නාවික හමුදාධිපති, වයිස් අද්මිරාල් පියල් ද සිල්වා මහතා පෙබරවාරි 08 සහ 09 වන දින උතුරු නාවික විධානයේ සංචාරයක නිරත විය.

වයඹ නාවික විධානයට අනුයුක්ත නාවිකයින් පිරිසක් ඊයේ (පෙබරවාරි 09) සිදු කළ පා මුර සංචාරයක් අතරතුරදි පල්ලියවාසල්පාඩු ප්‍රදේශයේදී නීති විරෝධී දැල් භාවිතා කරමින් මසුන් ඇල්ලූ පුද්ගලයින් දෙදෙනෙකු (02) අත්අඩංගුවට ගෙන ඇත.

නැගෙනහිර නාවික විධානයට අනුයුක්ත නාවිකයින් පිරිසක් සහ ත්‍රිකුණාමලය දිසා දූෂණ මර්ධන ඒකකයේ නිලධාරීන් පිරිසක් එක්ව සිදු කළ සෝදිසි කිරීමකදී ඊයේ (පෙබරවාරි 09) කින්නියා ප්‍රදේශයේදී ජෙලට්නයිට් කූරු කිලෝග්‍රෑම් 7.56 ක් (කූරු 54ක්) සහ අඩි 50.6 ක් දිගැති ආරක්‍ෂිත වෙඩි නුලක් සමඟ සැකකරුවකු අත්අඩංගුවට ගන්නා ලදී.

නීති විරෝධී ලෙස ශ්‍රී ලංකාවට අයත් නැගෙනහිර මුහු‍දේ ධීවර කටයුතුවල නිරත වූ ඉන්දීය ධීවරයින් හත්දෙනෙකු (07) අද (පෙබරවාරි 09) නාවික හමුදාව අත්අඩංගුවට ගෙන ඇත.

නාවික හමුදාධිපති, වයිස් අද්මිරාල් පියල් ද සිල්වා මහතා ඊයේ (පෙබරවාරි 08) සහ අද දින උතුරු නාවික විධානයේ සංචාරයක නිරත වූ අතර, එහිදී යාපනය ප්‍රදේශයේ පදිංචි නාවික හමුදා ‍විශ්‍රාමික නාවිකයින් පිරිසක් නාවික හමුදාධිපතිතුමා හමු විය. එම හමුවීම ශ්‍රී ලංකා නාවික නෞකා උත්තර ආයතනයේ නාවික මැදුරේදී සිදු කෙරුණි.

දකුණු නාවික විධානයට අනුයුක්ත නාවිකයින් සහ දික්වැල්ල පොලිසියට අනුයුක්ත නිලධාරින් හා එක්ව ඊයේ (පෙබරවාරි 08) මාතර, වැවුරුකන්නල ප්‍රදේශයේ සිදු කළ වැටලීමකදී ගංජා ග්‍රෑම් 315 ක් සමඟ පුද්ගලයින් තිදෙනෙකු (03) අත්අඩංගුවට ගෙන ඇති අතර, මෙම පුද්ගලයින් ගංජා අලෙවි කරමින් සිටිය දී මෙලෙස අත්අඩංගුවට පත් වී ඇත.

වයඹ නාවික විධානයට අනුයුක්ත නාවිකයින් පිරිසක් විසින් ඊයේ (පෙබරවාරි 08) වෙල්ලමුන්දලම් මුහුදු ප්‍රදේශයේ සිදු කළ මුර සංචාරයක් අතරතුරදි වලංගු ධීවර අවසරපත් නොමැතිව ධීවර කටයුතුවල නිරතවූ පුද්ගලයින් දෙදෙනෙක් (02) අත්අඩංගුවට ගෙන ඇත.

නාවික හමුදා ‍තොරතුරකට අනුව පන්වැව, පොලිස් විශේෂකාර්ය බළකායට අනුයුක්ත නිලධාරීන් පිරිසක් විසින් අද (පෙබරවාරි 08) හම්බන්තොට, බැරක් වීදිය ප්‍රදේශයේදී හක් බෙල්ලන් කිලෝග්‍රෑම් 06 ක් සමඟ පුද්ගලයෙකු අත්අඩංගුවට ගෙන ඇති අතර, ඒවා අලෙවි කිරීම සඳහා සුදානම් කර තිබූ බවට සැක පළ කෙරේ.

ශ්‍රි ලංකාවේ සංචාරයක නිරත වන ඉන්දු - පැසිෆික් සහයෝගීතා නායකත්ව කටයුතු පිළිබඳ නියෝජිත එයාර් කොමදෝරු රිචඩ් ඩේවිඩ් ඕවන් මහතා ඇතුළු නියෝජිතයින් පිරිසක් ඊයේ (පෙබරවාරි 07) නාවික හමුදා මූලස්ථානයේදී, නාවික හමුදාධිපති, වයිස් අද්මිරාල් පියල් ද සිල්වා මහතා හමුවිය.

ප්‍රංශ නාවික හමුදාවේ ඉංජිනේරු අංශයට අනුයුක්තව සේවය කර මියගිය ගිල්ඩස් කෝෂියාන් නිලධාරියාගේ බිරිඳ වන ඇමෙරිකා එක්සත් ජනපදයේ පදිංචි අයංකා කෝෂියාන් මහත්මිය සහ එම දූ දරුවන් විසින් ශ්‍රී ලංකා නාවික හමුදා සේවා වනිතා ඒකකය වෙත රුපියල් මිලියනයක මුදලක් ප්‍රදානය කර ඇත.