අතිගරු ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් යාපනය, දොරේඅප්පා ක්‍රීඩාංගනයේ අද (9) පැවැත්වූ “මතින් නිදහස් රටක්” යන තේමාව පෙරදැරිකර ගත් වැඩසටහන සඳහා නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා සහ උතුරු නාවික විධානය භාර ආඥාපති, රියර් අද්මිරාල් පියල් ද සිල්වා මහතා ද සහභාගී විය.

දකුණු නාවික විධානයට අයත් ගාල්ල, ශ්‍රී ලංකා නාවික නෞකා දක්ෂිණ ආයතනයේ බුද්ධි අංශය වෙත ලැබුනු තොරතුරකට අනුව ක්‍රියාත්මක වූ නාවික හමුදාව ගාල්ල පොලීසිය සමග සම්බන්ධීකරණය වී ගාල්ල ප්‍රදීපාගාරය අසළ පවත්වාගෙන ගිය ව්‍යාජ ලිපි ලේඛණ සකස් කිරීමේ ස්ථානයක් වටලන ලදී.

උතුරු නාවික විධානයට අයත් නාවික ස්ථානගතකිරීම් වෙත්තලකේනි කදවුරට අනුයුක්ත නාවිකයන් පිරිසක් විසින් ඊයේ (6) නීති විරෝධී ලෙස මුහුදු කූඩැල්ලන් ඇල්ලූ ලාංකික ධීවරයින් 5 දෙනෙකු අත්අඩංගුවට ගන්නා ලදී.

පාකිස්තානු ජාතික ආරක්ෂක විශ්වවිද්‍යාලයේ ආඥාපති, ලුතිනන් ජෙනරාල් නසීර් අහමඩ් බට් මහතා අද (7) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

වකුගඩු රෝග වළකාලීම සඳහා නාවික හමුදාව මගින් සිවිල් ජනතාව වෙනුවෙන් සිදු ‍කරගෙන යනු ලබන ප්‍රජා සත්කාරක සේවාවේ තවත් එක් ව්‍යාපෘතියක් වශයෙන් වැලිඔය, සම්පත්නුවර ප්‍රදේශයේ ජනතාවගේ ප්‍රයෝජනය සඳහා සම්පත්නුවර මහා විද්‍යාලයේ ස්ථාපනය කරන ලද ප්‍රති ආශ්‍රැත ජල පිරිපහදු යන්ත්‍රය (RO Plant) විවෘත කිරීමේ උත්සවය අද (6) එම විද්‍යාල භූමියේදී උත්කර්ෂවත් අයුරින් පැවැත්විණි.

ත්‍රිකුණාමලය, නාවික තඨාකංගනය තුළ නෞකා යාබදව ගැටගසා තැබීම සඳහා පවතින පහසුකම් තව දුරටත් පුළුල් කරමින් එහි අභිනවයෙන් ඉදිකරන ලද ජැටිය විවෘත කිරීම පසුගිය 4 වන දින නැගෙනහිර නාවික විධානය භාර ආඥාපති, රියර් අද්මිරාල් ට්‍රැවිස් සින්නයියා මහතා අතින් සිදු කෙරිණි.

2015 වර්ෂයේ අ.පො.ස උසස් පෙළ විභාගය විශිෂ්ඨ ලෙස සමත් වී ඉංජිනේරු උපාධිය හැදෑරීම සඳහා සුදුසුකම් ලද එච්පීඑම් ප්‍රභාත් සිසුවා වෙත නවීනතම ලැප්ටොප් පරිගණකයක් සහ මුද්‍රණ යන්ත්‍රයක් පිරිනැමීම අද (6) නාවික හමුදා මූලස්ථානයේදී නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතා අතින් සිදු කෙරුණි.

තහනම් දැල් භාවිතා කරමින් නීති විරෝධී ලෙස ධීවර කටයුතුවල නිරත වූ ලාංකික ධීවරයින් 3 දෙනෙකු ස්ථාන දෙකකදී අත්ඩඅංගුවට ගැනීමට නාවික හමුදාව ඊයේ (5) සමත් විය.

නාවික හමුදාව වෙත ලැබුණු තොරතුරකට අනුව වයඹ නාවික විධානයට අයත් පුත්තලමෙහි පිහිටි ශ්‍රී ලංකා නාවික නෞකා තම්බපන්නි ආයතනයේ බුද්ධි අංශයට අනුයුක්ත නාවික පුද්ගලයන් පිරිසක් විසින් ඊයේ (4) පින්කට්ටිය ප්‍රදේශයේදී නීතිවිරෝධී මත්පැන් පෙරීම සඳහා යොදා ගන්නා ලද ද්‍රව්‍ය හා උපකරණ තොගයක් අත්අඩංගුවට ගන්නා ලදී.

නාවික බුද්ධි අංශය වෙත ලද තොරතුරකට අනුව, උතුරු මැද නාවික විධානයට අයත් මන්නාරම හි පිහිටි, ශ්‍රීලංනානෞ ගජබා ආයතනයට අනුයුක්ත නාවිකයන් පිරිසක් විසින් සිදු කළ වැටලීමකදී අද (3) සවස පල්ලිමුනේ ප්‍රදේශයේදී හෙරොයින් කිලෝග්‍රෑම් 2.24 ක් ප්‍රවාහනය කරමින් සිටි ඉන්දීය ජාතිකයෙකු සහ එයට සම්බන්ධ ලාංකිකයන් 5 දෙනෙකු අත්අඩංගුවට ගැනීමට හැකිවිය.