සුහද සංචාරයක් සඳහා අද (අගෝස්තු 21) හම්බන්තොට වරායට සේන්දු වූ ජපාන ස්වයං ආරක්ෂක සාගරික බළකායට අයත් ‘අමගිරි’ නෞකාවේ ජ්‍යෙෂ්ඨ නිලධාරීන් දකුණු නාවික විධාන මූලස්ථානයේදී විධාන ආඥාපති, රියර් අද්මිරාල් නිශාන්ත උළුගේතැන්න මහතා හමුවිය.

ඇ‍මරිකා එක්සත් ජනපද පැසිෆික් විධානය විසින් සංවිධානය කරනු ලබන ප්‍රධාන පෙලේ බහු පාර්ශ්වීය ආරක්ෂක සහයෝගිතා වැඩසටහනක් වන මාරාන්තික නොවන ආයුධ පිළිබඳ විධායක සම්මන්ත්‍රණය (NOLES) 2017 සහ ක්ෂේත්‍ර පුහුණු අභ්‍යාසය වැලිසර පිහිටි ශ්‍රී ලංකා නාවික නෞකා ගැමුණු ආයතනයේදී අද (අගෝස්තු 21) ආරම්භ විය.

ජපාන ස්වයං ආරක්ෂක සාගරික බළකායට අයත් ‘අමගිරි’ නෞකාව සුහද සංචාරයක් සඳහා අද (අගෝස්තු 21) හම්බන්තොට වරායට සේන්දු විය.

අපි වෙනුවෙන් අපි රණවිරු නිවාස ව්‍යාපෘතිය යටතේ ඉදි කරන ලද තවත් නව නිවසක් අද (අගෝස්තු 20) නාවික හමුදා මාණ්ඩලික ප්‍රධානී, රියර් අද්මිරාල් සිරිමෙවන් රණසිංහ මහතා අතින් ප්‍රධාන සුළු නිලධාරී ඩීකේජීඑස් විජේසිරි වෙත ප්‍රදානය කෙරිණි.

දකුණු නාවික විධානයට අනුයුක්ත ශ්‍රී ලංකා නාවික ‍නෞකා ජයසාගර නෞකාවේ රාජකාරී නියුතු නාවිකයන් පිරිසක් විසින් අද (අගෝස්තු 20) බහුදින ධීවර යාත්‍රාවක සිටි අසාධ්‍ය රෝගියෙකු කඩිනම් වෛද්‍ය ප්‍රථිකාර සඳහා ගොඩබිමට රැගෙන ඒමට සමත් විය.

අතිගරු ජනාධිපති හා ත්‍රිවිධ හමුදා සේනාධිනායක මෛත්‍රිපාල සිරිසේන මැතිතුමා විසින් නව ආරක්ෂක මාණ්ඩලික ප්‍රධානී ලෙස වයිස් අද්මිරාල් රවීන්ද්‍ර විජේගුණරත්න මහතා පත් කර ඇත.

හම්බන්තොට වරාය පරිශ්‍රයේ ස්ථාපිත කර ඇති නාවික හමුදා අනුඛණ්ඩයේ අභිනවයෙන් ඉදි කරන ලද පරිපාලන ගොඩනැගිල්ල අද (2017 අගෝස්තු 19) නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතා අතින් විවෘත කෙරිණි.

රියර් අද්මිරාල් ට‍්‍රැවිස් සින්නයියා මහතා ශ්‍රී ලංකා නාවික හමුදාවේ 21 වන නාවික හමුදාපතිවරයා ලෙස අති ගරු ජනාධිපති මෛත‍්‍රීපාල සිරිසේන මැතිතුමා විසින් අද (2017 අගෝස්තු 18) පත් කරන ලදී.

නාවික හමුදා පර්යේෂණ ඒකකය විසින් ප්‍රකාශයට පත් කෙරෙන ‘නාවික ජර්නලය’ (Navy Journal) සිව්වන කලාපයේ පළමු පිටපත එහි ප්‍රධාන කතෘ කොමදෝරු රෝහිත පෙරේ‍රා මහතා විසින් අද (2017 අගෝස්තු 18) නාවික හමුදා මූලස්ථානයේදී, නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතා වෙත පිළිගැන් විය.

ශ්‍රී ලංකා නාවික හමුදාව විසින් සංවිධානය කරනු ලබන නාවික හමුදා කථික තරඟාවලිය 2017 අද ( 2017 අගෝස්තු 18) නාවික හමුදා මුලස්ථානයේ අද්මිරාල් සෝමතිලක දිසානායක ශ්‍රවණාගාරයේදී පැවැත්විණි.