ප්‍රංශ නාවික හමුදාවට අයත් ‘මිස්ට්‍රල්’ සහ ‘කෝබට්’ යන නෞකාවන් අද (20) සුහද සංචාරයක් සඳහා ‍කොළඹ වරායට සේන්දු විය.

සුහද සංචාරයක් සඳහා අද (20) ‍කොළඹ වරායට සේන්දු වූ ප්‍රංශ නාවික හමුදාවට අයත් ‘මිස්ට්‍රල්’ සහ ‘කෝබට්’ යන නෞකාවන්ගේ අණදෙන නිලධාරීන් වන කපිතාන් ස්ටැනිස්ලස් ඩි චාගර්ස් මහතා සහ කොමාණ්ඩර් ක්සේවියර් බාගොට් මහතා බටහිර නාවික විධාන මූලස්ථානයේදී විධාන ආඥාපති, රියර් අද්මිරාල් නිරාජ ආටිගල මහතා හමුවිය.

ශ්‍රී ලංකා නාවික හමුදා රාජකාරි‍යේ නිරතව සිටියදී හදිසි අනතුරකින් වියෝ වූ බලනැවි ආර්එම්ඒ ප්‍රදීප් යන නාවිකයා වෙනුවෙන් ˝නැවිරු සවිය˝ නාවික සුවසහන රක්ෂණ අරමුදල මගින් රුපියල් මිලියනයක රක්ෂණ වන්දි මුදලක් ප්‍රදානය කරන ලදී.

නාවික හමුදාව විසින් ක්‍රියාත්මක කරගෙන යනු ලබන ප්‍රජා සත්කාරක හා සමාජ සේවාවන්හි තවත් එක් පියවරක් වශයෙන් පසුගිය 18 වන දින යාපනය අර්ධද්වීපයේ, අනලතිව් ප්‍රජා ශාලාවේදී ක්ෂේත්‍ර වෛද්‍ය සායනයක් පවත්වන ලදී.

නැගෙනහිර නාවික විධානයට අනුයුක්ත නාවිකයින් පිරිසක් විසින් ඊයේ (19) ත්‍රිකුණාමලය නෝර්වේ දූපතට ඔබ්බෙන් වූ මුහුදු සීමාවේදී තහනම් දැල් භාවිතා කරමින් නීති විරෝධී ලෙස ධීවර කටයුතුවල නිරත පුද්ගලයින් 7 දෙනෙකු අත්අඩංගුවට ගෙන ඇත.

නාවික හමුදාවට ලද බුද්ධි තොරතුරක් මත ක්‍රියාත්මක වූ බටහිර නාවික විධානයට අනුයුක්ත නාවිකයන් පිරිසක් සහ පෑලියගොඩ පොලීසියේ නිලධාරීන් පිරිසක් එක්ව අද (19) සිදු කළ වැටලීමකදී කොළඹ ඉගුරුකඩේ මංසන්දියේදී අන්තරාදායක මත්ද්‍රව්‍යයක් වන හෂීෂ් මත්කුඩු කිලෝග්‍රෑම් 3 ක් සමග පුද්ගලයන් දෙදෙනෙකු (2) අත්අඩංගුවට ගෙන ඇත.

පසුගිය 11 වන දින පශ්චාත් සහන සැලසීමේ ‍මෙහෙයුම් සඳහා මෙරටට පැමිණි ඇමරිකානු නාවික හමුදාවට අයත් ‘ලේක් ඊරි’ යුද නෞකාව අද (ජුනි 19) සිය සංචාරය සාර්ථක ලෙස නිමා කරමින් කොළඹ වරායෙන් පිටත් විය.

නාවික හමුදාවට ලැබුණු බුද්ධි තොරතුරක් මත ක්‍රියාත්මක වූ උතුරු නාවික විධානයට අනුයුක්ත නාවිකයන් පිරිසක් විසින් ඊයේ (18) පුන්ගුඩුතිව් ප්‍රදේශයේ තිබී ඉන්දියානු දුම්කොළ නිෂ්පාදන තොගයක් සොයා ගෙන ඇත.

ඩයලොග් අන්තර් සමාජ සත් සාමාජික රග්බි තරඟාවලියේ 2017 දෙවන අධියරේ තරඟ ඊයේ (17) සහ අද (18) යන දෙදින වැලිසර ශ්‍රී ලංකා නාවික හමුදා ක්‍රීඩා පිටියේදී පැවැත්වූ අතර, එහි ශූරතාවය දිනා ගැනීමට නාවික හමුදාව සමත් විය.

නාවික හමුදාවට ලද බුද්ධි තොරතුරක් මත ක්‍රියාත්මක වූ වයඹ නාවික විධානයට අනුයුක්ත නාවිකයන් පිරිසක් විසින් ඊයේ (17) කල්පිටිය, ඉප්පන්තිව් සහ සින්න අරිච්චාල් අතර මුහුදු ප්‍රදේශයේදී නීති විරෝධී ලෙස ඩිංගි යාත්‍රාවක් මගින් ඉන්දියාවේ සිට මෙරටට රැගෙන එමින් තිබූ ජීවී තාරකා ඉබ්බන් 2089 ක් සමග සැකකරුවන් දෙදෙනෙකු (2) අත්අඩංගුවට ගෙන ඇත.