු කේරළ ගංජා කිලෝග්‍රෑම් 25 ක් අද (26) අත්අඩංගුවට ගන්නා ලදී.

ඉන්දීය විදේශිය කටයුතු රාජ්‍ය ඇමති ජෙනරාල් විජේ කුමාර් සිං මහතා, අද (26) උදෑසන, බත්තරමුල්ලේ පිහිටි ඉන්දීය සාම සාධක හමුදා ස්මාරකය වෙත පුෂ්පෝහාර දැක්වීම සඳහා එක්විය.

හෙළයේ මහා සංගීතඥ ආචාර්ය ප්‍රේමසිරි කේමදාස ශූරීන්ගේ “පිරිනිවන් මංගල්‍ය” නම් වූ බෞද්ධ කැන්ටාටාව ඊයේ (25) නෙළුම්පොකුණ ‍රඟහලේදී පැවැත් වූණි.

උතුරු මැද විධානයට අයත් නච්චිකුඩා හි පිහිටි ශ්‍රී ලංකා නාවික නෞකා බුවනෙක ආයතනයට අනුයුක්ත නාවිකයන් පිරිසක් විසින් අද (25) වෙඩිතලතිව් මුහුදු ප්‍රදේශයේදී තහනම් දැල් භාවිතා කරමින් නීතිවිරෝධී ලෙස ධීවර කටයුතුවල නිරතව සිටි ලාංකික ධීවරයින් 2 දෙනෙකු අත්අඩංගුවට ගන්නා ලදී.

නැගෙනහිර නාවික විධානයට අයත් මුලතිව් හි පිහිටි ශ්‍රී ලංකා නාවික නෞකා ගෝඨාභය ආයතනයට අනුයුක්ත නාවිකයන් පිරිසක් විසින් ඊයේ (24) නයාරු මුහුදු ප්‍රදේශයේදී නීතිවිරෝධී ලෙස ධීවර කටයුතුවල නිරතව සිටි ලාංකික ධීවරයින් 8 දෙනෙකු අත්අඩංගුවට ගන්නා ලදී.

වයඹ නාවික විධානයට අයත් කල්පිටිය හි පිහිටි, ශ්‍රී ලංකා නාවික නෞකා විජය ආයතනයට අනුයුක්ත නාවිකයින් පිරිසක් විසින් ඊයේ (23) එරම්බුගොඩැල්ල වෙරළ තීරය අශ්‍රිත ප්‍රදේශයේ දී නීති විරෝධී ලෙස වියළි මුහුදු කූඩැල්ලන් කිලෝග්‍රෑම් 770 ක් ප්‍රවාහනය කරමින් සිටි ශ්‍රී ලාංකික පුද්ගලයින් 2 දෙනෙකු, අත්අඩංගුවට ගන්නා ලදී.

නිලාවේලි පිහිටි, ශ්‍රී ලංකා නාවික නෞකා විජයබා ආයතනයට සහ ශ්‍රී ලංකා වෙරළාරක්ෂක බළකායට අයත් නාවිකයින් විසින් ඊයේ (23) ගෝපාල්පුරම් ප්‍රදේශයට ඔබ්බෙන් වූ මුහුදු සීමාවේදී දියේ ගිලෙමින් සිටි පුද්ගලයන් 3 දෙනෙකුගේ දිවි බේරා ගැනීමට සමත් විය.