ආරක්ෂක මාණ්ඩලික ප්‍රධානී, ජෙනරාල් ක්‍රිෂාන්ත ද සිල්වා මහතා අද ( 2017 අගෝස්තු, 17) නාවික හමුදා මූලස්ථානයේදී නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතා හමුවිය.

නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතාගේ සංකල්පයකට අනුව ස්ථාපිත කරන ලද නාවික සැලසුම්කරණ අධ්‍යක්ෂ කාර්යාංශයේ කාර්යාලය සංකිර්ණය ඉදිකිරීම සඳහා ‍මුල්ගල තැබිම ඊයේ (2017 අගෝස්තු 16) වැලිසර නාවික හමුදා පරිශ්‍රයේදී අධ්‍යක්ෂ ජෙනරාල් ඉංජිනේරු, කොමදෝරු රවින්ද්‍ර රණසිංහ මහතා අතින් සිදුවිය.

නුවරඑළිය, ග්‍රෙගරි වැ‍වේහි ජේට් ස්කයි (Jet Ski) බෝට්ටුවක්පදවමින් සිටියදි අනතුරට පත් කාන්තාවන් දෙදෙනෙකු දියේ ගිලෙමින් සිටියදි නාවික හමුදාවේ ක්ෂණික ක්‍රියාකාරි යාත්‍රා බලඝණයට අයත් නාවිකයින් පිරිසක් විසින් අද (2017 අගෝස්තු 17) සවස බේරා ගැනීමට සමත් වී ඇත.

උතුරු නාවික විධානයට අයත් වේග ප්‍රහාරක යාත්‍රාවට අනුයුක්ත නාවිකයන් පිරිසක් විසින් අද (අගෝස්තු 16) පේදුරුතුඩුව ප්‍රදීපාගාරයට නාවික සැතපුම් 7.5 ක් පමණ උතුරින් වූ මුහුදු ප්‍රදේශයේ නීති විරෝධී ලෙස මුහුදු කූඩැල්ලන් ඇල්ලූ ලාංකික ධීවරයින් 3 දෙනෙකු සහ ඔවුන්ට අයත් ඩිංගි යාත්‍රාවක් අත්අඩංගුවට ගන්නා ලදී.

නැගෙනහිර නාවික විධානයට අනුයුක්ත නාවිකයින් පිරිසක් විසින් අද (2017 අගෝස්තු 16) මුතුර්, පුන්නයාඩි මුහුදු ප්‍රදේශයේ තහනම් දැල් භාවිතා කරමින් නීති වි‍රෝධී ලෙස ධීවර කටයුතුවල නිරත වු පුද්ගලයින් 04 දෙනෙකු අත්අඩංගුවට ගෙන ඇත.

රී ලංකාවේ සංචාරයක නිරත වන බංගලාදේශ ජාතික ආරක්ෂක විශ්වවිද්‍යාලයේ නියෝජිත මේජර් ජෙනරාල් එස්එම් ෂෆියුඩ්දින් අහමඩ් මහතා ඇතුළු දුත පිරිසක් අද (2017 අගොස්තු 15) නාවික හමුදා මූලස්ථානයේදී නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතා හමු විය.

උතුරු නාවික විධානයට අයත් වෙරළබඩ යාත්‍රාවන්ට අනුයුක්ත නාවිකයින් සහ වෙරළාරක්ෂක බළකායට අනුයුක්ත භට පිරිසක් එක්ව සිදු කළ මෙහෙයුමකදී පේදුරුතුඩුව, ඊශාන දිග මුහුදු ප්‍රදේශයේ මත්ස්‍ය අභිජනන ස්ථානවලට හානි කරමින් නීති විරෝධි ලෙස මසුන් ඇල්ලීමේ යෙදි සිටි පුද්ගලයින් 09 දෙනෙකු ඩිංගි යාත්‍රා 04 ක් සමඟ අද (2017 අගෝස්තු 15) අත්ඩංගුවට ගන්නා ලදී.

නැගෙනහිර නාවික විධානයට අයත් ක්ෂණීක ක්‍රියාකාරි යාත්‍රා බලඝණයට අනුයුක්ත නාවිකයන් පිරිසක් විසින් අද (2017 අගෝස්තු 15) කෝකිලායි සහ කොක්කුතුඩුවායි ප්‍රදේශයට ඔබ්බෙන් වූ මුහුදු සීමාවේ නීති විරෝධී ලෙස ධීවර කටයුතුවල නිරත වූ පුද්ගල‍යින් 13 දෙනෙකු අත්අඩංගුවට ගෙන ඇත.

ශ්‍රී ලංකා නාවික හමුදා සංගමය විසින් දියත් කරනු ලබන පොපි මල් සැමරුමේ ආරම්භය සනිටුහන් කරමින් එහි පළමු පොපි මල නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතා වෙත අද (2017 අගෝස්තු 15) ප්‍රදානය කරන ලදී.

නාවික හමුදාවට ලද බුද්ධි තොරතුරක් මත හලාවත ප්‍රදේශයේ ස්ථාපිත කර ඇති වෙරළාරක්ෂක දෙපාර්තමේන්තුවට අනුයුක්ත භට පිරිසක් සහ වෙන්නප්පුව පොලිසියට අනුයුක්ත නිලධාරින් පිරිසක් විසින් ඊයේ (2017 අගෝස්තු 15) සිදු කළ සෝදිසි කිරීමකදී උල්හිටියාව ප්‍රදේශයේදි කැස්බෑ මස් කිලෝග්‍රෑම් 10 ක් සමග පුද්ගලයෙකු අත්අඩංගුවට ගන්නා ලදී.