උතුරු නාවික විධානයට අයත් වේග ප්‍රහාරක යාත්‍රාවකට අනුයුක්ත නාවික පුද්ගලයින් පිරිසක් විසින් අද (මැයි 05) අළුයම සිදු කළ මුර සංචාරයක් අතරතුරදී සැක කටයුතු ලෙස උතුරු මුහුදේ යාත්‍රා කරමින් තිබූ ඩිංගි යාත්‍රාවක් සහ පුද්ගලයින් 14 දෙනෙකු නාවික හමුදා භාරයට ගෙන ඇත.

ශ්‍රී ලංකා - ඉන්දීය නාවික හමුදා නියෝජිතයින් අතර වාර්ෂිකව පවත්වනු ලබන අන්තර්ජාතික මුහුදු සීමා සමුළුව ඊයේ (මැයි 03) කන්කසන්තුරයට උතුරින් වූ ඉන්දු ශ්‍රී ලංකා මුහුදු සීමාවේදී ඉන්දියානු නාවික හමුදාවට අයත් ‘සුමිත්‍ර’ නෞකාවේදී පවත්වන ලදී.

ශ්‍රී ලංකාවේ ඕස්ට්‍රේලියානු මහකොමසාරිස් කාර්යාලයේ ආරක්ෂක උපදේශක වශයෙන් කටයුතු කරන ගෘප් කපිතාන් ෂෝන් අන්වින් මහතා ඊයේ (මැයි 03) නැගෙනහිර නාවික විධාන මූලස්ථානයේදී, විධාන ආඥාපති, රියර් අද්මිරාල් නිරාජ ආටිගල මහතා හමුවිය.

ශ්‍රී ලංකා නාවික හමුදාවේ රාජකාරී නියුතු ජ්‍යෙෂ්ඨ නාවිකයින් 40 දෙනෙකු සඳහා රුපියල් ලක්ෂ පහක‍් (5) බැගින් වූ පොලි රහිත ණය මුදල් ලබා දීම අද (මැයි 02) නාවික හමුදාධිපති, වයිස් අද්මිරාල් සිරිමෙවන් රණසිංහ මහතාගේ ප්‍රධානත්වයෙන් නාවික හමුදා මූලස්ථානයේදී සිදු කෙරුණි.

සම්බුද්ධ පරිනිර්වාණයෙන් වසර 2562 ක් ගතවන මෙම වසරේ ජාතික වෙසක් දින ‍උළෙලට සමගාමීව නාවික හමුදාව විසින් ආගමික ක්‍රියාකාරකම් රැසක් සංවිධානය කර තිබුණ අතර, ඒ අනුව හුණුපිටිය ගංගාරාම ‘බුද්ධ රශ්මී’ කලාපය, කොළඹ වරාය ‘කොලොම්තොට’ වෙසක් කලාපය, ‘සිරස’ වෙසක් කලාපය සහ දිවයිනේ විවිධ ස්ථානයන්හි අති උත්කර්ෂවත් ලෙස වෙසක් සැරසිලි ප්‍රදර්ශනය කිරීමට කටයුතු යොදා තිබුණි.

2018 ජාතික වෙසක් උළෙලේ ප්‍රධාන ආරාධිත අමුත්තා වශයෙන් සහභාගී වූ ශ්‍රී ලංකා ප්‍රජාතාන්ත්‍රික සමාජවාදී ජනරජයේ අග්‍රාමාත්‍ය ගරු රනිල් වික්‍රමසිංහ මැතිතුමාගේ ප්‍රධානත්වයෙන් පසුගිය අප්‍රේල් 29 හුණුපිටිය, ගංගාරාම විහාරස්ථ සීමාමාලක පරිශ්‍රයේදී බුද්ධ රශ්මි වෙසක් කලාපය විවෘත කෙරුණි.

පසුගිය දිනයන් හිදී ප්‍රදේශ කිහිපයක නීති විරෝධී කටයුතුවල නිරත පුද්ගලයින් 14 දෙනෙකු නාවික හමුදා භාරයට පත් විය.

වෙසක් උත්සවය නිමිත්තෙන් යාපනය ශික්ෂණ රෝහල් කාර්ය මණ්ඩලය විසින් පසුගිය අප්‍රේල් 28 වන දින රෝහල් රුධිර බැංකුවේදී විශේෂ ලේ දන්දීමේ කඳවුරක් සංවිධානය කර තිබුණු අතර, ඒ සඳහා උතුරු නාවික විධානයට අනුයුක්ත නාවික පුද්ගලයන් විශාල පිරිසක් සහභාගිවී සිටියහ.

අන්තර් විධාන කිලෝ මීටර් 2 මුහුදු පිහිණුම් තරඟාවලිය ඊයේ දින (අප්‍රේල 28) ත්‍රිකුණාමලය නිකල්සන් කෝව් මුහුදු තීරයේ උත්කර්ශවත් අයුරින් පැවැති අතර, ඒ සඳහා ක්‍රීඩක ක්‍රීඩිකාවන් 450 කට අධික පිරිසක් සහභාගී වී සිටියහ.

සිරස මාධ්‍ය අනුග්‍රහය යටතේ පැවැත්වෙන වෙසක් කලාපය වෙත පැමිණෙන සැදැවතුන්ගේ පුද පූජාවන් වෙනුවෙන් තැන්පත් කිරීම සදහා ගාල්ල, පරමානන්ද විහාරස්ථානයේ වැඩ සිටින සර්වඥ ධාතූන් වහන්සේ ශ්‍රි ලංකා වෙරළ ආරක්‍ෂක ‘සුරක්‍ෂා’ නෞකාව මගින් ඊයේ (අප්‍රේල් 28) කොළඹට වැඩම කරවන ලදී.