හබරාදූව පොලිස් ස්ථානයෙන් ලද තොරතුරකට අනුව, උණවටුන ප්‍රදේශයේ වැඩිහිටි නේවාසිකාගාරයක් ආසන්නයේ කන්දක් අසල සිට මුහුදට වැටී ගල් දෙබොක්කාවක සිරවී තිබූ වැඩිහිටි පුද්ගලයෙකුගේ මෘත දේහයක් ගොඩ ගැනීමට දකුණු නාවික විධානයට අනුයුක්ත කිමිදුම් අංශයේ නාවිකයන් පිරිසක් අද (18) සමත් විය.

නැගෙනහිර නාවික විධානයට අනුයුක්ත නාවිකයන් පිරිසක් විසින් ඊයේ (ජුනි 17) තහනම් දැල් භාවිතා කරමින් නීති විරෝධී ලෙස ධීවර කටයුතුවල නිරත වූ ලාංකික ධීවරයින් 38 දෙනෙකු නෝර්වේ දූපත අසල මුහුදු ප්‍රදේශයේදී සහ සාම්පූර් මුහුදු සීමාවේ දී අත්අඩංගුවට ගන්නා ලදී.

උතුරු නාවික විධානයට අයත් වේග ප්‍රහාරක යාත්‍රාවකට අනුයුක්ත නාවිකයින් පිරිසක් විසින් අද (18) උදෑසන කච්චතිව් දූපතට උතුරින් වූ මුහුදු ප්‍රදේශයේ නීති විරෝධී ලෙස ධීවර කටයුතුවල නිරත වූ ඉන්දීය ධීවරයින් 5 දෙනෙකු සහ ඔවුන්ට අයත් ට්‍රෝලර් යාත්‍රාවක් අත්අඩංගුවට ගන්නා ලදී.

පසුගිය ජූනි 14 දින ශ්‍රී ලංකාවට සේන්දු වූ රුසියානු නාවික හමුදාවට අයත් ‘නඩේස්ඩා’ යන නෞකාව අද (ජුනි 17) දින කොළඹ වරායෙන් පිටත්ව යන ලදි.

නැගෙනහිර නාවික විධානයට අනුයුක්ත නාවිකයන් පිරිසක් විසින් ඊයේ (ජූනි 16), ත්‍රිකුණාමලයේ නොර්වේ දූපත හා පරවි දූපතට ඔබ්බෙන් වූ නිලාවේලි මුහුදු ප්‍රදේශයේ දී තහනම් දැල් යොදා ගනිමින් නීති විරෝධී ධීවර කටයුතුවල නිරතව සිටි ධීවරයින් 15 දෙනෙකු අත්අඩංගුවට ගන්නා ලදී.

ඇමෙරිකානු නාවික හමුදාවට අයත් ‘ලේක් ඊරි’ යුද නෞකාව පසුගිය ජූනි 11 වන දින කොළඹ වරායට සේන්දු වූ අතර එහි කාර්ය මණ්ඩලය පශ්චාත් සහන සැලසීමේ මෙහෙයුම් සඳහා දායක විය.

පසුගිය දිනවල ඇති වූ ගංවතුර තත්ත්වය හමුවේ විනාශ වූ රත්නපුර, අයගම ප්‍රදේශයේ මැද ගලතුර ග්‍රාම නිලධාරි වසමේ පිහිටි කවිට්ටිගොඩ, වැලමීරිය සංගිලි පාලම ප්‍රතිසංස්කරණය කර, අද (ජූනි 16) උත්සවාකාරයෙන් ජනතා අයිතියට පත් කරන ලදි.

එක්සත් ජනපද නාවික හමුදාවට අයත් ලේක් ඊරි යුද නෞකාවෙන් පැමිණි නාවික පුද්ගලයින් සහ ශ්‍රී ලංකා නාවික හමුදාවේ මැරීන් නාවිකයින් සමග එක්ව බස්නාහිර හා දකුණු පළාත් වල ආපදාවට ලක් වූ ජනතාව වෙනුවෙන් මානුෂීය උපකාර කටයුතු වල නිරත වෙමින් සිටි.

නාවික හමුදා බුද්ධි අංශය වෙත ලද තොරතුරකට අනුව, බටහිර නාවික විධානයට අනුයුක්ත නාවිකයන් පිරිසක් සහ පෑළියගොඩ පොලීසිය එක්ව සිදු කළ වැටලීමකදී ඊයේ (15) රාගම, පේරලන්ද ප්‍රදේශයේදී වේදනා නාශක ඖෂධ පෙති 1000 ක් සමග පුද්ගලයෙකු අත්අඩංගුවට ගන්නා ලදි.

නාවික හමුදාවට ලද බුද්ධි තොරතුරකට අනුව වයඹ නාවික විධානයට අනුයුක්ත නාවික පිරිසක් සහ මන්නාරම දිසා මත්ද්‍රව්‍ය නාශක කාර්යාලයේ සහය ඇතිව සිලාවතුර, කරදක්කුලිය, මරිච්චිකට්ටි වෙරළ තීරයේ සිදු කරන ලද වැටලීමකදී කේරළ ගංජා කිලෝග්‍රෑම් 142 ක් සමඟ පුද්ගලයෙකු අද (ජූනි 16) උදෑසන අත්අඩංගුවට ගන්නා ලදී.