ඉන්දියානු වෙරළාරක්ෂක බළකායට අයත් සමුද්‍ර පෙහෙරිදාර් නෞකාව අද (10) සුහද සහ පුහුණු සංචාරයක් සඳහා කොළඹ වරායට සේන්දු විය.

පසුගිය 7 වන දින සුහද සංචාරයක් සඳහා මෙරටට පැමිණි ජපන් සාගරික ස්වයං ආරක්ෂක බළකායට අයත් නෞකා තුනෙහි ජ්‍යෙෂ්ඨ නිලධාරීන් අද (10) නාවික හමුදා මූලස්ථානයේදී නාවික හමුදාධිපති, වයිස් අද්මිරාල් රවීන්ද්‍ර වි‍ජේගුණරත්න මහතා හමුවිය.

වයඹ නාවික විධානයට අයත් සිලාවතුර හි පිහිටි ශ්‍රී ලංකා නාවික නෞකා ‍ථේරපුත්ත ආයතනයට ලැබුණු බුද්ධි තොරතුරක් මත ක්‍රියාත්මක වූ නාවිකයන් පිරිසක් ඊයේ (9) සිලාවතුර පොලීසිය සමග සිදු කළ සෝදිසියකදී පාලක්කූලි ප්‍රදේශයේ කේරළ ගංජා පැකට් 13 ක් සමග පුද්ගලයන් දෙදෙනෙකු අත්අඩංගුවට ගැනීමට සමත් විය.

උතුරුමැද නාවික විධානයට අයත් මන්නාරමෙහි පිහිටි ශ්‍රී ලංකා නාවික නෞකා ගජබා ආයතනයට අනුයුක්ත නාවිකයන් පිරිසක් විසින් පසුගිය 8 වන දින සවුත්බාර් ප්‍රදේශයට ඔබ්බෙන් වූ මුහුදු ප්‍රදේශයේදී තහනම් දැල් භාවිතා කරමින් නීති විරෝධී ලෙස ධීවර කටයුතුවල නිරත වූ ලාංකික ධීවරයෙකු අත්අඩංගුවට ගන්නා ලදී.

දින 5 ක සුහද සංචාරයක් සඳහා මෙරටට පැමිණි ජපාන නාවික හමුදාවේ “කෂීමා”, “සෙටොයුකි” සහ “අසගිරි” නෞකාවන්හි ආගන්තුක සත්කාර පිළිබිඹු කරමින්, අද (9) දහවල් උණුසුම් පිළිගැනීමේ උත්සවයක් ‘කෂීමා’ නෞකාවේදී සංවිධානය කර තිබිණි.

උතුරු හා නැගෙනහිර පළාත් වල අඩු පහසුකම් යටතේ පාපන්දු ක්‍රීඩාවේ නිරත වන පාසැල් දරුවන් වෙනුවෙන් පාපන්දු පුහුණු වැඩසටහන් රාශියක්, නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ උපදෙස් මත සිදු කරමින් පවතී.

2016 ඔක්තෝබර් මස 7 සහ 8 යන දෙදින වැලිසර නාවික හමුදා රග්බි පිටියේ පැවති අන්තර් විධාන රග්බි තරඟාවලියේ අවසන් මහා තරඟයේ ප්‍රධාන ආරාධිත අමුත්තා වශයෙන් නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතා සහභාගී විය.

නැ‍ගෙනහිර නාවික විධානයට අයත්, ත්‍රිකුණාමලය හි පිහිටි 4 වන වේග ප්‍රහාරක මුර යාත්‍රා බලඝණයට අනුයුක්ත යාත්‍රාවල රාජකාරීයේ නියුතු නිලධාරීන් සහ නාවිකයන් පිරිසක් විසින් ඊයේ (8) ඉලන්තන්ටුනු ප්‍රදේශයට ඔබ්බෙන් වූ මුහුදු ප්‍රදේශයේදී නීති විරෝධී ධීවර කටුයුතුවල නිරතව සිටි ලාංකික ධීවරයින් 14 දෙනෙකු අත්අඩංගුවට ගන්නා ලදී.

නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ උපදෙස් මත සිවිල් ජනතාව වෙනුවෙන් සිදු කෙරෙන නාවික හමුදා ප්‍රජා සත්කාරක සේවාවන්හි තවත් එක් ව්‍යාපෘතියක් වශයෙන් මහියංගනය දිවුලපැලැස්ස මහා විද්‍යාලයේ ස්ථාපිත කරන ලද ප්‍රති ආස්‍රැත ජල පිරිපහදු යන්ත්‍රය සිසු අයිතියට පත් කෙරුණි.

වැලිසර පිහිටි ශ්‍රී ලංකා නාවික නෞකා ගැමුණු ආයතනයට ලැබුණු බුද්ධි තොරතුමක් මත ක්‍රියාත්මක වූ නාවිකයන් පිරිසක් ඊයේ (7) මහබාගේ පොලීසිය හා එක්ව සිදු කළ සෝදිසියකදී හැදල ඉන්ධන පිරවුම්හල ආසන්නයේ ප්‍රවාහනය කිරීමට සූදානම් කර තිබූ වේදනා නාශක ඖෂධ පෙති 300 ක් සමග පුද්ගලයෙකු අත්අඩංගුවට ගැනීමට සමත් විය.