ආරක්‍ෂක සේවා හබල් ඔරු පැදිමේ තරඟාවලිය 2018 පසුගිය ජුනි 20 සහ 21 යන දෙදින තුළ බත්තරමුල්ල, දියවන්නා ජලාශය ආශ්‍රිතව පවත්වන ලදී. ඒ සඳහා ත්‍රිවිධ හමුදාව නියෝජනය කරමින් ක්‍රීඩක ක්‍රීඩිකාවන් රැසක් සහභාගී වීය.

එක්සත් ජාතීන්ගේ මත්ද්‍රව්‍ය සහ අපරාධ පිළිබඳ ආයතනයේ (United Nations Office on Drugs and Crime - UNODC) නිර්දේශය මත බංග්ලාදේශ සහ මාලදිවයින නාවික හමුදා නිලධාරින් සඳහා නෞකා හා යාත්‍රාවලට ප්‍රවිශ්ඨ වීමත්, ඒවා සෝදිසි කිරීමේ ක්‍රියාපටිපාටීන් හා ක්‍රමෝපායන් පිළිබඳ (Visit Board Search and Seizure - VBSS) පාඨමාලාවක් පසුගිය ජුනි 18 වන දින ත්‍රිකුණාමලය, විශේෂ යාත්‍රා බලඝණ මූලස්ථානයේදී ආරම්භ කරන ලදී.

ලෝක ජලශාස්ත්‍රීය දිනය අද (ජුනි 21) දිනට යෙදී ඇති අතර, ශ්‍රී ලංකා නාවික හමුදා ජලශාස්ත්‍රීය ඒකකය විසින් එම දිනය සැමරීමට කටයුතු කරන ලදී.

ඇමෙරිකා එක්සත් ජනපදයේ නිවිජර්සි හි ආධුනික බේස්බෝල් සංගමයේ කොමසාරිස් ලැරි ෆ්රූන්ක් මහතාගේ ආරාධනාවකට අනුව 2015, 2017 සහ 2018 වර්ෂයන්වලදි ජාතික බේස්බෝල් ශූරතාවයන් හිමිකර ගත් ශ්‍රී ලංකා නාවික හමුදා බේස්බෝල් කණ්ඩායම පසුගිය ජුනි 02 වන දින සිට ජුනි 10 වන දින දක්වා ඇමෙරිකා එක්සත් ජනපදයේ සුහද බේස්බෝල් තරඟ සංචාරයක නිරත වීය.

මෙරටට පැමිණි සිටින චිනයේ ජාතික ආරක්ෂක විශ්වවිද්‍යාලයේ ලුතිනන් ජෙනරාල් සීයාවෝ ටියාං ලියාන්ග් මහතා (Lieutenant General Ziao Tian Liang) ඇතුළු නියෝජිතයින් පිරිස ඊයේ (ජුනි 20) දකුණු නාවික විධානයේ සංචාරයක නිරත විය.

ලෝක රුධිර පරිත්‍යාගශීලීන්ගේ දිනය නිමිතිකොට ගෙන ලේ දන්දීමෙන් ලෝකයට සහ රටට කළ සේවය අගයමින් සම්මාන පිරිනැමීමේ උත්සවයක් පසුගිය ජුනි 14 වන දින සෞඛ්‍ය, පෝෂණ සහ දේශීය වෛද්‍ය අමාත්‍යාංශය සහ ශ්‍රී ලංකා ලේ බැංකුවේ ප්‍රධානත්වයෙන් කොළඹ, නෙලුම් පොකුණ රඟහලේදී පැවැත්විණි.

පසුගිය දිනයන් හිදී ප්‍රදේශ කිහිපයක නීති විරෝධී කටයුතුවල නිරත පුද්ගලයින් 08 දෙනෙකු නාවික හමුදා භාරයට පත් විය.

අද (ජුනි 18) දින, මෙරටට පැමිණි ප්‍රංශ නාවික හමුදාවට අයත් සර්කෝෆ් නෞකාවේ අණදෙන නිලධාරිනි, කොමාණ්ඩර් ක්‍රිස්ටීන් රිබේ මහත්මිය නාවික හමුදා මූලස්ථානයේදී, නාවික හමුදාධිපති, වයිස් අද්මිරාල් සිරිමෙවන් රණසිංහ මහතා හමුවිය.

ප්‍රංශ නාවික හමුදාවට අයත් සර්කෝෆ් (Surcouf) සහ ඩික්ස්මුඩ් (Dixmude) යන නෞකාවන් සුහද සංචාරයක් සඳහා අද (ජුනි 18) උදෑසන කොළඹ වරායට සේන්දු විය.

ශ්‍රී ලංකා නාවික හමුදාව සතු ගැඹුරු මුහුදු නිරීක්‍ෂණ නෞකාවක් වන ශ්‍රී ලංකා නාවික නෞකා ‘සාගර’ නෞකාව ඊයේ (ජුනි 16) සිය අභිමානවත් 12 වන සංවත්සරය සමරන ලදී.