ප්‍රංශ නාවික හමුදාවට අයත් ‘ඔවේන්’ නෞකාව අද (දෙසැම්බර් 03) සුහද සංචාරයක් සඳහා කොළඹ වරායට සේන්දු විය.

ශ්‍රී ලංකා නිත්‍ය නාවික හමුදාවේ 230 වන බඳවා ගැනීමට අයත් නාවිකයන් 383 දෙනෙකු සිය මුලික පුහුණුව නිමකොට ඊයේ (දෙසැම්බර් 02) විසිර යන ලදී.

පසුගිය දින කිහිපය තුළ ශ්‍රී ලංකාවට බලපෑ අයහපත් කාලගුණික තත්ත්වය හේතුවෙන් දිවයිනේ ප්‍රදේශ ගණනාවක සාමාන්‍ය ජන ජීවිතය අඩාල විය.

පසුගිය දින කිහිපය තුළ දිවයිනට බළපා තිබූ අයහපත් කාලගුණික තත්ත්වය හේතුවෙන් කළුතර, පන්විල ප්‍රදේශයේ මාර්ගයන් හා විදුලි රැහැන් මතට වෘක්ෂ කඩා වැටී විදුලි බලය විසන්ධි වී තිබූ අතර, ඒ හේතුවෙන් එම ප්‍රදේශයේ ජනතාවගේ දෛනික කටයුතු අඩාල වී තිබිණි.

නිල්වලා ගඟ හරහා තාවකාලිකව ඉදි කර තිබූ වැලි බාධකය ඉවත් කර ජලය බැස යාම වේගවත් කිරීමේ කටයුතු සඳහා නාවික කිමිදුම් කණ්ඩායමක් අද (දෙසැම්බර් 02) උදෑසන නාදුගල බණ්ඩත්තර පාලම වෙත අනුයුක්ත කරන ලදී.

අයහපත් කාලගුණික තත්ත්වය හේතුවෙන් විපතට පත්ව අතුරුදන්ව සිටි ධීවරයින් දෙදෙනෙකුගේ මෘත දේහ ගොඩබිම වෙත රැගෙන ඒමට නාවික හමුදාව ඊයේ (දෙසැම්බර් 01) කටයුතු කරන ලදී.

උතුරු නාවික විධානයට අයත් වේග ප්‍රහාරක යාත්‍රාවන් මඟින් ඊයේ (දෙසැම්බර් 01) රාත්‍රී කෝවිලන් තුඩුවට සහ පේදුරු තුඩුව උතුරු දෙසින් වු ශ්‍රී ලංකාවට අයත් මුහුදු ප්‍රදේශයන් හිදී නීති විරෝධී ලෙස ධීවර කටයුතුවල නිරත වූ ඉන්දීය ධීවරයින් 20 දෙනෙකු සහ ඔවුන්ට අයත් ට්‍රෝලර් යාත්‍රා 2 ක් අත්අඩංගුවට ගෙන ඇත.

මේ දින වල ශ්‍රී ලංකාවට බලපා ඇති අයහපත් කාළගුණික තත්ත්වයෙන් විපතට පත් ජනතාව ඉන් මුදවා ගැනීම සඳහා නාවික හමුදාව කටයුතු කරමින් සිටී.

නාවික හමුදාවට ලද බුද්ධි තොරතුරක් මත වයඹ නාවික විධානයට අනුයුක්ත නාවිකයන් පිරිසක් සහ ආරච්චිකට්ටුව පොලිස් නිලධාරීන් පිරිසක් එක්ව ඊයේ (නොවැම්බර් 30) නීති විරෝධී ලෙස මුහුදු මඟින් මෙරටින් පිට වීමට උත්සාහ දැරූ පුද්ගලයින් 32 දෙදෙනෙකු සහ ට්‍රෝලර් යාත්‍රාවක් අත්අඩංගුවට ගන්නා ලදී.

ශ්‍රී ලංකාවේ පාකිස්තානු මහකොමසාරිස් මේජර් ජනරාල් (විශ්‍රාමික) ආචාර්ය ශහීඩ් අහමඩ් හෂ්මට් මහතා අද (නොවැම්බර් 30) නාවික හමුදා මූලස්ථානයේදී නාවික හමුදාධිපති, වයිස් අද්මිරාල් සිරිමෙවන් රණසිංහ මහතා හමුවිය.